ກະຊວງສຶກສາທິການ ແລະ ກິລາ ທົບທວນນິຕິກຳການສຶກສາກ່ອນໄວຮຽນ

ເມື່ອບໍ່ດົນມານີ້, ກົມ ການສຶກສາກ່ອນໄວຮຽນ ກະຊວງສຶກສາທິການ ແລະ ກິລາ, ໄດ້ຈັດກອງປະຊຸມທົບ ທວນນິຕິກໍາຕ່າງໆ ທີ່ກ່ຽວ ຂ້ອງກັບການສຶກສາກ່ອນ ໄວຮຽນ, ໂດຍການເປັນປະ ທານຂອງທ່ານ ຄໍາຜາຍ ສີສະຫວັນ ຮອງລັດຖະມົນ ຕີກະຊວງສຶກສາທິການ ແລະ ກິລາ ເພື່ອຄົ້ນຄວ້າກົດໝາຍ, ດໍາລັດ, ບົດແນະນໍາ, ຂໍ້ຕົກ ລົງ, ແຈ້ງການ ແລະ ບົດ ວິໄຈ, ບັນດາເນື້ອໃນຂອງ ນະໂຍບາຍການສຶກສາ ກ່ອນໄວຮຽນ. ໃຫ້ຮັດກຸມ ຄົບຖ້ວນ.

+ ກົມແຜນການກະຊວງສຶກສາທິການ ແລະ ກິລາ ສະຫລຸບວຽກງານກຳມະບານ

+ ກະຊວງສຶກສາທິການ ແລະ ກິລາ ຫາລືວຽກງານກວດກາ

ທ່ານ ນາງ ສີພາພອນ ມະນີວັນ ຮອງຫົວໜ້າກົມ ການສຶກສາກ່ອນໄວຮຽນ ໃຫ້ຮູ້ວ່າ: ທົ່ວປະເທດມີສະ ຖານທີ່ການສຶກສາກ່ອນໄວຮຽນ ທັງໝົດ 3.056 ແຫ່ງ, ໃນນັ້ນ, ໂຮງຮຽນລ້ຽງເດັກ ແລະ ອະນຸບານຂອງລັດ 2.638 ແຫ່ງ, ໂຮງຮຽນເອ ກະຊົນ 417 ແຫ່ງ. ຖ້າແບ່ງ ອອກກໍຈະມີໂຮງຮຽນອະນຸ ບານ 2.545 ແຫ່ງ, ໂຮງ ຮຽນລ້ຽງເດັກ ແລະ ໂຮງ ຮຽນອະນຸບານ 443 ແຫ່ງ ແລະ ເປັນໂຮງຮຽນລ້ຽງ ເດັກສະເພາະມີ 68 ແຫ່ງ; ມີຫ້ອງກຽມປະຖົມຈໍານວນ 2.388 ຫ້ອງ, ຫ້ອງດ່ຽວ 2.265 ຫ້ອງ ແລະ ຫ້ອງ ຄວບກັບ ປ1 ມີ 123 ຫ້ອງ, ມີ ນັກຮຽນຊັ້ນລ້ຽງເດັກ ແລະ ອະນຸບານສຶກສາ 214 ພັນຄົນ. ໃນນັ້ນ, ມີເດັກອາຍຸ 0-2 ປີ 13.517 ຄົນ, ເດັກ ອາຍຸ 3-4 ປີ ມີ 96 ພັນ ກວ່າ ຄົນ, ເດັກອາຍຸ 5 ປີ 57ພັນ ກວ່າຄົນ ແລະ ມີຄູສອນໃນ ຊັ້ນລ້ຽງເດັກ ແລະ ອະນຸບານ ທັງໝົດ 9.600 ຄົນ. ໃນນັ້ນ, ຄູລັດ 12.308 ຄົນ, ຄູເອ ກະຊົນ 2.710 ຄົນ. ອັດຕາ ການເຂົ້າຮຽນຂອງເດັກ ອາ ຍຸ 3-5 ປີ ບັນລຸ 52,2% (ເພີ່ມຂຶ້ນ 1,6 %) ແລະ ເດັກອາຍຸ 5 ປີ ບັນລຸ 74,4% (ເພີ່ມຂຶ້ນ 4,4%). ແນວ ໃດກໍຕາມຍັງມີ 32 ເມືອງ ໃນ 7 ແຂວງທີ່ມີອັດຕາ ເຂົ້າຮຽນຂອງເດັກ 5 ປີ ຕໍ່າ ກວ່າ 60%.

ສາເຫດມາຈາກຄຸນນະພາບການຮຽນ-ການສອນ, ຄູບໍ່ພຽງພໍ ແລະ ອື່ນໆ.