ໜ່ວຍສະຫະພັນແມ່ຍິງພະແນກແຜນການ ແລະ ການລົງທຶນແຂວງເຊກອງ ສຳເລັດກອງປະຊຸມໃຫຍ່ຄັ້ງທີ III
ກອງປະຊຸມໃຫຍ່ ຜູ້ແທນ ໜ່ວຍສະຫະພັນແມ່ຍິງຮາກ ຖານພະແນກແຜນການ ແລະ ການລົງທຶນ ແຂວງເຊກອງ ຄັ້ງທີ III ໄດ້ໄຂຂຶ້ນ ໃນວັນທີ 12 ມິຖຸນາ ນີ້, ໂດຍການເປັນ ປະທານຂອງທ່ານ, ປະ ທານ ສະຫະພັນແມ່ຍິງ ແຂວງ ນາງ ບຸນຮຽງ ບຸນຈິດ, ມີ ຫົວໜ້າພະແນກແຜນການ ແລະ ການລົງທຶນແຂວງ ສະຫະພັນແມ່ຍິງ ແລະ ແຂກຖືກເຊີນເຂົ້າຮ່ວມ.
+ ກອງປະຊຸມສະພາເລັ່ງແກ້ໄຂບັນຫາຂອງຊາດ
+ ສະຫະພັນແມ່ຍິງແຂວງບໍ່ແກ້ວມອບເຄື່ອງນຸ່ງຫົ່ມ ໃຫ້ຜູ້ປະສົບໄພໜາວຢູ່ເມືອງເມິງ
ກອງປະຊຸມໄດ້ຜ່ານ ບົດລາຍງານການເຄື່ອນ ໄຫວ ວຽກງານໃນໄລຍະ 4 ປີ ຜ່ານມາ, ເຊິ່ງໄດ້ເອົາ ໃຈໃສ່ສຶກສາອົບຮົມການ ເມືອງ- ນຳພາແນວຄິດ ໃຫ້ ສະມາຊິກຢ່າງເປັນປົກກະ ຕິ, ເອົາໃຈໃສ່ປະຕິບັດມະ ຕິຄຳສັ່ງ, ແນວທາງນະໂຍ ບາຍຂອງພັກ, ລະບຽບ ກົດໝາຍຕ່າງໆ.
ນອກນີ້ຍັງໄດ້ຕິດຕາມ, ກວດກາ, ຊຸກຍູ້ ແລະ ເກັບ ກຳຜົນງານການເຄື່ອນ ໄຫວວຽກງານຕ່າງໆ ຂອງ ສະມາຊິກທຸກສະຫາຍຈົນ ສາມາດຍາດຜົນງານດີເດັ່ນ ແລະ ໄດ້ຮັບໃບຍ້ອງຍໍຂັ້ນ ຕ່າງໆ ຈາກພັກ ແລະ ລັດ ຖະບານ.
ນອກນີ້ຍັງໄດ້ຊຸກຍູ້ໃຫ້ ເອື້ອຍນ້ອງແມ່ຍິງເອົາໃຈ ໃສ່ສ້າງເສດຖະກິດເພື່ອພັດ ທະນາຊີວິດການເປັນຢູ່ຂອງ ຕົນເອງ ແລະ ຄອບຄົວໃຫ້ດີ ຂຶ້ນເທື່ອລະກ້າວ, ໂດຍສາ ມາດຄັດເລືອກຈັດປະເພດ 3 ດີປະເພດ 1 ມີ 15 ຄົນ ເທົ່າ ກັບ 71,43%, ປະເພດII ມີ 6 ຄົນເທົ່າກັບ 28,57%.
ກອງປະຊຸມໄດ້ດຳເນີນ ການປ່ອນບັດຄັດເລືອກເອົາ ຄະນະໜ່ວຍສະຫະພັນແມ່ ຍິງຮາກຖານພະແນກແຜນ ການ ແລະ ການລົງທຶນ ແຂວງຊຸດໃໝ່ ເຊິ່ງເລືອກ ໄດ້ ທ່ານ ນາງ ໜູຈັນ ອິນທິ ສານ ເປັນປະທານ, ທ່ານ ນາງ ເມກຂະຫລາ ສີລາຊາ ເປັນຮອງປະທານ ແລະ ທ່ານ ນາງ ທອງພູນ ພິມມະເສນ ເປັນຮອງປະ ທານ, ທັງເປັນປະທານກວດ ກາໜ່ວຍ.
