ນ້ຳມັນໝາກກອກຊ່ວຍບຳລຸງມືໃຫ້ນຸ້ມຊຸ່ມຊື່ນ

ໃນຍາມອາກາດເຢັນ ບໍ່ວ່າຈະແມ່ນພາກສ່ວນໃດຂອງຮ່າງກາຍກໍລ້ວນແຕ່ຕ້ອງການໆບຳລຸງ ແລະ ຕື່ມຄວາມຊຸ່ມຊື່ນເປັນພິເສດຄືກັນໝົດ ເຊິ່ງມື້ນີ້ພວກເຮົາມີເຕັກນິກການບຳລຸງມືໃຫ້ອ່ອນນຸ້ມຊຸ່ມຊື່ນດ້ວຍສູດງ່າຍໆທີ່ປະຢັດ ແລະ ປອດໄພແບບທຳມະຊາດມາແນະນຳທ່ານ, ສູດດັ່ງກ່າວມີສ່ວນປະສົມຕົ້ນຕໍແມ່ນນຳ້ມັນໝາກກອກ.

     – ວິທີການເຮັດ :

1. ໃຊ້ນຳ້ມັນໝາກກອກ ປະມານ 2 ບ່ວງແກງ ເອົາສຳລີຈຸ່ມ.
2. ເອົາມາທາໃສ່ບໍລິເວນຜິວມື ຫລື ທາທົ່ວມື ແລ້ວນວດຄ່ອຍໆໃຫ້ທົ່ວມື ແລະ ເລັບ 5 ນາທີ.
3. ຫລັງຈາກນວດແລ້ວຈຶ່ງປະໄວ້ ປະມານ 20 ນາທີ.
4. ລ້າງອອກໂດຍນຳ້ອຸ່ນ ແລະ ນຳ້ເຢັນຕາມລຳດັບ.

ພຽງເທົ່ານີ້ກໍຈະຊ່ວຍໃຫ້ຜິວມືຂອງທ່ານບໍ່ຫ່ຽວແຫ້ງ, ບໍ່ແຕກ, ບໍ່ລອກເປັນເກັດ, ແຕ່ມີຄວາມອ່ອນນຸ້ມຊຸ່ມຊື່ນຂຶ້ນໄດ້.