ປະເທດອາຊີມີລຸ້ນໄດ້ໂກຕ້າ ບານໂລກເພີ່ມ 8 ທີມ
ປະເທດອາຊີມີໂອກາດສູງໄດ້ໂກຕ້າບານໂລກ 2018 ເພີ່ມເປັນ 8 ທີມເຄິ່ງ ຫລັງບານໂລກປີດັ່ງກ່າວ ເຊິ່ງຈະມີການໂຫວດເລືອກເຈົ້າພາບໃນວັນທີ 13 ມິຖຸນານີ້ ຈະມີການເພີ່ມທີມລວມທັງໝົດເປັນ 48 ທີມ. ຂະນະທີ່ສະມາຄົມກິລາບານເຕະ ຢືນຢັນເຮັດຖືກຕ້ອງແລ້ວກໍລະນີຫ້າມນັກເຕະທີ່ພົວພັນລົ້ມບານລົງຫລິ້ນ.
ກອງປະຊຸມສະຫະພັນບານເຕະນາໆຊາດ (ຟີຟາ) ລະຫວ່າງວັນທີ 9-17 ມິຖຸນານີ້ ເຊິ່ງຈະມີວາລະສຳຄັນໃນເລື່ອງຂອງການເລືອກເຈົ້າພາບບານໂລກ 2026 ເຊິ່ງມີ 2 ຕົວເລືອກຄື ໂມຣ໊ອກໂກ ທີ່ສະເໜີຕົວມາປະເທດດຽວ ກັບກຸ່ມປະເທດຈາກໂຊນອາເມລິກາເໜືອໄດ້ແກ່ ອາເມລິກາ, ການາດາ ແລະ ເມັກຊິໂກ.
ທັງນີ້, ຕະຫລອດເວລາຜ່ານມາ ມີບາງຄົນຕັ້ງບັນຫາວ່າ: ອາເມລິກາ, ການາດາ ແລະ ເມັກຊິໂກ ອາດຈະເປັນຝ່າຍເສຍໄຊ ເພາະຜູ້ນຳອາເມລິກາ ໂດນັນ ທຣຳ ມີຫາງສຽງບໍ່ດີເທົ່າໃດ.
