ສະມາທິບໍາບັດ ພື້ນຖານງ່າຍໃນການຮັກສາສຸຂະພາບ

ສະມາທິບໍາບັດ Meditation Healing ເປັນອີກໜຶ່ງການປິ່ນປົວທີ່ໃນປັດຈຸບັນເປັນເທນທີ່ກໍາລັງມາແຮງ ແລະ ເປັນທີ່ນິຍົມໃນໝູ່ຄົນເຮັດວຽກໄປຈົນເຖິງຜູ້ອາຍຸສູງ. ສະມາທິບໍາບັດຈະຢຶດຫຼັກການງ່າຍໆ ຈາກຄໍາທີ່ວ່າ “ຈິດໃຈທີ່ດີ ແລະ ໃສສະອາດ ຍ່ອມຕາມມາດ້ວຍຮ່າງກາຍທີ່ແຂງແຮງ” ໂດຍພື້ນຖານແລ້ວຈະເປັນການນັ່ງສະມາທິ ເພື່ອໃຫ້ຈິດໃຈປອດໂປ່ງ ໂດຍຢຶດຫຼັກການຝຶກຈິດໃຈຕາມແບບພຸດທະສາສະໜາ ປະສົມປະສານກັບແນວຄິດປັດຈຸບັນ ເພື່ອໃຫ້ເກີດການບໍາບັດ ແລະ ຮັກສາສະພາບທາງຈິດໃຈນັ້ນເອງ.

• ວິທີການບໍາບັດ

ການເຮັດສະມາທິບໍາບັດບໍ່ແຕກຕ່າງຈາກການນັ່ງສະມາທິປົກກະຕິຂອງຊາວພຸດ ວິທີການຫຼັກໆກໍຄືປ່ອຍວາງຈາກຄວາມຄິດ ແລະ ເຮັດໃຫ້ສະໝອງປອດໂປ່ງ ໂດຍການນັ່ງຫຼັບຕາ ແລະ ກໍານົດລົມຫາຍໃຈເຂົ້າອອກໃຫ້ເປັນຈັງຫວະສະໝໍ່າສະເໝີ ໂດຍຈຸດສໍາຄັນໃນການນັ່ງສະມາທິ ເພື່ອໃຫ້ໄດ້ປະສິດທິພາບສູງສຸດກໍຄື:

1. ສວດມົນຫາຍໃຈເຂົ້າເລິກໆ ແລະ ປ່ອຍອອກມາຈົນສຸດຢ່າງສະໝໍ່າສະເໝີ
2. ນັ່ງສະມາທິໃນສະຖານທີ່ທີ່ມີອາກາດຖ່າຍເທໄດ້ສະດວກ ແລະ ເປັນພື້ນທີ່ທີ່ມີຄວາມສະຫງົບ
3. ເຮັດຈິດໃຈໃຫ້ປອດໂປ່ງ ແລະ ປ່ອຍວາງຈາກຄວາມຄິດທັງໝົດ
4. ເຮັດຢ່າງສະໝໍ່າສະເໝີທຸກມື້ ຢ່າງໜ້ອຍມື້ລະ 30 ນາທີຕໍ່ຄັ້ງ ຊຶ່ງຈຸດນີ້ຜູ້ປະຕິບັດອາດຈະເຮັດຈັກຄັ້ງຕໍ່ມື້ກໍໄດ້ຕາມຄວາມສະດວກ ແລະ ເວລາຫວ່າງທີ່ມີ.

• ປະໂຫຍດທີ່ໄດ້ຮັບຈາກການເຮັດສະມາທິບໍາບັດ

ການເຮັດສະມາທິບໍາບັດໃນບົດຄວາມນີ້ ຈະເນັ້ນໃນເລື່ອງສຸຂະພາບ ຊຶ່ງວິທະຍາສາດເທົ່ານັ້ນ ຊຶ່ງປະໂຫຍດຫຼັກໆທີ່ຈະໄດ້ຮັບ ເມື່ອເຮັດສະມາທິບໍາບັດຈະມີດັ່ງນີ້:

1. ມີພັດທະນາການທາງສະໝອງ ແລະ ຄວາມຄິດທີ່ດີຂຶ້ນ
2. ການຄວບຄຸມອາລົມດີຂຶ້ນ
3. ມີພື້ນຖານດ້ານສຸຂະພາບຮ່າງກາຍທີ່ດີຂຶ້ນ
4. ຜ່ອນຄາຍຄວາມຄຽດ

ການເຮັດສະມາທິບໍາບັດຖືເປັນອີກໜຶ່ງແນວທາງໃນການຮັກສາສຸຂະພາບ ແລະ ສົ່ງຜົນດີຫຼວງຫຼາຍ ແນ່ນອນວ່າຖ້າເຮົາເຮັດໄປພ້ອມກັບການກິນອາກຫານທີ່ມີປະໂຫຍດ ແລະ ການອອກກໍາລັງກາຍທີ່ສະໝໍ່າສະເໝີ ແລະ ທີ່ສໍາຄັນກໍຄື ສະມາທິບໍາບັດຍັງສົ່ງຜົນຕໍ່ລະບົບຄວາມຄິດ ແລະ ວິເຄາະໃນການເຮັດວຽກໄດ້ເປັນຢ່າງດີອີກດ້ວຍ.