ການເກັບຄ່າຝາກລົດຊະຊາຍໄດ້ກຳເລີບມາອີກແລ້ວ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ກໍນັບວ່າ ເປັນການ ຍາກ ເມື່ອໃຜຜູ້ໜຶ່ງຍັງຄິດເຫັນ ແຕ່ຕົນເອງຫລາຍກວ່າສິດຜົນ    ປະໂຫຍດຂອງຊາດບ້ານ ເມືອງແລ້ວ, ການສວຍໂອ ກາດກໍຈະກຳເລີບຂຶ້ນມາທັນ ທີຄື: ດັ່ງສະພາບການສວຍ ໂອກາດເກັບເງິນຄ່າຝາກລົດ ຢູ່ໃນສະຖານທີ່ສາທາລະນະ ແລະ ແຄມຖະໜົນຫົນທາງ ຕ່າງໆ. ເຊິ່ງແຕ່ລະບ່ອນ, ແຕ່ ລະຄັ້ງຜູ້ຂາດຈັນຍາທຳດັ່ງ ກ່າວມັກຈະອ້າງວ່າ ເພື່ອ ຄວາມປອດໄພ, ພົ້ນເດັ່ນທີ່ສຸດ ກໍແມ່ນການສວຍໂອກາດ ເກັບເງິນຄ່າຝາກລົດນຳພໍ່ແມ່ ຜູ້ປົກຄອງເດັກ, ທີ່ນຳເອົາລູກ ຫລານຂອງຕົນໄປຫລິ້ນຢູ່ສູນ ການຄ້າວຽງຈັນເຊັນເຕີ ເມື່ອ ວັນເດັກນ້ອຍສາກົນ 1 ມິຖຸນາ ຜ່ານມານີ້, ຜູ້ສວຍໂອກາດ ດັ່ງກ່າວຈະບໍ່ລະເວັ້ນລົດຄັນ ໃດ, ຂໍພຽງແຕ່ໄປຈອດຢູ່ບໍລິ ເວນເສັ້ນທາງຄູວຽງ, ທາງ ຊອຍຕ່າງໆ ໃນບໍລິເວນກົມ ຮູບເງົາ, ບ້ານເກົ່າຍອດ, ສີ ເມືອງແມ່ນຈະເກັບເອົາໝົດ ຄັນລະ 10.000 ກີບ, ໂດຍ ພວກເຂົາເລົ່ານັ້ນ ຈະຕັ້ງໂຕະ ດື່ມເບຍຢູ່ເຂດເສັ້ນທາງ ດັ່ງ ກ່າວ ແລະ ອ້າງວ່າ ປກສ ບ້ານ, ເມື່ອເຫັນລົດຄັນໃດ ແລ່ນຈະມາຈອດຢູ່ເສັ້ນທາງ ດັ່ງກ່າວພວກເຂົາກໍຟ້າວປະ ຈອກເບຍແລ້ວແລ່ນມາໂບກ ລົດແລ້ວຈີກປີ້ເກັບເງິນຄ່າ ຝາກ 10.000 ກີບ, ໂດຍມີ ກາຈຳຈາກບ້ານເກົ້າຍອດ ຢ່າງຄັກແນ່ ແລະ ໄດ້ອ້າງ ວ່າເພື່ອຄວາມປອດໄພ, ເມື່ອ ເກັບເງິນແລ້ວເຂົາຈະຮີບກັບ ມາດື່ມເບຍພ້ອມຂອງແກ້ມ ຢ່າງສະໜຸກສະໜານເບິ່ງຄືບໍ່ ແມ່ນການກະທຳຂອງເຈົ້າໜ້າ ທີ່ຮັກສາຄວາມສະຫງົບແຕ່ ຢ່າງໃດ ແລະ ອີກກໍລະນີໜຶ່ງ ແມ່ນຢູ່ງານວາງສະແດງສິນ ຄ້າ ແລະ ຂາຍເບ້ຍໄມ້ທີ່ເດີ່ນ ທາດຫລວງກ່ອນວັນປູກໄມ້ ແຫ່ງຊາດ ເຊິ່ງດຳເນີນມາ 3-4 ມື້ນັ້ນ, ໄປບ່ອນໃດໃນ ເຂດດັ່ງກ່າວກໍລ້ວນແລ້ວແຕ່ ມີຜູ້ມາເກັບເງິນຄ່າຝາກລົດ ເຊັ່ນກັນໂດຍບໍ່ມີປີ້ຝາກລົດ ໃດໆ ແລະ ພວກເຂົາກໍອ້າງວ່າ ເພື່ອຄວາມປອດໄພ.

ໃນຂະນະທີ່ເມື່ອບໍ່ດົນມາ ນີ້ຫ້ອງວ່າການ ລັດຖະບານ ກໍໄດ້ອອກແຈ້ງການໃຫ້ຢຸດຕິ ການສວຍໂອກາດເອົາແຄມ ທາງເປັນບ່ອນຝາກລົດໂດຍ ບໍ່ໄດ້ຮັບອະນຸຍາດ ແລະ ສະ ພາບດັ່ງກ່າວໄດ້ຢຸດຕິລົງ ພຽງແຕ່ໄລຍະສັ້ນໆ ແລະ ມາປັດຈຸບັນມັນໄດ້ກຳເລີບ ຄືນມາອີກແລ້ວ.

ດັ່ງນັ້ນຈິ່ງຂໍຮຽກຮ້ອງ ພາກສ່ວນກ່ຽວຂ້ອງເອົາໃຈ ໃສ່ກວດກາ ແລະ ສະກັດກັ້ນ ຄວາມອັບປະໂຫຍດດັ່ງກ່າວ ເຮັດໃຫ້ການຄຸມຄອງລາຍຮັບ ເຂົ້າສູ່ລະບຽບກົດໝາຍ./.

+ ກະຊວງ ຍທຂ ຫ້າມເກັບຄ່າຝາກລົດເຂົ້າສະໜາມບິນທີ່ບໍ່ເໝາະສົມ

+ ປີທ່ອງທ່ຽວຢ່າເຮັດໃຫ້ກະເປົາຫ່ຽວ2018