ສັບປະດາຜົນງານຄວາມຄິດສ້າງສັນທາງວັດທະນະທຳຈີນ ທີ່ນະຄອນຫລວງວຽງຈັນ
ໃນວັນທີ 29 ພຶດສະພາ ນີ້, ສູນວັດທະນະທໍາຈີນ ປະ ຈໍາລາວ ແລະ ພະແນກວັດ ທະນະທໍາເຂດປົກຄອງຕົນ ເອງຊົນເຜົ່າຈ້ວງກວາງຊີ ຮ່ວມກັບໂຮງຮຽນ ສິລະປະ ແຫ່ງຊາດ ໄດ້ຈັດງານສັບ ປະດາວາງສະແດງຜົນງານ ຄວາມຄິດສ້າງສັນທາງວັດທະນະທໍາຈີນ, ຂຶ້ນທີ່ໂຮງ ຮຽນ ດັ່ງກ່າວໃນນະຄອນ ຫຼວງວຽງຈັນ,ໂດຍມີ ທ່ານ ຫົວໜ້າຫ້ອງການກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ຫົວໜ້າ ກົມສິ ລະປະການສະແດງ ກະຊວງຖະແຫຼງຂ່າວ, ວັດ ທະນະທໍາ ແລະ ທ່ອງທ່ຽວ, ມີຜູ້ຕາງໜ້າສະຖານເອກ ອັກຄະລັດຖະທູດ ສປ ຈີນ ປະຈໍາລາວ, ຮອງຫົວໜ້າ ພະແນກ ວັດທະນະທໍາເຂດ ປົກຄອງຕົນເອງຊົນເຜົ່າ ຈ້ວງກວາງຊີ ສປ ຈີນ, ຫົວ ໜ້າສູນວັດທະນະທໍາຈີນ ປະຈໍາລາວ, ຫົວໜ້າອໍາ ນວຍການໂຮງຮຽນສິລະ ປະແຫ່ງຊາດ ພ້ອມດ້ວຍຄູ ອາຈານ ແລະ ນັກຮຽນເຂົ້າ ຮ່ວມຢ່າງຫຼວງຫຼາຍ. ເພື່ອ ໄດ້ສໍາຜັດເຖິງຜົນງານ ຄວາມຄິດສ້າງສັນ ໃນການ ປະສານກັນຢ່າງກົມກຽວ ລະຫວ່າງ ເຕັກນິກສະໄໝໃໝ່ ແລະ ວັດທະນະທໍາ.
+ ສູນວັດທະນະທຳຈີນຈັດງານເທດສະການກຸດຈີນ 2018 ທີ່ ສປປ ລາວ
+ ສູນວັດທະນະທຳຈີນປະຈຳລາວ ຈັດກິດຈະກຳ ໃນຫົວຂໍ້ “ກ້າວສູ່ອາຊຽນຂອງວັດທະນະທຳຈີນ”
ໃນງານດັ່ງກ່າວມີຫຼາກຫຼາຍກິດຈະກໍາເປັນຕົ້ນແມ່ນ: ກິດຈະກໍາ “ອະນາຄົດທີ່ພິ ເສດ”ເຊັ່ນ: ການແຕ້ມຮູບ ຕາມໃຈດ້ວຍປາກກາສາມມິຕິ ແລະ ສາມາດເຮັດໃຫ້ອອກ ມາເປັນລັກສະນະສາມມິຕິ ໄດ້, ຖ່າຍຮູບດ້ວຍອຸປະກອນ VR ໂດຍຜ່ານການໃຊ້ ແທັບເລັດ ທີ່ມີຂໍ້ມູນພາບ ສາມມິຕິຕ່າງໆ ແລະ ສາ ມາດເລືອກເອົາຮູບສັດ ຕ່າງໆ ທີ່ຕົນເອງຕ້ອງການຖ່າຍ ຮູບຮ່ວມ ແລ້ວຖ່າຍອອກ ມາໄດ້ຢ່າງສົມຈິງ, ນອກນີ້, ຍັງໄດ້ຮັບຊົມການສະແດງ “ກາຕູນງິ້ວ” ທີ່ມີສີສັນ ເຊິ່ງສະແດງໂດຍຄົນແທ້ໃນ ເລື່ອງ “ລູກໃພ້ຂີ້ຮ້າຍເປັນ ແມ່ເຮືອນ” ຈາກລະຄອນງິ້ວ ກວາງຊີ, ສິລະປະການຟ້ອນ ຫຸ່ນທີ່ໄດ້ຮັບລາງວັນລະດັບ ສາກົນມາຫຼາຍລາງວັນສະ ແດງໂດຍຄະນະສິລະປະລະ ຄອນຫຸ່ນກວາງຊີ, ການ ຟ້ອນແບບຈີນ, ການເຕັ້ນ ບັນເລ ພ້ອມທັງການສະແດງ ງິ້ວປ່ຽນໜ້າແບບເຊສວນ ແລະ ອື່ນໆ.
ໃນວັນທີ 30 ພຶດສະພາ ນີ້, ງານດັ່ງກ່າວຈະໄດ້ຈັດ ຂຶ້ນຢູ່ທີ່ ໂຮງຮຽນ ກຽດຕິສັກ ນານາຊາດ, ວັນທີ 31 ພຶດ ສະພາຈະຈັດຢູ່ທີ່ ບ້ານຊ່ວຍ ເຫຼືອເດັກນ້ອຍ ເອັສໂອເອັສ ນະຄອນຫຼວງວຽງຈັນ ແລະ ໃນວັນທີ 1 ມິຖຸນາ, ຈະໄດ້ ຈັດຂຶ້ນຢູ່ສູນການຄ້າວຽງ ຈັນເຊັນເຕີ.
