ກົມຮູບເງົາເຊີນຊວນນັກສ້າງຮູບເງົາສະໝັກຫລິ້ນ ແລະ ມືອາຊີບເຂົ້າຮ່ວມແຂ່ງຂັນຮູບເງົາທົ່ວປະເທດ

ເມື່ອທ້າຍອາທິດອາທິດ ຜ່ານມາ, ກົມຮູບເງົາດກະ ຊວງຖະແຫຼງຂ່າວ, ວັດທະນະ ທໍາ ແລະ ທ່ອງທ່ຽວ ໄດ້ອອກ ແຈ້ງການ ໃຫ້ບັນດານັກສ້າງ ຮູບເງົາທັງສະໝັກຫຼິ້ນ ແລະ ມືອາຊີບ ທັງພາກລັດ ແລະ ເອກະຊົນ ສົ່ງຜົນງານຮູບ ເງົາ ສັ້ນ ແລະ ສາລະຄະດີເຂົ້າ ຮ່ວມການແຂ່ງຂັນຮູບເງົາ ທົ່ວປະເທດ, ເພື່ອສະຫຼອງ ປີທ່ອງທ່ຽວລາວ 2018 ພາຍ ໃຕ້ຫົວຂໍ້ “ງາມເດບ້ານເຮົາ” ພ້ອມກັນນີ້, ຍັງມີການແຂ່ງ ຂັນຄລິບຮູບເງົາາວິດີໂອຖ່າຍດ້ວຍໂທລະສັບມືຖືພາຍໃຕ້ ຫົວຂໍ້ “ສິ່ງທີ່ຢາກບອກ” ແລະ ສາມາດສົ່ງຜົນງານເຂົ້າຮ່ວມແຂ່ງຂັນນັບແຕ່ມື້ອອກແຈ້ງ ການ ຈົນເຖິງວັນທີ 31 ສິງຫາ ນີ້ ແລະ ຈະປະກາດຜົນການ ແຂ່ງຂັນໃນວັນທີ 27 ກັນຍາ 2018 ລວມມີ 10 ລາງວັນ, ລວມມູນຄ່າເກືອບ 50 ລ້ານ ກີບເຊັ່ນ: ການແຂ່ງຂັນຮູບ ເງົາເລື່ອງສັ້ນຄວາມຍາວ ບໍ່ໃຫ້ຫຼຸດ 10 ນາທີ ແລະ ສາລະຄະດີ ບໍ່ໃຫ້ຫຼຸດ 30 ນາທີ ໃນຫົວຂໍ້ “ງາມເດບ້ານ ເຮົາ” ປະເພດລະ 3 ລາງ ວັນ, ລາງວັນທີ 1 ໄດ້ຮັບ ເງິນສົດ 8 ລ້ານກີບ, ທີສອງ 5 ລ້ານກີບ, ທີສາມ 3 ລ້ານ ກີບ ແລະ ການແຂ່ງຂັນ ຄລິບ ວິດີໂອຍາວ 1 ນາທີ ໃນຫົວ ຂໍ້ “ສິ່ງທີ່ຢາກບອກ” ລາງ ວັນທີ 1 ຈະໄດ້ຮັບເງິນສົດ 2 ລ້ານກີບ, ທີສອງ 1,5 ລ້ານກີບ, ທີສາມ 1 ລ້ານ ກີບ ແລະ ລາງວັນທີ 4 ຈະ ໄດ້ຮັບ 5 ແສນກີບ, ພ້ອມ ດ້ວຍ ຂັນລາງວັນ ອື່ນໆອີກ.

ລາຍລະອຽດສາມາດຖາມ ເພີ່ມ ເຕີມໄດ້ທີ່ເບີ: 021 212 426 ແລະ 030 4422 157.

+ ໄດ້ແລ້ວຜູ້ຊະນະເລີດການແຂ່ງຂັນເວົ້າພາສາຈີນຄັ້ງທີ 13 ເພື່ອຈະໄປຮ່ວມແຂ່ງຂັນຢູ່ແຂວງຫູໜານ

+ ຜູ້ຊະນະການແຂ່ງຂັນພາສາອັງກິດສ່ວນຫລາຍມາຈາກໂຮງຮຽນແສງດາລາ