ລະວັງ !!! ນິໄສທີ່ເຮັດໃຫ້ຄວາມຮັກບໍ່ໝັ້ນຄົງ
ແມ່ຍິງທຸກຄົນອາດຕັ້ງໃຈຮັກໃຜໃຈຈົດໃຈຈໍ່, ແຕ່ບາງເທື່ອນິໄສຄວາມເປັນແມ່ຍິງທີ່ບໍ່ຮູ້ຈັກປັບໂຕໃຫ້ເຂົ້າກັບຄວາມຮັກ ມັນກໍ ເປັນໂຕການພາໃຫ້ຄວາມຮັກເປັນເລື່ອງອາລົມຂອງແມ່ຍິງທີ່ເຮັດໃຫ້ຜູ້ຊາຍເຖິງຈະຮັກຫລາຍປານໃດ, ແຕ່ກໍຮູ້ສຶກໝຸດໝັດໄປນຳ.
– ເອົາແຕ່ໃຈ : ນິໄສເອົາແຕ່ໃຈໃຜໆກໍບໍ່ມັກໜ້າເບື່ອຈົນບໍ່ຢາກຈະລົມນຳ ເພາະລົມກັນບໍ່ຮູ້ເລື່ອງ ຖ້າເຂົາພົບຄົນທີ່ດີກ່ວາທ່ານ ຮັບຮອງເຂົາໄປບໍ່ກັບ. ສະນັ້ນ ຖ້າຄິດຈະເປັນຄົນເອົາແຕ່ໃຈໂຕເອງໂດຍບໍ່ມີເຫດຜົນກໍຄິດຈັກໜ້ອຍ ແລ້ວຫັນມາລົມກັນແບບກົງໆດີກ່ວາ.
– ໃຊ້ອາລົມເປັນໃຫຍ່ : ຄວາມຈິງແລ້ວຄວນມີເຫດຜົນຫລາຍກ່ວາເອົາອາລົມຕັດສິນ ທັງນີ້ມາຈາກອາລົມທີ່ປ່ຽນແປງ ເຊິ່ງບາງຢ່າງກໍບໍ່ເປັນຕາມທີ່ເຮົາຄິດ ໃຊ້ເຫດຜົນເຂົ້າມາຊ່ວຍ ຢ່າໃຫ້ອາການທີ່ສະແດງອອກມາຮຸນແຮງ ຄວນເວົ້າສຽງອ່ອນໆເມື່ອທ່ານມີບັນຫາຕໍ່ກັນ.
– ຕັ້ງເງື່ອນໄຂໄວ້ສາລະພັດ : ໃຜທີ່ມັກກົດກະຕິກາ ເວລາຈະເຮັດຫຍັງໃຫ້ກັນກໍຕ້ອງມີເງື່ອນໄຂຕ່າງໆນາໆເພື່ອມາແລກປ່ຽນ ກັນນັ້ນບໍ່ໄດ້ໃຫ້ຜົນປະໂຫຍດ ຫລື ຝ່າຍໃດຝ່າຍໜຶ່ງເກີດການເສຍປຽບກັນ ແບບນີ້ຖືວ່າລຳລິລຳໄລເກີນໄປ ເພາະຄົນຮັກກັນເຂົາບໍ່ຄິດຫລາຍຈົນປານນີ້.
– ຕົວະໃຫ້ຫຶງຫວງ : ຜູ້ຊາຍກໍຮູ້ວ່າຄວາມພະຍາຍາມທີ່ຈະເຮັດໃຫ້ເຂົາຮູ້ສຶກຫຶງຫວງຂອງແມ່ຍິງ ມັນເປັນກົນລວງຂອງຄວາມສຳພັນທີ່ແມ່ຍິງຢາກວັດແທກລະດັບຄວາມສຳຄັນຂອງໂຕເອງເທົ່ານັ້ນ ເຂົາຮູ້ວ່າແມ່ຍິງເຮົາກໍພຽງແຕ່ຢາກເຮັດໂຕປະຊົດປະຊັນໃຫ້ຝ່າຍຊາຍຮູ້ວ່າເມື່ອເຂົາມີສິດເຮັດໃຫ້ເຮົາຮູ້ສຶກຫຶງຫວງເຮົາເອງກໍບໍ່ແມ່ນວ່າຈະໝົດສະເໜ່ ແລະ ບໍ່ມີຜູ້ຊາຍມາເຮັດໃຫ້ເຂົາຮູ້ສຶກເດືອດຮ້ອນໃຈກັບການຫລິ້ນຫູຫລິ້ນຕາກັບຜູ້ຊາຍຄົນອື່ນ.
– ບໍ່ໃຫ້ກຽດເຂົາ : ຄວນໃຫ້ກຽດເຂົາຕໍ່ໜ້າຄົນອື່ນ, ໃຫ້ຍິ້ມຢ່າງມີຄວາມສຸກໄວ້ ຫາກຢູ່ກັນສອງຕໍ່ສອງເມື່ອໃດຈຶ່ງລົມກັນ ບໍ່ ວ່າຈະເປັນເລື່ອງໃດໆກໍຕາມຢ່າໃຫ້ເຂົາເສຍໜ້າ, ເກັບໄວ້ລົມກັນສອງຄົນດີກ່ວາ ແລ້ວເລື່ອງນ້ອຍຈະບໍ່ກາຍເປັນເລື່ອງໃຫຍ່.
– ລືມເບິ່ງພື້ນທີ່ຄວາມຮູ້ສຶກຂອງເຂົາ : ໃຫ້ຄວາມສຳຄັນ ເຂົາອາດຈະມີສິ່ງທີ່ບໍ່ສະບາຍໃຈ ຢ່າງໜ້ອຍກໍຢູ່ເປັນໝູ່ເຂົາ ໃຫ້ກຳລັງໃຈ ຫລື ເຮັດໃຫ້ເຂົາສະບາຍໃຈຂຶ້ນ, ເບິ່ງແຍງດູແລເຂົາໃນຍາມທີ່ເຂົາໝົດກຳລັງໃຈ ຫລື ທໍ້ໃຈ ມັນກໍຕ້ອງມີແດ່ທີ່ຄົນເຮົາຄິດຫຍັງບໍ່ອອກ, ແຕ່ຫາກມີໃຜຈັກຄົນມານັ່ງຂ້າງໆເຮົາໃນຕອນນັ້ນກໍຖືວ່າເປັນເລື່ອງດີ.
– ຈອງຈຳເຂົາທຸກວິນາທີ : ປ່ອຍໃຫ້ເຂົາຢູ່ຄົນດຽວແດ່ເຂົາຈະໄປໃສເຮັດຫຍັງເຮົາບໍ່ຕ້ອງຕິດຕາມເຂົາຕະຫລອດເວລາກໍໄດ້. ການທີ່ໄດ້ຢູ່ຄົນດຽວແດ່ ເຂົາຈະໄດ້ຜ່ອນຄາຍແບບສຸດໆໝົດແຮງເມື່ອໃດເຂົາກໍຈະກັບມາເອງ.
