ຍົກລະດັບວຽກງານສືບສວນ-ສອບສວນໃຫ້ ປກສ ບ້ານເມືອງສີໂຄດຕະບອງ
ພິທີເຝິກອົບຮົມໄລຍະ ສັ້ນວຽກງານສືບສວນ- ສອບສວນດໍາເນີນຄະດີອາຍາໃຫ້ກໍາລັງ ປກສ ບ້ານທີ່ ຂຶ້ນກັບ ປກສ ກຸ່ມສີຖານ ເມືອງ ສີໂຄດຕະບອງ ນະ ຄອນຫລວງວຽງຈັນ ໄດ້ ຈັດຂຶ້ນໃນທ້າຍອາທິດຜ່ານມານີ້, ໂດຍການເປັນປະທານຂອງ ພັນໂທ ວຽງທອງ ຜາງພິລາວົງ ຮອງຫົວໜ້າກອງບັນຊາການ ປກສ ເມືອງສີໂຄດຕະບອງ ແລະ ທ່ານ ພັນໂທ ພັນໄຊ ທໍາມະສິດ ຮອງຫົວໜ້າກົມ ຕໍາຫຼວດເສດຖະກິດ, ມີຄະນະຮັບຜິດຊອບ, ນາຍບ້ານ ແລະ ນັກສໍາມະນາກອນ ເຂົ້າຮ່ວມເປັນຈຳນວນຫລາຍ.
+ ເຝິກອົບຮົມສ້າງຄວາມເຂັ້ມແຂງໃຫ້ແກ່ ສພຂ ໃນຂົງເຂດວຽກງານບັນດາເຜົ່າ
+ ຍົກລະດັບຄວາມຮູ້ໃຫ້ພະນັກງານສ່ວຍສາອາກອນ
ຮອງຫົວໜ້າກອງບັນ ຊາການ ປກສ ເມືອງ ສີໂຄດ ຕະບອງ ໃຫ້ຮູ້ວ່າ: ການຈັດ ເຝິກອົບຮົມດັ່ງກ່າວ ແມ່ນ ເປັນການເພີ່ມຄວາມຮັບຮູ້ ທາງດ້ານວິຊາສືບສວນ- ສອບສວນຄະດີອາຍາໃນ ຂັ້ນພື້ນຖານ, ແນໃສ່ຕອບສະ ໜອງຄວາມຮຽກຮ້ອງຕ້ອງການຂອງວຽກງານ ແລະ ເພື່ອເພີ່ມທະວີຄວາມສັກສິດ ໃນການຄຸ້ມຄອງລັດ-ຄຸ້ມ ຄອງສັງຄົມ ແລະ ເພີ່ມ ຄວາມເຊື່ອໝັ້ນໃຫ້ປະຊາ ຊົນ, ຮັບປະກັນໃນການນໍາ ເອົາກົດໝາຍໄປຈັດຕັ້ງ ປະຕິບັດມີຄວາມຖືກຕ້ອງ, ວ່ອງ ໄວ, ທັນການ ແລະ ມີຜົນສັກສິດ; ການເຝິກອົບ ຮົມດັ່ງກ່າວນັກສໍາມະນາ ກອນຈະໄດ້ຮຽນຮູ້ກ່ຽວ ກັບກົດໝາຍວ່າດ້ວຍການ ດໍາເນີນຄະດີອາຍາ, ຄວາມ ຮູ້ທົ່ວໄປກ່ຽວກັບການ ສືບສວນ-ສອບສວນ, ການ ຖາມ-ຕອບກ່ຽວກັບການ ສືບສວນ-ສອບສວນ, ແຜນ ວາດການດໍາເນີນຄະດີອາ ຍາ ແລະ ສາເຫດທີ່ພາໃຫ້ ເປີດການສືບ ສວນ-ສອບສວນ./.
