ຄະດີຢູ່ບ້ານເພິ່ນ ອາດເປັນບົດຮຽນສຳລັບເຮົາ

ໂດຍ: ກ້ອງສ່ອງ ອິດສະຫລະ    

ສໍາລັບມື້ນີ້, ກ້ອງສ່ອງ ອິດສະຫລະ ຂໍເລັງລໍາກ້ອງ ໄປທາງປະເທດມາເລເຊຍ, ໃນຖານະເປັນປະເທດໜຶ່ງ ໃນຄອບຄົວຂອງປະຊາຄົມ ອາຊຽນພວກເຮົາ. ດັ່ງທີ່ຮູ້ກັນ ແລ້ວວ່າ, ສະພາບການທີ່ຮື ຮາໂດດເດັ່ນ ແລະ ໂດ່ງດັງທີ່ ສຸດໃນປະຫວັດສາດຂອງມາ ເລເຊຍໃນປັດຈຸບັນ ແມ່ນຄະ ດີກ່ຽວກັບການສໍ້ລາດບັງ ຫລວງຫລາຍຮ້ອຍລ້ານໂດ ລາສະຫະລັດ. ການຮື້ຟື້ນຄະ ດີດັ່ງກ່າວ ໄດ້ມີຂຶ້ນພາຍ ຫລັງ ທ່ານ ມະຫາເທ ໂມຮໍາໝັດ ທີ່ເປັນແກນນໍາແນວຮ່ວມ ຝ່າຍຄ້ານໄວ 92 ປີຊະນະ ການເລືອກຕັ້ງອັນເຮັດໃຫ້ ທ່ານ ຄືນມາເປັນນາຍົກອີກ ຄັ້ງໃໝ່ຂອງລັດຖະບານ. ເວົ້າໄດ້ວ່າ: ທ່ານ ມະຫາເທ ໂມຮໍາໝັດ ຜູ້ມີອາຍຸສູງເຖິງ 92 ປີແມ່ນຜູ້ໜຶ່ງທີ່ສ້າງປະ ຫວັດສາດ ແລະ ສ້າງຕໍານານ ສະຖິຕິເປັນນາຍົກລັດຖະມົນ ຕີທີ່ມີອາຍຸສູງທີ່ສຸດໃນໂລກ. ຕາມ ແຫລ່ງຂ່າວຕ່າງປະເທດ ເມື່ອວັນທີ 10 ພຶດສະພາ ນີ້. ພາຍຫລັງ ທ່ານ ມະຫາ ເທຈັດຕັ້ງລັດຖະບານຂຶ້ນ ແລ້ວ, ໜຶ່ງໃນວຽກອັນໃຫຍ່ໆ ກໍແມ່ນປາບການສໍ້ລາດບັງ ຫລວງທີ່ຄາໃຈມາໄດ້ຫລາຍປີ. ສ່ວນຜູ້ທີ່ຕົກຢູ່ໃນກະໂທງ ຂອງການກວດສອບຄະດີຄັ້ງນີ້ ກໍແມ່ນ ທ່ານ ນາຈິບ ຣາຊັກ ອາດີດນາຍົກລັດຖະມົນຕີ ຂອງແນວຮ່ວມພັກລັດຖະ ບານທີ່ມີການປົກຄອງປະ ເທດມາເລເຊຍມາເປັນເວລາ 60 ກວ່າປີ.

+ ສຳ​ມະ​ນາ​ນັກ​ຂຽນ​ອາ​ຊຽນ​ ແລະ ​ວາງສ​​ະ​ແດງ​ປື້​ມວັນນະຄະດີ

+ ກະຊວງແຜນການ ແລະ ການລົງທຶນແລກປ່ຽນ​ບົດຮຽນ​ວຽກ​ງານ​ສະກັດ​ກັ້ນ ແລະ ຕ້ານ​ການ​ສໍ້​ລາດ​ບັງ​ຫລວງ2018

ແຫລ່ງຂ່າວໃນວັນທີ 22 ພຶດສະພາ 2018 ຍັງບອກ ວ່າ: ອາດີດນາຍົກລັດຖະ ມົນຕີ ນາຈິບ ຣາຊັກ ຖືກຮຽກ ຕົວໄປສືບສວນ-ສອບສວນ ເລື່ອງການສໍ້ລາດບັງຫລວງກອງທຶນພັດທະນາປະເທດ ແລະ ເງິນກອງທຶນພັດທະນາ ດ້ານອື່ນເຖິງ 600 ກວ່າລ້ານ ໂດລາສະຫະລັດ. ສ່ວນທາງ ເບື້ອງທ່ານ ມະຫາເທ ໂມຮໍາ ໝັດ ຜ່ານມາກໍເຄີຍເປັນຜູ້ ໜຶ່ງທີ່ມີສ່ວນສໍາຄັນຂອງແນວ ຮ່ວມລັດຖະບານທ່ານ ນາຈິບ ຣາຊັກເປັນຕົ້ນ: ເຄີຍເປັນ ຜູ້ໃຫ້ຄໍາປຶກສາ ແລະ ເປັນ ຄູທາງການເມືອງໃຫ້ແກ່ ທ່ານ ນາຈິບ ຣາຊັກ ແຕ່ກໍໄດ້ຖອນ ໂຕອອກຈາກແນວຮ່ວມໃນ ປີ 2016 ເພາະຍ້ອນໄກ່ເຫັນ ຕີນງູ ແລະ ງູກໍເຫັນຕີນໄກ່ ຈຶ່ງເກີດມີການຂັດແຍ່ງກັນໃນ ຫລາຍເລື່ອງ, ໂດຍສະເພາະ ແມ່ນບັນຫາທີ່ພົວພັນເຖິງ ການທຸຈະລິດນໍາເງິນຈາກ ກອງທຶນວັນເອັມດີບີຂອງ ລັດຖະບານເຂົ້າກະເປົາຂອງ ທ່ານ ນາຈິບ. ນີ້ຄືຕົ້ນເຫດເຮັດ ໃຫ້ຄະແນນສຽງຂອງແນວ ຮ່ວມພັກລັດຖະບານຂອງ ທ່ານ ນາຈິບ ໄດ້ຫລຸຸດລົງ ຢ່າງຫລວງຫລາຍແລ້ວກໍສະ ທ້ອນໄປເຖິງຜົນການເລືອກ ຕັ້ງທີ່ພິກລ໋ອກ, ກາຍເປັນທີ່ ມາຂອງຜູ້ຊະນະ ແລະ ແບບ ຫລົ້ມຫົວຈົມທ້າຍຂອງຜູ້ປະ ລາໄຊ.

ເມື່ອອ່ວາຍລໍາກ້ອງມາ ສ່ອງເບິ່ງປະເທດເຮົາ, ເວົ້າ ເຖິງການສໍ້ລາດບັງຫລວງ ໃນສິບກວ່າປີຜ່ານມານັ້ນມີ ບໍ່? ຫລາຍໜ້ອຍຊໍ່າໃດ? ຄໍາ ຕອບ ກໍຄືມີຢ່າງຫລວງຫລາຍ ແລະ ມີລັກສະນະກ້ວາງ ຂວາງ ແລະ ແຜ່ລາມນັບແຕ່ ເທິ່ງລົງລຸ່ມ, ຈົນເຮັດໃຫ້ຜູ້ ກິນໆພໍຮາກຜູ້ຢາກກໍຢາກ ພໍຕາຍ, ສຸດທ້າຍມາເງິນ ເດືອນເກືອບຈະບໍ່ມີອັນຈະມາແບ່ງປັນສູ່ກັນກິນ.

ຈາກສະພາບທີ່ເກືອບຈະກາຍເປັນຊໍາເຮື້ອມານັ້ນ, ຈຶ່ງ ເປັນງານໜັກໜ່ວງໃຫ້ລັດຖະບານຊຸດທີ 8 ຈົນເຖິງຂັ້ນໄດ້ ເອົາໄປອ່ານຢູ່ໃນ    ສະພາເປັນຈໍານວນຫລາຍພັນຕື້, ນັບທັງ ເງິນກີບ ແລະ ເງິນຕາຕ່າງ ປະເທດ. ເວົ້າເຖິງຜູ້ກ່ຽວຂ້ອງ ໃນກະໂທງສໍ້ລາດບັງຫລວງ ກໍມີຫລາຍທ່ານ, ຫລາຍຄົນ ເກືອບນັບບໍ່ຖ້ວນ, ຊຶ່ງມາຮອດ ປັດຈຸບັນທາງໜ່ວຍງານກວດ ກາພັກ-ລັດຖະບານ ກໍຍັງເລັ່ງ ການຕິດຕາມກວດກາໄປ ຕິກໆ, ແຕ່ສູດໃນການດໍາເນີນ ແລະ ແກ້ໄຂນັ້ນມັນໄປຄົນ ລະສູດ, ຄົນລະແບບ, ໄປແບບ ນິ້ມນວນ, ບົວບໍ່ໃຫ້ຊໍ້ານໍ້າບໍ່ ໃຫ້ຂຸ້ນ, ມີທັງພາຍໃນພາຍ ນອກ, ມີທັງເບື້ອງພັກ- ເບື້ອງ ລັດ.ອັນສໍາຄັນແມ່ນບໍ່ມີການ ເປີດໂປງໃຫ້ເສຍໜ້າ, ແຕ່ຖ້າ ຫາກເຮັດຄືມາເລເຊຍຢ້ານ ວ່າທຸກຄົນພາກັນຕັບລີບ.

ໃນສະໄໝພວກເຮົາ ເຮັດ ການປະຕິວັດຊາດປະຊາທິ ປະໄຕ ຕອນຢູ່ປ່າຫລືວ່າຢູ່ ເຂດປົດປ່ອຍ ຂະໜາດຜິດວິ ໄນພົວພັນສັງຄົມຫລີ້ນສາວ ມີລູກກໍຖືກໃສ່ໂທດຖືກຄຸກປະກາດວິໄນທົ່ວກົມກອງທັງ ອອກຂ່າວວິທະຍຸ, ໂທລະໂຄ່ງ ຢູ່ເປັ້ງໆ. ຕາມເຮົາວ່າເຮັດ ກັບ ພວກບັງຟັນທີ່ເຫັນແກ່ຕົວບໍ່ ເຫັນຄົນອື່ນ, ບໍ່ເຫັນແກ່ຄວາມ ທຸກຄວາມຍາກຂອງຊາດ ບ້ານເມືອງ ຕ້ອງເອົາສູດນີ້ ມານໍາໃຊ້ ຫລື ຈະເອົາສູດມາ ເລເຊຍມາເປັນບົດຮຽນມັນ ຈຶ່ງຫົວຫຍອງກົ້ນລີບ ແລະ ເຂັດຫລາບປານບັກລາອີ່ມ ເຂົ້າຫລາມ./.