ຊາວນາເມືອງໜອງບົກຍິ້ມ ເມື່ອພໍ່ຄ້າຄົນກາງຮັບຊື້ເຂົ້າຮອດທົ່ງນາໃນລາຄາເໝາະສົມ

ລະດູການຜະລິດເຂົ້ານາແຊງປີນີ້ຊາວນາເມືອງໜອງບົກ ແຂວງຄຳມ່ວນມີຄວາມ ພາກພູມໃຈເປັນພິເສດພາຍ ຫລັງ, ຜົນເກັບກ່ຽວດີ ແລະ ມີຜູ້ມາຮັບຊື້ໃນລາຄາສົມ ເຫດສົມຜົນນຳກະໂຕຊາວນາ ເອງ, ຢ່າງບໍ່ມີໃຜມາເອົາປຽບ ເອົາລັດດັ່ງ: ທ່ານ ບຸນຈັນ ໄຊ ປັນຍາ ຫົວໜ້າພະແນກກະ ສິກໍາ ແລະ ປ່າໄມ້ແຂວງ ໃຫ້ ຮູ້ວ່າ : ບ້ານດົງສະຫງໍາ ແມ່ນ ບ້ານໜຶ່ງໃນຈໍານວນ 55 ບ້ານທີ່ຂຶ້ນກັບເມືອງ ໜອງ ບົກປະກອບມີ 108 ຫຼັງ ເຮືອນ, ມີປະຊາຊົນອາໄສຢູ່ ທັງໝົດ 518 ຄົນ, ຍິງກວມ ເອົາຫລາຍກວ່າ 50%, ອາ ຊີບຫຼັກຂອງເຂົາເຈົ້າແມ່ນ ເຮັດນາທັງ 2 ລະດູຄື: ລະດູ ແລ້ງ ແລະ ລະດູຝົນ, ປູກພືດ – ລ້ຽງສັດ – ຄ້າຂາຍເປັນ ສໍາຮອງມີເນື້ອທີ່ນາທັງໝົດ 147 ເຮັກຕາ ໃນນັ້ນ, ສໍາລັບ ເນື້ອທີ່ນາແຊງທີ່ສາມາດ ເຮັດໄດ້ໃນປັດຈຸບັນມີປະ ມານ 69 ເຮັກຕາ ແລະ ຜົນ ຜະລິດເຂົ້ານາແຊງຂອງປີ ນີ້ແມ່ນໄດ້ຮັບຜົນດີກວ່າປີ ຜ່ານມາ ຍ້ອນສະພາບດິນ ຟ້າອາກາດເອື້ອອຳນວຍ ບວກກັບການນຳໃຊ້ເຕັກນິກວິທະຍາການເຂົ້າໃສ່ການ ຜະລິດເປັນຕົ້ນແມ່ນການ ບົ່ມຝຸ່ນຕໍເຟືອງເພື່ອບໍາລຸງ ດິນສາມາດຫລີກເວັ້ນການ ໃຊ້ສານເຄມີ ແລະ ປະຢັດ ຕົ້ນທຶນ.
ສ່ວນສະມັດຕະພາບ ຂອງຜົນຜະລິດປີນີ້ ແມ່ນ ບັນລຸ 4 ໂຕນ/ເຮັກຕາ, ອັນ ໄດ້ຊ່ວຍສ້າງເສດຖະກິດ ຄອບຄົວດີຂຶ້ນ .

+ ຊາວກະສິກອນໃນທົ່ວແຂວງຄຳມ່ວນ ເກັບກ່ຽວເຂົ້ານາແຊງສຳເລັດແລ້ວ 80,91%

+ ເມືອງທ່າປາງທອງມີແຜນຜະລິດເຂົ້ານາແຊງ 300 ເຮັກຕາ

ປັດຈຸບັນກຸ່ມຊາວນາ ບ້ານດົງສະຫງໍາ, ສະເລ່ຍ 17 ລ້ານກີບ / ຄອບຄົວ / ປີ. ຍ້ອນລາຄາເຂົ້າເປືອກ ດີຂຶ້ນໝືນໜຶ່ງປະມານ 23.500 ກີບ, ເຊິ່ງເປັນ ລາຄາທີ່ສົມເຫດສົມຜົນ ລະຫວ່າງຊາວນາ ແລະ ພໍ່ ຄ້າຄົນກາງ./.