ອາເຊນອລ ແຕ່ງຕັ້ງ ເອເມຣີ ຄຸມທີມ 4 ປີ
ອູໄນ ເອເມຣີ ອະດີດຜູ້ຈັດການທີມ ເປແອສເຊ ໄດ້ຮັບການແຕ່ງຕັ້ງໃຫ້ເປັນຜູ້ຈັດການທີມຄົນໃໝ່ຂອງ ອາເຊນອລ ຮຽບຮ້ອຍ ຫລັງມາແຮງແຊງ ມິເກລ ອາຣເຕຕ້າ.
ອາເຊນອລ ສະໂມສອນຊັ້ນນຳແຫ່ງ ພຣີເມຍລີກ ອັງກິດ ປະກາດແຕ່ງຕັ້ງໃຫ້ ອູໄນ ເອເມຣີ ອະດີດຜູ້ຈັດການທີມ ປາຣີສ ແຊງແຊກແມງ ເຂົ້າມາເປັນຜູ້ຈັດການທີມຄົນໃໝ່ໃນຖິ່ນ ເອມິເຣດ ສະເຕດ້ຽມ ຢ່າງເປັນທາງການແລ້ວ ໃນວັນທີ 23 ພຶດສະພານີ້ ໂດຍເຊັນສັນຍາເປັນເວລາ 4 ປີ ພ້ອມຮັບຄ່າຈ້າງປີລະ 6 ລ້ານປອນ.
ກ່ອນໜ້ານີ້ ມິເກລ ອາຣເຕຕ້າ ອະດີດກອງກາງຄົນເກັ່ງຂອງ ອາເຊນອລ ທີ່ປັດຈຸບັນໄປເປັນຜູ້ຊ່ວຍຂອງ ໂຈເຊບ ກວາດິໂອລາ ຜູ້ຈັດການທີມ ແມນເຊສເຕີ ຊິຕີ້ ເປັນຄົນສຳຄັນທີ່ຈະໄດ້ມາຄຸມ ອາເຊນອລ ຕໍ່ຈາກ ອາແຊນ ເວນເກີ ທີ່ກ້າວລົງຈາກຕຳແໜ່ງຫລັງຈົບລະດູການຫລ້າສຸດ.
ທັງນີ້ ເອເມຣີ ອາຍຸ 46 ປີ ພາ ເປແອສເຊ ຄວ້າແຊ້ມໄດ້ເຖິງ 7 ລາຍການ ຕະຫລອດ 2 ປີໃນຖິ່ນ ປາຣກ ເດສແພຣ໊ງ ກ່ອນແຍກທາງກັນຫລັງຈົບລະດູການຜ່ານມາ, ຂະນະທີ່ກ່ອນໜ້ານີ້ຍັງເຄີຍພາ ເຊບີຢາ ຄວ້າແຊ້ມ ຢູໂຣປາ ລີກ 3 ລະດູການຕິດຕໍ່ກັນ (2013-14, 2014-15 ແລະ 2015-16) ມາແລ້ວນຳອີກ.
