ກຽມພັດທະນາທ່າຝຣັ່ງເປັນແຫລ່ງທ່ອງທ່ຽວທຳມະຊາດທີ່ໂດດເດັ່ນຂອງແຂວງຄຳມ່ວນ
ໂດຍ: ຊາຍພະເນຈອນ
ທ່າຝຣັ່ງ ຫຼືວັງສັນຕິພາບ ເປັນວັງນໍ້າໃສ ຂອງສາຍນໍ້າ ໂດນ ອັນເຕັມໄປດ້ວຍຜາຫີນ ແລະ ປ່າໄມ້ທີ່ດົກໜາຂຽວ ງາມເປັນຮົ່ມເຢັນດີເລາະ ລຽບຕາມສອງຝາກຝັ່ງ ຂອງແມ່ນໍ້າໂດນເຊັ່ນ: ຕົ້ນຂະ ມ້າ ແລະ ຕົ້ນໄຄ້ເຮັດໃຫ້ອາ ກາດເຂດນີ້ມີຄວາມສົດຊື່ນ ແລະ ຊຸ່ມເຢັນ ເໝາະແກ່ການ ມາພັກຜ່ອນກິນເຂົ້າປ່າສາ ມັກຄີແບບຄອບຄົວ, ໝູ່ເພື່ອນ ແລະ ຄົນຮັກ.
+ ທ່ຽວຊົມນ້ຳຕົກຕາດເລາະໃຫ້ຊື່ນໃຈ2018
+ ໄປເມືອງວັງວຽງ-ລ່ອງເຮືອນ້ຳຊອງ-ທ່ອງທ່ຽວຖ້ຳຈັງ-ລອຍນ້ຳຖ້ຳປູ
ທ່າຝຣັ່ງຕັ້ງຢູ່ລະຫວ່າງ ບ້ານສອງຄອນ ແລະ ບ້ານ ທອກ-ນາຍໍຫ່າງຈາກຕົວ ເມືອງທ່າແຂກ, ແຂວງຄໍາ ມ່ວນໄປປະມານ 14 ກິໂລ ແມັດ, ໂດຍຂີ່ລົດຂຶ້ນໄປ ຕາມ ເສັ້ນທາງເລກທີ 12 ໄປ ເມືອງມະຫາໄຊ. ໃນສະໄໝ ຝຣັ່ງເຂົ້າມາປົກຄອງລາວ ພວກເຂົາຈະມັກພາຄອບຄົວມາພັກຜ່ອນ ແລະ ອາບນໍ້າ ໃນວັງແຫ່ງນີ້ຈຶ່ງກາຍເປັນ ທີ່ມາຂອງຊື່ ທ່າຝຣັ່ງຈົນ ເທົ່າ ທຸກວັນນີ້. ວັງນໍ້າດັ່ງກ່າວ ມີ ຄວາມເລິກປະມານ 3-5ແມັດ ແລະ ເມື່ອຮອດຍາມ ຝົນຈະເລິກເຖິງ 6ແມັດ ພ້ອມ ຍັງມີກ້ອນຫີນສີຟ້າທີ່ພົ້ນຂຶ້ນຈາກໜ້ານໍ້າໃຫ້ເຮົາໄດ້ເບິ່ງ ໄດ້ຊົມດ້ວຍຄວາມປະທັບໃຈ.
ເພື່ອເປັນການຊຸກຍູ້ສົ່ງ ເສີມວຽກງານທ່ອງທ່ຽວໃຫ້ຢືນຍົງ ແລະ ໃຫ້ມີຄວາມຈະ ເລີນກ້າວໜ້ານັ້ນຄືເມື່ອອາ ທິດທີ່ຜ່ານມາລະຫວ່າງອົງ ການປົກຄອງແຂວງຄໍາມ່ວນຕາງໜ້າໂດຍພະແນກແຜນ ການ ແລະ ການລົງທຶນ ແຂວງກັບບໍລິສັດ ເຄເຄຂົນ ສົ່ງ ແລະ ບໍລິການຈໍາກັດ ໄດ້ ຮ່ວມລົງນາມໃນບົດບັນທຶກຄວາມເຂົ້າໃຈ (MOU) ຂຶ້ນ ຢູ່ ພະແນກການດັ່ງກ່າວ ເພື່ອ ພ້ອມກັນສຶກສາ-ສໍາຫຼວດ ຄວາມເປັນໄປໄດ້ໃນການທີ່ຈະພັດທະນາສະຖານທີ່ທ່ອງທ່ຽວແຫ່ງນີ້ ແລະ ສາຍນໍ້າ ໂດນບໍລິເວນບ້ານ ທອກ- ນາຍໍ ຫາທາງເລກທີ 12 ເມືອງທ່າແຂກ, ໃຫ້ກາຍ ເປັນສະຖານທີ່ທ່ອງທ່ຽວ ທີ່ໂດດເດັ່ນ ແລະ ສໍາຄັນ ແຫ່ງໃໝ່ຂອງທ້ອງຖິ່ນ, ເພື່ອ ສາມາດດຶງດູດຜູ້ມາທ່ຽວຊົມໃຫ້ນັບມື້ຫລາຍຂຶ້ນ./.
