ລາວໂຕໂຢຕ້າ ຍັງຄອງອັນດັບທີ 1 ຂອງຕາຕະລາງຄະແນນຮອບຂາໄປ

ສະໂມສອນ ລາວໂຕໂຢຕ້າ ເອັຟຊີ ຍັງຄອງອັນດັບທີ 1 ຂອງຕາຕະລາງຄະແນນໃນຮອບຂາໄປ  ພາຍຫລັງລົງສະໜາມ 7 ຄັ້ງ ຊະນະ 5 ຄັ້ງ ເສຍ 1 ຄັ້ງ ສະເໝີ 1 ຄັ້ງ ລວມມີ 16 ຄະແນນ ຂອງການແຂ່ງຂັນ ເປບຊີ ລາວພຣີເມຍລີກ 2018, ສ່ວນອັນດັບທີ 2 ຕົກເປັນຂອງສະໂມສອນ ປກສ ພາຍຫລັງເອົາຊະນະ ສະໂມສອນ ຊ້າງນ້ອຍ ເອັຟຊີ 1-0 ໃນວັນທີ 20 ພຶດສະພາ 2018 ທີ່ສະໜາມກິລາແຫ່ງຊາດຫລັກ 16 ລວມມີ 13 ຄະແນນ.

ຂະນະທີ່ອັນດັບທີ 3 ຂອງຕາຕະລາງຄະແນນຍັງເປັນຂອງສະໂມສອນ ຊ້າງນ້ອຍ ເອັຟຊີ ຫລັງຈາກລົງສະໜາມ 7 ຄັ້ງ ຊະນະ 3 ຄັ້ງ ເສຍ 2 ຄັ້ງ ສະເໝີ 2 ຄັ້ງ ລວມມີ 11 ຄະແນນ; ອັນດັບທີ 4  ສະໂມສອນ ຫລວງພະບາງ ຢູໄນເຕັດ ລົງສະໜາມ 7 ຄັ້ງ ຊະນະ 2 ຄັ້ງ ສະເໝີ 4 ຄັ້ງ ເສຍ 1 ຄັ້ງ ລວມມີ 10 ຄະແນນ; ສ່ວນສະໂມສອນ ກອງທັບ ເອັຟຊີ ຢູ່ອັນດັບທີ 5 ຈາກການ​ລົງໜາມ 7 ຄັ້ງ ຊະນະ 1 ຄັ້ງ ສະເໝີ 4 ຄັ້ງ ເສຍ 2 ຄັ້ງ ລວມີ 7 ຄະແນນ; ອັນດັບທີ 6 ສະໂມສອນ ມາສເຕີ 7 ເອັຟຊີ  ລົງສະໜາມ 7 ຄັ້ງ ຊະນະ 1 ຄັ້ງ ສະເໝີ 3 ຄັ້ງ ເສຍ 3 ຄັ້ງ ລວມມີ 6 ຄະແນນ; ອັນດັບທີ 7 ສະໂມສອນ ດີເຄ ເອັຟຊີ ລົງສະໜາມ 7 ຄັ້ງ ຊະນະ 1 ຄັ້ງ ສະເໝີ 3 ຄັ້ງ ເສຍ 3 ຄັ້ງ ລວມມີ 6 ຄະແນນ ແລະ ອັນດັບສຸດທ້າຍສະໂມສອນ ສະຫວັນ ຢູໄນເຕັດ ລົງສະໜາມ 7 ຄັ້ງ ຊະນະ 1 ຄັ້ງ ສະເໝີ 2 ຄັ້ງ ເສຍ 4 ຄັ້ງ ລວມມີ 5 ຄະແນນ.