ນ້ຳມັນງາມີຄຸນປະໂຫຍດດີໆຕໍ່ສຸຂະພາບ

ນຳ້ມັນງາສາມາດເອົາມາໃຊ້ໃນການປຸງແຕ່ງອາຫານໄດ້ ບໍ່ວ່າຈະເອົາມາລາດໃສ່ຜັກໜຶ້ງ, ຜັກລວກ ຫລື ໝັກຊີ້ນສັດກ່ອນປຸງແຕ່ງໃຫ້ສຸກກໍຈະໄດ້ຊີ້ນສັດທີ່ຫອມອ່ອນເປັນຕາກິນ ຫລື ຈະຢອດລົງໃນອາຫານຂົ້ວກໍໄດ້ກິ່ນຫອມເປັນຕາກິນຫລາຍຂຶ້ນ ແລະ ຍັງມີຄຸນປະໂຫຍດອື່ນໆອີກ ເຊັ່ນ :

1. ຊ່ວຍຫລຸດຄວາມດັນໃນເສັ້ນເລືອດ : ເມື່ອກິນນຳ້ມັນງາຮ່ວມກັບອາຫານທີ່ມີໂຊດຽມ ທັງສອງຈະຊ່ວຍກັນຫລຸດຄວາມດັນໃນເສັ້ນເລືອດໄດ້.
2. ເປັນສານແອນຕີ້ອັອກຊິແດນ : ນຳ້ມັນງາອຸດົມໄປດ້ວຍສານແອນຕີ້ອັອກຊິແດນທີ່ຮ່າງກາຍຕ້ອງການ ເມື່ອບໍລິໂພກເຂົ້າ ໄປ ຮ່າງກາຍທ່ານຈຶ່ງສາມາດຕໍ່ສູ້ ກັບແບັກທີເຣຍ ແລະ ໄວຣັສໄດ້ດີ.
3. ຊ່ວຍຫລຸດລະດັບນຳ້ຕານໃນເສັ້ນເລືອດ : ນຳ້ມັນງາເປັນສ່ວນປະກອບໃນອາຫານທີ່ດີຕໍ່ຜູ້ເປັນພະຍາດເບົາຫວານຫລາຍ ເນື່ອງຈາກມັນຊ່ວຍຫລຸດລະດັບນຳ້ຕານໃນເສັ້ນເລືອດໄດ້ດີ ພຽງແຕ່ກິນອາຫານທີ່ບໍ່ຫວານຫລາຍ ແລະ ມີສ່ວນປະສົມຂອງໝາກງາ ຫລື ນຳ້ມັນງາທຸກໆຄາບຄຽງຄູ່ກັນໄປກໍຊ່ວຍໄດ້.
4. ຜິວງາມ : ເຖິງຈະບໍ່ໄດ້ຕັ້ງໃຈບຳລຸງຜິວ, ແຕ່ນຳ້ມັນງາກໍຊ່ວຍໃຫ້ຜິວຂອງທ່ານສຸຂະພາບດີຂຶ້ນໄດ້ (ທັງຍິງ ແລະ ຊາຍ) ເພາະມີວິຕາມິນເອີ ແລະ ເບ ຊ່ວຍໃຫ້ສຸຂະພາບຜິວແຂງແຮງຊຸ່ມຊື່ນຂຶ້ນ ເຊິ່ງທ່ານສາມາດຮັບຄຸນປະໂຫຍດນີ້ໄດ້ທັງຈາກການກິນ ແລະ ການທາຜິວໂດຍກົງ.
5. ປ້ອງກັນໄຂ້ຫວັດ : ລອງໃຊ້ນຳ້ມັນງາບ້ວນປາກ ຈະຊ່ວຍຫລຸດເຊື້ອພະຍາດທີ່ເຮັດໃຫ້ເກີດພະຍາດເຫືອກອັກເສບ, ເຈັບຄໍ ແລະ ເຊື້ອໄຂ້ຫວັດໄດ້ ລວມເຖິງການໃຊ້ຢອດດັງ 1 – 2 ຢອດເມື່ອເປັນໄຊນັສ ຫລື ຜົ້ງດັງອັກເສບ ກໍຈະຫລຸດຜ່ອນອາການໄດ້ຄືກັນ.
6. ກຳຈັດຂີ້ຄັນແຄ : ຫາກມີບັນຫາຂີ້ຄັນແຄຢູ່ໜັງຫົວ ລອງເລືອກໃຊ້ຢາສະຜົມທີ່ມີສ່ວນປະສົມຂອງນຳ້ມັນງາສະເຮັດຄວາມສະອາດເສັ້ນຜົມເປັນປະຈຳ ຂີ້ຄັນແຄກໍຈະຄ່ອຍໆຫລຸດລົງໄດ້.
7. ຄາຍຄວາມເຄັ່ງຄຽດ : ຄວາມເຄັ່ງຄຽດກັບນຳ້ມັນງາຟັງເບິ່ງຄືບໍ່ຄ່ອຍຈະກ່ຽວຂ້ອງກັນ ແຕ່ຄວາມຈິງແລ້ວການກິນນຳ້ມັນງາສາມາດຊ່ວຍຫລຸດລະດັບຄວາມເຄັ່ງຄຽດໄດ້ ແລະ ຍັງຊ່ວຍຜ່ອນຄາຍຄວາມອິດເມື່ອຍອ່ອນເພຍໄດ້ນຳອີກ.