ເມສຊີ ບໍ່ຄິດລາ ບາຊາ
May 16, 2018 - 5:29 PM
ລິໂອເນລ ເມສຊີ ດາວຍິງຄົນດັງຂອງ ບາເຊໂລນາ ລະບຸ ບໍ່ສົນໃຈທີ່ຈະຍ້າຍອອກຈາກທີມ ພ້ອມກ່າວວ່າ ບໍ່ໄດ້ຈົດຈໍ່ແຕ່ການຊີງດີຊິງເດັ່ນກັບ ຄຣິສເຕຍໂນ ໂຣນັລໂດ ນຳອີກ.
ລີໂອເນລ ເມສຊີ ກອງໜ້າຊາວອາເຈນຕິນາຂອງ ບາເຊໂລນາ ສະໂມສອນຍັກໃຫຍ່ແຫ່ງເວທີ ລາລີກາ ສະເປນ ກ່າວວ່າ ຕົນເອງບໍ່ມີຄວາມຄິດຈະຍ້າຍອອກຈາກທີມເລີຍ.
ເມສຊີ ຢູ່ກັບ ບາເຊໂລນາ ມາແຕ່ຊຸດເຍົາວະຊົນ ແລະ ສ້າງຜົນງານໃຫ້ທີມໄດ້ດີເດັ່ນມາໂດຍຕະຫລອດ, ແຕ່ ເມສຊີ ຕົກເປັນຂ່າວກ່ຽວກັບການຍ້າຍທີມເລັກໜ້ອຍ. ຂະນະທີ່ບາງຄົນເບິ່ງວ່າ ດາວເຕະທີມຊາດອາເຈນຕິນາອາດຕ້ອງຍ້າຍໄປຫລິ້ນໃນລີກອື່ນແດ່ ເພື່ອຈະພິສູດຕົນເອງວ່າບໍ່ໄດ້ເກັ່ງແຕ່ກັບ ບາເຊໂລນາ ພຽງທີມດຽວ.
