ໄຟໄໝ້ບ້ານສັນແຟນກ້ຽງເອີດເຕີດ

ໂດຍ: ທິດກ່ຳ

ຫລັງຈາກໄຟໄໝ້ຕະ ຫລາດຊັ່ງຈຽງໃນປີ 2017 ຜ່ານມາ, ທິດກໍ່າກໍໄດ້ຂຽນ ບົດໜຶ່ງເພື່ອສະທ້ອນບັນຫາ ໃນສັງຄົມ, ອັນສໍາຄັນກໍແມ່ນ ຢາກໃຫ້ພາກັນຄິດ ແລະ ພ້ອມ ກັນແກ້ໄຂ, ກໍໝາຍເຖິງໃຫ້ ພ້ອມກັນຮັບຮູ້ເຂົ້າໃຈ ແລະ ເປັນເຈົ້າການຫາວິທີຕ້ານ ແລະ ສະກັດກັ້ນບັນຫາອັກ ຄີໄພບໍ່ໃຫ້ມັນລາມພະລາມ ຈົວ. ມາຮອດປັດຈຸບັນນີ້, ເຫັນວ່າບັນຫາອັກຄີໄພຢູ່ ບ້ານເຮົານັບມື້ກໍາເລີບເຕີບ ສານ ແລະ ແຜ່ຂະຫຍາຍຕົວ ໄປຢ່າງກວ້າງຂວາງ. ສິ່ງທີ່ ພິ ສູດໃຫ້ເຫັນກໍຄືພຽງ 4 ເດືອນ ຕົ້ນ ປີນີ້ ໃນທົ່ວປະເທດມີອັກ ຄີໄພເກີດຂຶ້ນເຖິງ 60 ຄັ້ງ ແລະ ສ້າງຄວາມເສຍຫາຍ 10 ກວ່າຕື້ກີບ. ຈຸດພິເສດ ຂອງອັກຄີໄພຢູ່ບ້ານເຮົາ ໃນໄລຍະນີ້ມັນມັກໄໝ້ແຕ່ຕະ ຫລາດ, ມໍ່ໆ ຫລ້າສຸດແມ່ນ ຕະຫລາດຊັ່ງຈຽງ. ນອກນັ້ນ ກໍແມ່ນຕະຫລາດອື່ນໆ ໃນ ຂອບເຂດນະຄອນຫລວງ ວຽງຈັນ ເຊັ່ນ: ດົງໂດກ, ທົ່ງ ຂັນຄໍາ, ທາດຫລວງ, ທົ່ງ ພານທອງ, ໜອງດ້ວງ ແລະ ບ່ອນອື່ນໆ. ສ່ວນຢູ່ຕ່າງ ແຂວງນັ້ນກໍມີຊຽງຄໍ້, ຕະ ຫລາດປາກເຊ, ອຸດົມໄຊ. ນອກຈາກໄໝ້ຕະຫລາດແລ້ວ, ກໍລາມໄປຮອດເຮືອນຊານ ບ້ານຊ່ອງຂອງປະຊາຊົນ. ປະ ກົດການທີ່ເຫັນໄໝ້ຫລາຍ ກວ່າໝູ່ກໍແມ່ນຢູ່ນະຄອນ ຫລວງວຽງຈັນ. ອັນຫລ້າສຸດ ໃໝ່ອ່ຽມລາມໄປໄໝ້ບ້ານສັນແຟນ, ເມືອງຄໍາແຂວງຊຽງ ຂວາງ ຈົນກ້ຽງເອີດເຕີດ. ນີ້ ລະຄືຄວາມຈິບຫາຍວາຍ ວອດຍ້ອນໄຟໄໝ້, ວັດຖຸຊັບ ສິນທີ່ຫາມາສະສົມໄວ້ແຕ່ ນ້ອຍເທົ່າໃຫຍ່ກໍຕົກໄປນໍາ ໄຟໄຫລໄປນໍານໍ້າ, ບາງຄອບ ຄົວຫາກໍເອົາກັນໃໝ່ໆ, ບາງ ຄອບຄົວຫາກໍມີເງິນ, ມີຄໍາ, ມີລົດລາງພາຫະນະ, ມີວັດຖຸ ສິ່ງຂອງໃນເຮືອນຊານ ແຕ່ກໍ ມາດັບມອດຍ້ອນໄຟມະໄລກັນ ດັ່ງຄໍາກ່າວຂານໃນຕໍານານຂອງເຖົ້າແກ່ບູຮານ.

+ ໄຟໄໝ້ເຮືອນປະຊາຊົນ 2 ຫລັງ ຢູ່ບ້ານມອມ ເມືອງຕົ້ນເຜິ້ງ

+ ໄຟໄໝ້ຈາກໄຟຟ້າລັດວົງຈອນໃຜເປັນຜູ້ຮັບຜິດຊອບ

ເມື່ອຕັ້ງໂຈດກັນວ່າ ຈະ ເຮັດແນວໃດອັກຄີໄພຈຶ່ງບໍ່ ເກີດ? ຕາມທັດສະນະຂອງ ທິດກໍ່າແມ່ນມັນຂຶ້ນກັບເຮົາ ເອງເປັນຫລັກ. ຄໍາວ່າຂຶ້ນ ກັບ ເຮົາເອງນັ້ນກໍແມ່ນພ້ອມກັນມີສະຕິໃນການດັງຟືນດັງໄຟ, ມີສະຕິໃນການນໍາໃຊ້ໄຟຟ້າ, ອຸປະກອນໄຟຟ້າອັນໃດມັນ ເກົ່າແກ່ຊຸດໂຊມ ກໍຕ້ອງໄດ້ ກວດກາ ແລະ ປ່ຽນຖ່າຍໃຫ້ ມັນຮັບປະກັນຢູ່ຕະຫລອດ. ບັນຫາທີ່ເວົ້າມານີ້ສ່ວນ ຫລາຍຄົນລາວເຮົາມັກງ່າຍມີອັນໃດກໍເຮັດໄປ, ໃຊ້ໄປໂດຍ ບໍ່ທັນຄໍານຶງເຖິງຜົນຮ້າຍທີ່ ຈະຕາມມາ, ການໄຕ້ທູບໄຕ້ ທຽນໃນວັນສິນວັນພະບາງ ຄັ້ງກໍມີການຫລົງລືມ ຈຶ່ງເປັນ ເຫດໃຫ້ໄຟໃໝ້. ອັນສອງ ມາທາງພາກສ່ວນກ່ຽວຂ້ອງ ເຊັ່ນ: ຂະແໜງພະລັງງານ ຕ້ອງມີການກໍາກັບບັນຊາ, ລົງ ພື້ນຖານກວດກາເບິ່ງການນໍາໃຊ້ໄຟຂອງປະຊາຊົນ, ທັງ ແນະນໍາຕັກເຕືອນຜູ້ນໍາໃຊ້ ຫລື ບໍ່ກໍຄວນໄດ້ອອກແຈ້ງການ, ໂຄສະນາທາງສື່ຕ່າງໆ, ໃນ ແຕ່ລະໄລຍະ ເພື່ອເປັນການ ເຕືອນສະຕິສັງຄົມເຕືອນປະ ຊາຊົນຜູ້ນໍາໃຊ້. ໃນຜ່ານມາ, ກໍເຫັນເພິ່ນເຮັດຢູ່ແຕ່ບໍ່ທັນ ເຂັ້ມແຂງ, ສ່ວນຫລາຍເຫັນ ແຕ່ເພິ່ນຂຶ້ນຄ່າໄຟ, ໃຜຕິດໜີ້ ຫລາຍເດືອນເພີ່ນກໍໄປຕັດ.

ສ່ວນວ່າທາງເຈົ້າໜ້າ ທີ່ ຕໍາຫລວດປອດໄພເມື່ອມີເຫດໄຟໄໝ້ເພິ່ນຈຶ່ງໄປມອດ, ບາງ ຄັ້ງເພິ່ນໄປຊ້າ, ໄປບໍ່ທັນ ຫລື ບາງກໍລະນີໄປຮອດແລ້ວບໍ່ມີທາງເຂົ້າ, ຍ້ອນທາງແຄບກໍ ໄດ້ແຕ່ພາກັນຢືນຄໍ້າແອວເບິ່ງ ສຸດທ້າຍໄຟກໍໄໝ້ຈົນກ້ຽງ ແອະແຊະ. ດີແທ້ຄວນລົງພື້ນ ຖານປ່າວເຕືອນປະຊາຊົນ ຫລື ບໍ່ກໍອອກແຈ້ງການແຕ່ລະໄລຍະດັ່ງຂະແໜງອຸຕຸເຂົາເຮັດຄື ທຸກວັນນີ້. ເວົ້າແຈ້ງຕ້ອງ ເຮັດ ໜ້າທີ່ຕາມພາລະບົດບາດທີ່ ຕົນຮັບຜິດຊອບ, ຖ້າເຮັດຫຍັງ ລົງໄປອາໄສແຕ່ໃຫ້ເຂົາຈ້າງມັນກໍເປັນບັນຫາທີ່ໜັກໃຈ ສຸດທ້າຍມັນກໍຄືໂສ້ບໍ່ເຄັ່ງ ອືດໆ ອາດໆ ແລະ ຄ້າງຄາຕະ ເຫລິ່ງເຢີ່ງ ເສົາວ່າ!.