ຜູ້ນຳກົວເຕມາລາ ປະກາດຍ້າຍ ສະຖານທູດໄປເຢລູຊາເລມ 16 ພຶດສະພານີ້

ປະທານາທິບໍດີ ຈິ​ມມີ ມໍຣາ​ເລ​ສ ຜູ້ນຳ​ກົວ​ເຕມາລາ ປະກາດ​ຍ້າຍ​ສະຖານທູດ​ກົວ​ເຕມາລາ​ຈາກ​ນະຄອນ​ເທ​ລອາ​ວີ​ຟ ​ໄປ​ນະຄອນຫລວງ​ເຢລູຊາ​ເລ​ມ ​ໃນ​ວັນ​ທີ 16 ພຶດສະພາ​ນີ້, ສ່ວນ​ປາຣາກວາ​ຍຈະ​ຍ້າຍ​ໄປ​ປະມານ​ທ້າຍ​ເດືອນ​ນີ້. ຂະນະ​ທີ່​ສະຖານທູດ​ອາ​ເມ​ລິ​ກາ​ຈະ​ຍ້າຍ​ໄປ​ຢູ່​ນະຄອນຫລວງ​ເຢລູຊາ​ເລ​ມ​ໃນ​ວັນ​ທີ 14 ພຶດສະພາ​ນີ້. ປະທານາທິບໍດີ ​ໂດ​ນັນ ທຣຳ ປະກາດ​ຮັບຮອງ​ນະຄອນຫລວງ​ເຢລູຊາ​ເລ​ມ​ເປັນ​ເມືອງ​ຫລວງ​ຂອງ​ອິດສະ​ລາ​ແອນ ​ໃນ​ວັນ​ທີ 6 ທັນວາ​ປີຜ່ານມາ. ການ​ກະທຳ​ດັ່ງກ່າວ​ສ້າງ​ຄວາມ​ຍິນ​ດີ​ໃຫ້​ແກ່​ອິດສະ​ລາ​ແອນ ​ແຕ່​ໄດ້​ສ້າງ​ຄວາມ​ຄຽດ​ແຄ້ນ​ໃຫ້​ຊາວ​ປາ​ແລັສຕິນ.