ເມືອງຫົງສາມີຄວາມພ້ອມເປີດແຫລ່ງທ່ອງທ່ຽວລີສອດຕາດເຍືອງ

ເມື່ອບໍ່ດົນມານີ້, ເມືອງ ຫົງສາ ແຂວງໄຊຍະບູລີ ໄດ້ ເປີດແຫລ່ງທ່ອງທ່ຽວ ລີ ສອດຕາດເຍືອງເພື່ອຕອນ ຮັບ ປີທ່ອງທ່ຽວລາວ 2018 ເປັນກຽດເຂົ້າຮ່ວມໂດຍ ທ່ານ ພອນສະຫວັນ ໄຊສົມ ພັນ ຮອງເຈົ້າເມືອງ ຫົງສາ, ພ້ອມດ້ວຍຄະນະນຳຂັ້ນ ເມືອງ ແລະ ພະນັກງານກ່ຽວ ຂ້ອງເຂົ້າຮ່ວມຢ່າງພ້ອມພຽງ.

+ ເມືອງວາປີເປີດປີທ່ອງທ່ຽວລາວ ຕິດພັນກັບແຫລ່ງທ່ອງທ່ຽວແກ້ງກຸ-ປາກເສັດ

+ ເມືອງປາກຊັນເປີດແຫລ່ງທ່ອງທ່ຽວທຳມະຊາດແຫ່ງໃໝ່ຕ້ອນຮັບປີທ່ອງທ່ຽວລາວ 2018

ທ່ານ ສົມຍົດ ອານຸວົງ ຫົວໜ້າຫ້ອງການຖະແຫລ່ງຂ່າວ, ວັດທະນະທໍາ ແລະ ທ່ອງທ່ຽວເມືອງ ໄດ້ຍົກໃຫ້ ເຫັນປະຫວັດຄວາມເປັນ ມາ ຂອງແຫລ່ງທ່ອງທ່ຽວລີ ສອດຕາດເຍືອງໂດຍຫຍໍ້, ເຊິ່ງຕາດເຍືອງ ແມ່ນເກີດມາ ຈາກສາຍນໍ້າຫ້ວຍອົມດອນ ທີ່ໄຫລມາຈາກຮ່ອມພູສູງ ລົງສູ່ບ່ອນຮາບພຽງຜ່ານ ຫລາຍໜ່ວຍພູທີ່ສູງຊັນຈົນ ເຮັດໃຫ້ເກີດ ມີນໍ້າຕົກ 5 ແຫ່ງ ໃນສາຍນໍ້າດຽວກັນ ແລະ ນໍ້າຕົກຕາດແຕ່ລະແຫ່ງໃນ ເມື່ອກ່ອນຈະປະກົດເຫັນໂຕ ເຍືອງລົງມາກິນນໍ້າ ແລະ ອາບນໍ້າ ດັ່ງນັ້ນ ປະຊາຊົນ ຈຶ່ງເອີ້ນວ່າ: ນໍ້າຕົກຕາດ ເຍືອງ ຈົນເຖິງທຸກມື້ນີ້. ຕາດ ແຫ່ງນີ້ຕັ້ງຢູ່ເຂດບ້ານປາກ ຫ້ວຍຍາງໄປ ຕາມເສັ້ນທາງ ຫລວງແຫ່ງຊາດ 4B ເມືອງ ຫົງສາ ແຂວງໄຊຍະບູລີ ຫາເມືອງ ຈອມເພັດ ແຂວງ ຫລວງ ພະບາງຫ່າງຈາກ ເທສະບານເມືອງຫົງສາ ປະມານ 31 ກິໂລເມັດ ໂດຍ ແມ່ນ ບໍລິສັດກັນຍາການຄ້າ ຂາເຂົ້າ- ຂາອອກຈໍາກັດ ເປັນຜູ້ສໍາປະທານເຊິ່ງມີເນື້ອ ທີ່ທັງໝົດ 15 ເຮັກຕາ.

ໄລຍະຜ່ານມາ ບໍລິສັດ ກັນຍາການຄ້າຂາເຂົ້າ-ຂາອອກຈຳກັດ ໄດ້ສົມທົບກັບ ຂະແໜງທີ່ກ່ຽວຂ້ອງຂອງ ເມືອງ ລົງສໍາຫລວດເກັບ ກໍາຂໍ້ມູນເປັນເວລາຫລາຍປີ ແລະ ມີແນວຄິດຢາກພັດທະ ນາສະຖານທີ່ແຫ່ງນີ້ເປັນ ແຫລ່ງທ່ອງທ່ຽວທໍາມະ ຊາດເພື່ອອານຸລັກຮັກສາຊັບ ພະຍາກອນປ່າໄມ້, ແຫລ່ງ ທໍາມະຊາດໄວ້ ເນື່ອງຈາກ ວ່າ ສະຖານທີ່ດັ່ງກ່າວ ມີ ຄວາມອຸດົມສົມບູນໄປດ້ວຍຊັບພະຍາກອນທໍາມະຊາດພູຜາປ່າໄມ້, ພືດພັນຫລາຍ ຊະນິດ, ສັດສາວາສິ່ງ ແລະ ມີນໍ້າໄຫລຕະຫລອດປີ. ປັດ ຈຸບັນການກໍ່ສ້າງພື້ນຖານ ໂຄງລ່າງ, ເສັ້ນທາງ,ໄຟ ຟ້າ, ນໍ້າລິນ ແລະ ສະຖານທີ່ ພັກເຊົາຊົ່ວຄາວ, ພ້ອມດ້ວຍ ຫ້ອງນໍ້າສາທາລະນະ ແມ່ນ ສໍາເລັດແລ້ວ ແລະ ຍັງມີ ຊ້າງ 2 ໂຕ ໄວ້ຄອຍບໍລິການ ນຳອີກ ເຊິ່ງສາມາດຮອງ ຮັບການມາທ່ຽວຊົມ, ພັກ ຜ່ອນຂອງແຂກພາຍໃນ ແລະ ຕ່າງປະເທດໄດ້.