ຊົມເຊີຍຂ່າວສານປະເທດລາວ ອາຍຸ 50 ປີ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ກໍນັບວ່າເປັນສິ່ງ ພາກພູມໃຈຢ່າງຍິ່ງ, ທີ່ເຊົ້ານີ້ ສຳນັກຂ່າວສານປະເທດລາວ ໄດ້ສະເຫລີມສະຫລອງວັນ ສ້າງຕັ້ງຂອງຕົນຄົບຮອບ 50 ປີ (6/1/1968-6/1/ 2018), ດ້ວຍບັນຍາກາດ ຟົດຟື້ນ, ທີ່ສຳນັກງານໃໝ່ ຕັ້ງ ຢູ່ບ້ານດົງໂພນແຮ່, ເມືອງ ຫາດຊາດຟອງ, ນະຄອນ ຫລວງວຽງຈັນ, ໂດຍການ ໃຫ້ກຽດເຂົ້າຮ່ວມພົບປະໂອ້ ລົມຂອງ ທ່ານ ນາຍົກລັດຖະ ມົນຕີ ທອງລຸນ ສີສຸລິດ ແລະ ລັດຖະມົນຕີກະຊວງຖະແຫລງ ຂ່າວວັດທະນະທຳ ແລະ ທ່ອງ ທ່ຽວພ້ອມດ້ວຍພະນັກງານ, ລັດຖະບານ ແລະ ອະດີດພະ ນັກງານອາວຸໂສບຳນານ ຜູ້ ໄດ້ຮ່ວມສຸກຮ່ວມທຸກນຳວຽກ ງານຂ່າວສານກໍໄດ້ເຂົ້າຮ່ວມ ເປັນຈຳນວນຫລາຍ. ນີ້ແມ່ນເຫດການປະຫວັດ ສາດໜຶ່ງທີ່ບໍ່ສາມາດຫລົງລືມ ກັນໄດ້ໃນຂະແໜງການສື່ ມ່ວນຊົນລາວເຮົາເພື່ອພິສູດ ໃຫ້ເຫັນແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວ ຂອງວຽກງານຂ່າວສານຜ່ານ ໄລຍະທາງຍາວເຄິ່ງສັດຕະ ວັດ, ທີ່ໄດ້ເປັນເຄື່ອງມື ແລະ ກະບອກສຽງອັນແຫລມຄົມ ຂອງພັກ ແລະ ລັດຖະບານ ເຮົານັບແຕ່ໄລຍະການປະຕິ ວັດຕໍ່ສູ້ປົດປ່ອຍຊາດໃນເມື່ອ ກ່ອນ ແລະ ພາລະກິດປົກປັກ ຮັກສາ ແລະ ສ້າງສາປະເທດ ຊາດໃນປັດຈຸບັນ, ຂ່າວສານ ປະເທດລາວໄດ້ປະກອບສ່ວນສຳຄັນໃນການເຮັດພາລະບົດ ບາດ ແລະ ສິດໜ້າທີ່ຂອງຕົນ, ມີຫລາຍສະຫາຍກໍໄດ້ອຳລາ ຄາຈາກພວກເຮົາໄປແລ້ວ, ເຊິ່ງໃນໂອກາດປະຫວັດສາດ ນີ້ພວກເຮົາຈິ່ງໄດ້ພ້ອມກັນ ກົມຫົວໄຫ້ວອາໄລເຖິງດວງວິ ຍານຂອງບັນດາສະຫາຍເລົ່າ ນັ້ນ ແລະ ພ້ອມຈັບມືກັນສຸມ ທຸກສະຕິປັນຍາ ແລະ ເຫື່ອ ແຮງຂອງຕົນເຂົ້າໃນການພັດ ທະນາວຽກງານຂ່າວສານໃນ ໄລຍະໃໝ່ໃຫ້ເຕີບໃຫຍ່ຂະ ຫຍາຍຕົວ ແລະ ສາມາດ ເຊື່ອມໂຍງເຂົ້າກັບຂົງເຂດ- ພາກພື້ນ ແລະ ສາກົນເທ່ືອ ລະກ້າວ, ໃຫ້ສົມກັບຄວາມໄວ້ ເນື້ອເຊື່ອໃຈຂອງປວງຊົນ ລາວທຸກຖ້ວນໜ້າ./.