ກຽມປະກາດ ນະຄອນໄກສອນ ພົມວິຫານ ໃນຕົ້ນເດືອນໜ້າ
ຕາມການໃຫ້ສຳພາດ ຂອງທ່ານ ບຸນຍູ້ ທຳມະວົງ ເຈົ້າເມືອງໄກສອນ ພົມວິຫານ ແຂວງສະຫວັນນະເຂດ ໃຫ້ ຮູ້ວ່າ: ພາຍຫລັງນາຍົກລັດ ຖະມົນຕີ ໄດ້ອອກດຳລັດວ່າ ດ້ວຍການສ້າງຕັ້ງນະຄອນ ໄກສອນພົມວິຫານ ສະບັບ ເລກທີ 27/ນຍ, ລົງວັນທີ 11 ເມສາ 2018, ທາງອົງການ ປົກຄອງເມືອງ ກໍໄດ້ສົມທົບ ກັບອົງການປົກຄອງແຂວງ ແລະ ພາກສ່ວນຕ່າງໆ ພ້ອມ ກັນກະກຽມ ໃນການຈັດພິທີ ປະກາດເປັນນະຄອນໄກສອນ ພົມວິຫານຢ່າງເປັນທາງ ການ ແລະ ໃຫ້ມີບັນຍາກາດ, ມີຄວາມໝາຍຢ່າງເລິກ ເຊິ່ງ, ຄາດວ່າຈະໄດ້ຈັດຂຶ້ນໃນວັນທີ 1 ມິຖຸນາ ທີ່ຈະມາ ເຖິງນີ້.
+ 6 ສ 3 ຫລຸດ ສ້າງວຽງຈັນເປັນເມືອງເອກ
+ ນະຄອນໃໝ່ຢ່າລືມສ້າງສວນສາທາລະນະແດ່ເນີ
ການສ້າງຕັ້ງນະຄອນ ໄກສອນ ພົມວິຫານ ແມ່ນ ປ່ຽນແທນເມືອງໄກສອນ ພົມວິຫານ, ເຊິ່ງເປັນອົງ ການປົກຄອງທ້ອງຖິ່ນຂັ້ນ ດຽວກັນກັບເມືອງ ຂຶ້ນກັບ ແຂວງສະຫວັນນະເຂດ, ມີ ເນື້ອທີ່ທັງໝົດ 776 ກິ ໂລຕາແມັດ, ປະກອບມີ 67 ບ້ານ ແລະ ມີພົນລະເມືອງ ທັງໝົດ 125.726 ຄົນ, ຍິງ 63.713 ຄົນ. ໂດຍການຈັດ ຕັ້ງການເຄື່ອນໄຫວຂອງ ອົງ ການປົກຄອງນະຄອນ ໄກ ສອນ ພົມວິຫານ ໄດ້ກຳນົດ ໄວ້ໃນລະບຽບການສະເພາະ. ດັ່ງນັ້ນ, ມອບໃຫ້ອົງການ ປົກຄອງແຂວງສະຫວັນ ນະເຂດ ຈັດຕັ້ງປະຕິບັດດຳ ລັດສະບັບນີ້ ໃຫ້ທົ່ວເຖິງ ແລະ ທັນເວລາ.
ທ່ານເຈົ້າເມືອງໄກ ສອນ ພົມວິຫານ ແຈ້ງໃຫ້ ຮູ້ຕື່ມວ່າ: ໃນໂອກາດດັ່ງ ກ່າວ, ຈຶ່ງຂໍເຊີນຊວນບັນ ດາອົງການຈັດຕັ້ງແຕ່ລະ ຂັ້ນ, ອຳນາດການປົກ ຄອງທ້ອງຖິ່ນ ກໍຄືປະຊາ ຊົນຊາວເມືອງໄກສອນ ພົມວິຫານ ຈົ່ງພ້ອມກັນ ເປັນເຈົ້າພາບທີ່ດີ, ຮ່ວມ ແຮງຮ່ວມໃຈ ສາມັກຄີ ເປັນປຶກແຜ່ນເຂົ້າຮ່ວມໃນ ການປະກາດເປັນນະຄອນ ຄັ້ງນີ້ດ້ວຍ.
