ຈັງຫວະການເຕີບໃຫຍ່ຂອງເສດຖະກິດ ເຂດອາຊີຕາເວັນອອກອາດຈະບັນລຸ 5,4%
ໃນໄລຍະກອງປະຊຸມປະ ຈຳປີ 2018 ຂອງທະນາຄານ ພັດທະນາອາຊີ ຫຼື ADB, ຫ້ອງ ການຄົ້ນຄວ້າເສດຖະກິດມະຫາພາກອາຊຽນ +3 (ຈີນ, ຍີ່ປຸ່ນ, ສ.ເກົາຫຼີ) ໄດ້ເປີດເຜີຍບົດລາຍ ງານວິໄສທັດເສດຖະກິດພາກພື້ນ ອາຊີຕາເວັນອອກປີ 2018 ຢູ່ນະ ຄອນຫຼວງມະນີລາ ປະເທດຟິ ລິບປິນ ໃນຕອນເຊົ້າວັນທີ 3 ພຶດ ສະພານີ້ ໂດຍເຫັນວ່າ: ປີ 2018, ເສດຖະກິດພາກພື້ນອາຊີ ຕາເວັນອອກມີທ່າອ່ຽງພັດທະນາ ຢ່າງແຂງແຮງ ແລະ ຈັງຫວະ ການເຕີບໃຫຍ່ອາດຈະບັນລຸເຖິງ 5,4% ລື່ນກາຍລະດັບການເຕີບ ໃຫຍ່ສະເລ່ຍຂອງທົ່ວໂລກ.
ບົດລາຍງານຊີ້ວ່າ: ສາເຫດ ຕົ້ນຕໍທີ່ພາໃຫ້ເສດຖະກິດພາກພື້ນ ອາຊີຕາເວັນອອກພັດທະນາຢ່າງ ແຂງແຮງນັ້ນ ຄືຄວາມຕ້ອງ ການພາຍໃນຂອງປະເທດໃນ ພາກພື້ນແຂງແຮງຫຼາຍ ແລະ ການສົ່ງອອກກໍເພີ່ມຂຶ້ນ. ຂະນະ ດຽວກັນກໍໄດ້ປະໂຫຍດຈາກສະ ພາບແວດລ້ອມໄພເງິນເຟີ້ທີ່ຮັກສາລະດັບຄວາມໝັ້ນທ່ຽງ. ຂະ ນະທີ່ກຸ່ມເສດຖະກິດໃຫຍ່ ຄືຈີນ ແລະ ຍີ່ປຸ່ນ ລ້ວນແຕ່ຈະຮັກສາ ທ່ວງທ່າການເຕີບໃຫຍ່ທີ່ຂ້ອນ ຂ້າງແຂງແຮງ.
ບົດລາຍງານຍັງຊີ້ຕື່ມວ່າ: ປີ 2018, ການພັດທະນາເສດ ຖະກິດຂອງພາກພື້ນອາຊີຕາເວັນ ອອກຈະຜະເຊີນຄວາມສ່ຽງ ຕ່າງໆ ເຊິ່ງຄວາມສ່ຽງຕົ້ນຕໍຄື ທະນາຄານກາງອາເມລິກາປັບດອກເບ້ຍຂຶ້ນໄວເກີນໄປ ອາດ ຈະພາໃຫ້ເກີດພາວະເງິນຝືດໃນທົ່ວໂລກ, ນະໂຍບາຍລັດທິປົກ ປ້ອງການຄ້າອາດຈະພາໃຫ້ສະຖານະການການຄ້າທົ່ວໂລກເຄັ່ງ ຕຶງຍິ່ງຂຶ້ນ, ວິກິດການເມືອງພາກ ພື້ນ, ການເຕີບໃຫຍ່ຂອງເສດຖະ ກິດໂລກຕ່ຳກວ່າລະດັບຄາດ ໝາຍ, ການພັດທະນາເສດຖະ ກິດຂອງຈີນໃນຕໍ່ໜ້າຕ່ຳກວ່າລະ ດັບຄາດໝາຍ ແລະ ທຶນຮອນໄຫຼ ອອກຈາກພາກພື້ນຕົນ.
