ເຊລບີ ຊະນະ ຕົງ 13-6 ເຟຣມ ຜ່ານເຂົ້າສູ່ຮອບ 8 ຄົນສຸດທ້າຍສະນຸກເກີຊີງແຊ໊ມໂລກ

ການແຂ່ງຂັນສະນຸກເກີຊີງແຊ໊ມໂລກ “ເບດເຟຣດ ເວິລສະ ນຸກເກີ ແຊ໊ມປຽນຊິບ 2017”. ທີ່ຄຣູເບິ້ລ ເທຍເຕີ ໃນເມືອງເຊຟ ຟິລ ປະເທດອັງກິດ ໃນວັນຈັນ 24 ເມສາຜ່ານມາ ເປັນການແຂ່ງຂັນ ໃນຮອບ 2 ຫຼື 16 ຄົນສຸດທ້າຍ ໃຊ້ລະບົບ 13 ໃນ 25 ເຟຣມ ຜົນ ປາກົດວ່າ: ມາກ ເຊລບີ ແຊ໊ມເກົ່າ ແລະ ມືວາງອັນດັບ 1 ຂອງໂລກ ຈາກ ອັງກິດ ສະແດງຜົນງານ ເໜືອຊັ້ນ ຫຼັງເອົາຊະນະ ສ່ຽວ ກວັະ ຕົງ ມືວາງອັນດັບ 6 ຈາກ ສປ.ຈີນ ຂາດລອຍ 13-6 ເຟຣມ ຜ່ານເຂົ້າສູ່ຮອບກ່ອນຮອງຊະນະເລີດ ໄປລໍຖ້າພົບກັບຜູ້ຊະນະລະ ຫວ່າງ ນີລ ໂຣເບິດສັນ ມືວາງອັນ ດັບ 9 ກັບ ມາໂກ ຟູມືວາງອັນດັບ 8 ຈາກ ຮົງກົງ.

ຂະນະທີ່ ແບຣີ ຮໍກິນ ຮອງ ແຊ໊ມໂລກປີ 2013 ແລະ ມືວາງ ອັນດັບ 7 ຂອງລາຍການຈາກ ອັງກິດ ກໍເຮັດຜົນງານໄດ້ດີເດັ່ນ ຫຼັງເອົາຊະນະ ແກຣນ ດ໊ອດ ຈາກ ສະກອດ ໄປໄດ້ 13-6 ເຟຣມ ຜ່ານເຂົ້າຮອບ 8 ຄົນສຸດທ້າຍໄປ ພົບກັບ ສະຕີເຟນ ແມັກໄກວ ອີກ ໜຶ່ງນັກສະນຸກເກີຈາກ ສະກອດ ແລນ.