ຟິມິໂນ ຕົກລົງຂະຫຍາຍສັນຍາໃໝ່ກັບ ລິເວີພູລ
April 30, 2018 - 6:53 PM
ໂຣແບໂຕ ຟິມິໂນ ດາວຍິງທີມຊາດບຣາຊິວ ບັນລຸຂໍ້ຕົກລົງໃນການຕໍ່ສັນຍາໄລຍະຍາວກັບ ລິເວີພູລ ຕົ້ນສັງກັດໃນເວທີ ພຣີເມຍລີກ ອັງກິດ ອອກໄປຮຽບຮ້ອຍແລ້ວ.
ສ່ວນ ລິເວີພູລ ເອັກໂຄ ສື່ປະຈຳເມືອງ ເປີດເຜີຍວ່າ: ຟິມິໂນ ຕໍ່ສັນຍາ 5 ປີ ເຖິງວ່າສະບັບເກົ່າຈະມີອາຍຸເຫລືອເຖິງປີ 2020 ກໍຕາມ ເທົ່າກັບວ່າ ຟິມິໂນ ຈະຢູ່ກັບ ລິເວີພູລ ໄປຈົນເຖິງປີ 2023 ດ້ວຍການຮັບຄ່າຈ້າງ 180.000 ປອນຕໍ່ອາທິດ.
ຟິມິໂນ ຍ້າຍຈາກ ຮອຟເຟໄຮ ມາຢູ່ກັບ ລິເວີພູລ ໃນປີ 2015 ດ້ວຍຄ່າຕົວ 29 ລ້ານປອນ ແລະ ລົງສະໜາມໄປແລ້ວ 140 ນັດ ຍິງໄປ 50 ປະຕູ, ສ່ວນລະດູການນີ້ ຖືເປັນໄລຍະທີ່ລາວສ້າງຜົນງານໄດ້ດີຕໍ່ເນື່ອງ ລົງໄປ 50 ນັດ ຍິງໄດ້ 27 ປະຕູ.
