ໃຫ້ຢືມເງິນ ຄືການ ຈ່າຍເງິນຊື້ສັດຕູ
ຢ່າຈ່າຍເງິນຊື້ສັດຕູ ….!! ເລີ່ມຕົ້ນເພາະຢາກຊ່ວຍ ສຸດທ້າຍຄວາມຊວຍຈະມາຢາມ
- ໃຫ້ເງິນຄົນອື່ນຢືມ ເທົ່າກັບຈ່າຍເງິນຊື້ສັດຕູ…! ຢ່າມີແຕ່ຢາກຢືມເງິນຄົນອື່ນ ແລະ ແມ່ນຫຍັງກໍໃຫ້ເງິນຄົນອື່ນ ຢືມ ຄວາມສູນເສຍຫລັງຈາກໃຫ້ເງິນຄົນອື່ນຢືມບໍ່ແມ່ນເງິນ ແຕ່ເປັນມິດຕະພາບ ! ຈຸດເລີ່ມຕົ້ນເພາະເຈົ້າຢາກ ຊ່ວຍ ແຕ່ສຸດທ້າຍຄວາມຊວຍຈະມາຢາມ.
- ສ່ວນຫລາຍ ຄົນທີ່ໃຫ້ເງິນຄົນອື່ນຢືມມັກຈື່ໄດ້ສະເໝີ ແຕ່ຄົນທີ່ໄປຢືມເງິນຄົນອື່ນມາມັກຈະລືມ ! ຄົນໃຫ້ຢືມບໍ່ ກ້າທວງ ຄົນຢືມເຮັດເປັນບໍ່ຮູ້ ທຸກຄັ້ງທີ່ພົບໜ້າກັນ ຄົນໃຫ້ຢືມພັດຮູ້ສຶກລັງເລ ສ່ວນຄົນຢືມພັດບໍ່ຮູ້ສຶກຫຍັງເລີຍ.
- ຄົນທີ່ຖືກຢືມເງິນພັດຢ້ານຖືກຢືມເປັນເທື່ອທີສອງ ເອົາໄປເອົາມາ ເສຍທັງເງິນເສຍທັງໝູ່.
- ກ່ອນມາຢືມເງິນຄົບຫາເປັນໝູ່ ຫລັງຢືມເງິນໄປແລ້ວກາຍເປັນອ້າຍໃຫຍ່ ພໍເອົາເງິນມາຄືນສະແດງຕົວຄືກັບເປັນຜູ້ມີພະຄຸນ.
- ຢ່າໃຫ້ຄົນທີ່ບໍ່ໃກ້ຊິດຢືມເງິນ ເພາະຄົນທີ່ລາວໃກ້ຊິດບໍ່ມີໃຜໃຫ້ລາວຢືມແລ້ວ.
- ຖ້າກຳລັງຄົບຫາກັບແຟນ ເມື່ອອີກຝ່າຍເອີ່ຍປາກຂໍຢືມເງິນ ຈົງຕີຕົວອອກຫ່າງໃນທັນທີ ເພາະຖ້າເຂົາບໍ່ໄດ້ຕົວະຍົວະເຈົ້າ, ເຂົາອາດເປັນຄົນບໍ່ມີຄວາມສາມາດຄືນຖ້າໃຫ້ຢືມ ແລະ ຕ້ອງກຽມໃຈກັບການພົວພັນທີ່ກຳລັງຈະປ່ຽນໄປ.
- ຈື່ໄວ້ວ່າ ທີ່ໃຫ້ເຈົ້າຢືມເງິນໃນຕອນນັ້ນບໍ່ແມ່ນເພາະຂ້ອຍມີເງິນຫລາຍ ແຕ່ເພາະນ້ຳໃຈທີ່ຢາກໃຫ້ເຈົ້າຜ່ານເລື່ອງຮ້າຍໄປໄດ້ດ້ວຍດີ ທີ່ໃຫ້ຢືມນັ້ນບໍ່ແມ່ນພຽງເງິນ ແຕ່ມັນຄືຄວາມເຫັນໃຈ ຄວາມເຊື່ອໃຈ.
- ຖ້າຄົນທີ່ເຄີຍຢືມເງິນກັບມາຢືມເງິນອີກເປັນເທື່ອທີສອງ ທັງໆທີ່ເທື່ອທຳອິດຍັງບໍ່ໃຊ້ຄືນ ຄົນແບບນີ້ບໍ່ເຄີຍສຳນຶກບຸນຄຸນເງິນທີ່ເຈົ້າໃຫ້ຢືມໄປເທື່ອທຳອິດ ແຕ່ລາວຈະຄຽດແຄ້ນທີ່ເຈົ້າບໍ່ໃຫ້ລາວຢືມອີກໃນເທື່ອທີສອງ.
ແລ້ງນ້ຳໃຈ…!!!
ເຈົ້າຢືມເງິນຂ້ອຍ 20 ພັນກີບ ບອກວ່າມື້ອື່ນສິໃຊ້ແທນ ພໍຮອດມື້ມາລາວເຮັດເປັນບໍ່ຮູ້ຫຍັງ ຄໍ່າມາຂ້ອຍເວົ້າເລື່ອງນີ້ຂຶ້ນມາ ລາວຕອບວ່າ “ເປັນຫຍັງໃຈແຄບແທ້ ເງິນພຽງ 20 ພັນກີບ ຈະເອົາຫຍັງຫລາຍ ?” ແລະ ຍັງເອົາໄປເລົ່າໃຫ້ຄົນອື່ນຟັງໃນທາງເສຍຫາຍ ຜົນສຸດທ້າຍກາຍເປັນຂ້ອຍເປັນຄົນໃຈແຄບ ບໍ່ມີນ້ຳໃຈກັບໝູ່ຄູ່.
ຄວາມເປັນຄົນ ສູງສົ່ງກັນທີ່ຮູ້ບຸນຄຸນ ສຳນຶກບຸນຄົນ
ຄົນອື່ນຍື່ນມືຊ່ວຍ ເຈົ້າຄວນສຳນຶກ ແຕ່ຖ້າບໍ່ສຳນຶກກະບໍ່ເປັນຫຍັງ ຢ່າເຮັດຄຸນບູຊາໂທດ ໂປຣດສັດໄດ້ບາບ.
ຂ້ອຍໃຫ້ເງິນເຈົ້າຢືມ 5 ແສນກີບ ລາວໃຫ້ເຈົ້າຢືມ 1 ລ້ານກີບ
ຄຸນໂຄສະນາກັບໃຜໆວ່າ ລາວມີນ້ຳໃຈໃຫ້ເຈົ້າຫລາຍກວ່າຂ້ອຍ
ແຕ່ເຈົ້າຮູ້ບໍ່ວ່າ ລາວມີເງິນຢູ່ໃນມື 2 ລ້ານກີບ ແຕ່ຂ້ອຍມີເງິນຢູ່ໃນມື 5 ແສນກີບ.
