ລິເວີພູລ ເລັ່ງຂຶ້ນຄ່າເມື່ອຍເອົາໃຈ ຊາລາ
ລິເວີພູລ ກຽມເອົາໃຈດາວເຕະຄົນສຳຄັນ ໂມຮາເໝັດ ຊາລາ ດ້ວຍການເພີ່ມຄ່າເມື່ອຍໃຫ້ຫລາຍກວ່າເປັນທົບເຄິ່ງ.
ສຳລັບນັກເຕະດັງຈາກເອຢິບ ໂຊຟອມໄດ້ຢ່າງສຸດຍອດ ໃນລະດູການທຳອິດທີ່ຍ້າຍມາຢູ່ ລິເວີພູລ ໂດຍປັດຈຸບັນຍິງໄປແລ້ວ 43 ລູກ ຈາກທຸກລາຍການ ຈົນມີຂ່າວວ່າ: ຣີລ ມາດຣິດ ກຳລັງໃຫ້ຄວາມສົນໃຈ ແລະ ຫວັງທຸ້ມເງິນໄປຮ່ວມທີມ.
ເຖິງຢ່າງໃດກໍຕາມ, ຫລ້າສຸດ “ເດິ ຊັນ” ສື່ຂອງອັງກິດ ລະບຸວ່າ: ເຢີເກນ ຄລອປ ພ້ອມເລັ່ງເພີ່ມຄ່າເມື່ອຍໃນສັນຍາສະບັບໃໝ່ໃຫ້ກັບ ຊາລາ ໃນຊ່ວງໜ້າຮ້ອນນີ້ ໂດຍເພີ່ມຂຶ້ນເປັນສອງເທົ່າຈາກທີ່ຮັບຢູ່ປະມານ 90.000 ປອນ ເພີ່ມເປັນ 185.000 ປອນຕໍ່ອາທິດ.
ສຳລັບ ລິເວີພູລ ຍັງຢູ່ລະຫວ່າງການໄລ່ລ່າແຊ້ມຢູໂຣບສະໄໝທີ 6 ໂດຍຈະມີການລົງສະໜາມໃນຮອບຕັດເຊືອກນັດທີ 2 ພົບກັບ ໂຣມາ ກາງອາທິດນີ້.
