ກິນອາຫານແນວໃດເຮັດໃຫ້ຜິວຂາວ?

     ສຳລັບທ່ານໃດທີ່ມີຜິວດຳຄ້ຳຫລາຍຄົນຈະຫາທຸກວິທີທາງເພື່ອທີ່ຈະເຮັດໃຫ້ຜິວຂາວສົດໃສຂຶ້ນ ບາງຄົນເຖິງຂັ້ນຕ້ອງອາໄສສານເຄມີ ເຊັ່ນ : ການສັກຜິວຂາວ,​ ການກິນຢາຜິວຂາວ ຫລືອື່ນໆ ເຊິ່ງມີສ່ວນປະສົມຂອງສານເຄມີທັງຫລາຍ ຮູ້ຫລືບໍ່ວ່າເປັນອັນຕະລາຍຕໍ່ຮ່າງກາຍຫລາຍ. ເຖິງວ່າທ່ານຈະມີຜິວທີ່ບໍ່ຂາວ ແນວໃດກໍຍັງມີອາຫານຈາກທຳມະຊາດທີ່ເຮັດໃຫ້ທ່ານຜິວຂາວໄດ້ງ່າຍໆຄື :

1. ນ້ຳໝາກພ້າວ : ມີຄຸນປະໂຫຍດຫລາຍ ເນື່ອງຈາກໃນນ້ຳໝາກພ້າວມີສານເອສໂຕຣເຈນທີ່ຊ່ວຍສ້າງຄໍລາເຈັນ ແລະ ອີລາສຕິນ ເຊິ່ງເຮັດໃຫ້ຜິວຂອງທ່ານສົດໃສ ແລະ ກ້ຽງງາມຍິ່ງຂຶ້ນ.
2. ຊາຂຽວ : ເປັນນ້ຳທີ່ນິຍົມຢູ່ໃນປະຈຸບັນ ເຊິ່ງມີປະໂຫຍດຕໍ່ສຸຂະພາບຫລາຍ ເພາະຊາຂຽວມີສານຕ້ານອະນຸມູນອິດສະລະຢູ່ ຫລາຍ ຈຶ່ງມີສ່ວນຊ່ວຍໄລ່ສານພິດອອກຈາກຮ່າງກາຍ ເຮັດໃຫ້ຜິວສົດໃສກ້ຽງງາມ ທັງຍັງຊ່ວຍຫລຸດລະດັບຄໍເລສເຕີໂຣນ ແລະ ປ້ອງກັນແຂ້ວຜຸຜ່ອຍໄດ້ເປັນຢ່າງດີ.
3. ທັນຍາພືດ : ທີ່ມີຢູ່ທົ່ວໄປ ແລະ ຫາງ່າຍ ເປັນຕົ້ນແມ່ນຖົ່ວທຸກຊະນິດ ເຊິ່ງນອກຈາກຈະໃຫ້ສານອາຫານຄົບຖ້ວນ ທັງວິຕາ ມິນ, ໂປຣຕິນ ແລະ ເກືອແຮ່ແລ້ວ ບັນດາເຂົ້າບໍ່ຜ່ານການຜັດສີຊະນິດຕ່າງໆ, ໝາກສາລີ, ແປ້ງສາລີ, ໝາກງາ ຍັງມີໄຟເບີທີ່ຊ່ວຍໄລ່ສານພິດສະສົມໃນຮ່າງກາຍ ຊ່ວຍໃຫ້ຜິວຂາວສົດໃສຂຶ້ນໄດ້.
4. ນົມຖົ່ວເຫລືອງ : ເຊິ່ງນອກຈາກຈະມີໄອໂຊເຟລໂວນ ເຊິ່ງເປັນສານອະນຸມູນອິດສະລະແລ້ວຍັງມີວິຕາມິນເກືອບທຸກຊະນິດທີ່ໃຫ້ຄຸນປະໂຫຍດດີໆແກ່ຜິວ ແລະ ຮ່າງກາຍ, ໄຂມັນໜ້ອຍ ສຳລັບໃຜທີ່ຢາກຂາວ ແລະ ຢາກຫລຸດຄວາມຕຸ້ຍຄົງຕ້ອງອາໄສນົມຖົ່ວເຫລືອງຈະຊ່ວຍໄດ້ຫລາຍ.
5. ປາທະເລນ້ຳເລິກ : ນອກຈາກຈະມີໂປຣຕິນ ແລະ ກົດອະມິໂນຈຳເປັນຈາກປາທະເລນ້ຳເລິກແລ້ວ ຍັງຈະຊ່ວຍເສີມສ້າງຄໍລາເຈັນ ແລະ ເນື້ອເຍື່ອໃນຮ່າງກາຍ ເຮັດໃຫ້ຜິວອ່ອນກ່ວາອາຍຸ ເປັນຕົ້ນແມ່ນປາແຊວມັອນ ແລະ ປາທູນ່າ.
6. ຜັກ ແລະ ໝາກໄມ້ : ມີເບຕ້າແຄໂຣທີນ ແລະ ວິຕາມິນເຊ, ວິຕາມິນເອີຫລາຍ ຊ່ວຍໃນການຫລຸດຄວາມດຳຄ້ຳ ເຮັດໃຫ້ຜິວກ້ຽງງາມສົດໃສຫລາຍຂຶ້ນ ເຊິ່ງເປັນທີ່ຮູ້ຈັກກັນດີວ່າຄຸນປະໂຫຍດຂອງຜັກ ແລະ ໝາກໄມ້ນັ້ນມີຫລາຍປານໃດ ໂດຍໃນປະຈຸບັນໄດ້ມີຄຣີມບຳລຸງຜິວຫລາຍຊະນິດທີ່ໄດ້ນຳເອົາສານສະກັດຈາກຜັກ ແລະ ໝາກໄມ້ມາໃຊ້ກັນ ເພື່ອຄວາມງາມຂອງບັນດາທ່ານໂດຍສະເພາະ.