ເມືອງທົ່ງມີໄຊ ເປີດເທສະການຈູດບັ້ງໄຟຖວາຍພະທາດ ນາງ ສາມຜີວ
ເທສະການຈູດບັ້ງໄຟ ຖວາຍພະທາດນາງສາມຜີວ ເມືອງທົ່ງມີໄຊ ແຂວງໄຊຍະ ບູລີໄດ້ຈັດຂຶ້ນພ້ອມປີທ່ອງ ທ່ຽວລາວ 2018 ໃນວັນທີ 23 ເມສານີ້ ທີ່ເດີ່ນພະທາດ ນາງ ສາມຜີວ, ໂດຍມີ ທ່ານ ພົງສະຫວັນ ສິດທະວົງ ເຈົ້າ ແຂວງໄຊຍະບູລີ, ມີຄະນະ ນຳ ແຂວງ, ພະແນກການ ກົມກອງອ້ອມຂ້າງແຂວງ, ເມືອງ, ຜູ້ປະກອບການ, ນັກ ທ່ອງທ່ຽວພາຍໃນ ແລະ ຕ່າງ ປະເທດ ພ້ອມດ້ວຍ ປະຊາຊົນ ເມືອງທົ່ງມີໄຊ ເຂົ້າຮ່ວມ ຢ່າງຫລວງຫລາຍ.
+ ເຊີນທ่ຽວບຸນບັ້ງໄຟບ້ານຈອມສີເມືອງໄຊເສດຖາ 9-10 ມິຖູນາ
ທ່ານ ສາຍສະໝອນ ພົມ ມະຂັນ ເຈົ້າເມືອງທົ່ງມີໄຊ, ປະທານຈັດງານໄດ້ໃຫ້ຮູ້ວ່າ: ເທສະການຈູດບັ້ງໄຟຖວາຍພະທາດນາງສາມຜີວຖືເປັນ ກິດຈະກຳປາງບຸນໃຫຍ່ ທີ່ ຈັດຂຶ້ນເພື່ອຊຸກຍູ້ສົ່ງເສີມຮີດຄອງປະເພນີອັນດີງາມ ແລະ ເປັນທີ່ເຄົາລົບບູຊາ ຂອງຊາວ ເມືອງທົ່ງມີໄຊ ມາ ແຕ່ດຶກດຳບັນ ແລະ ໃຫ້ເປັນ ທີ່ຮັບຮູ້ຢ່າງກວ້າງຂວາງ ທັງພາຍໃນ ແລະ ຕ່າງປະເທດ, ສະເພາະເທສະການ ຈູດບັ້ງໄຟຖວາຍພະທາດ ນາງ ສາມຜີວປີນີ້ ຍັງເປັນ ການສະເຫລີມສະຫລອງ ປີທ່ອງທ່ຽວລາວ 2018 ໂດຍມີຫລາຍກິດຈະກຳ ເຊັ່ນ: ຂະບວນບັ້ງໄຟທົ່ວ ເມືອງທົ່ງມີໄຊ, ງານຕະ ຫລາດນັດ ແລະ ວາງສະແດງສິນຄ້າພະລິດຕະພັນຕ່າງໆ, ບໍລິການຂີ່ຊ້າງຊົມ ວິວດົງທາດ ແລະ ຊົມທິວທັດທຳມະຊາດຕົວເມືອງ, ຂະບວນແຫ່ບັ້ງໄຟ, ກ້ອນ ກຳລັງຂອງບັນດາ ບ້ານ, ທີ່ສ່ອງແສງເຖິງມູນເຊື້ອ ປະຫວັດສາດ ແລະ ວັດທະນະທຳ, ຮິດຄອງປະເພນີ ອັນດີງາມ ທີ່ເປັນເອກະລັກ ຂອງທ້ອງຖິ່ນ, ການປະກວດອາຫານພື້ນບ້ານ ແລະ ກິດຈະກຳມ່ວນຊື່ນອື່ນໆ./.
