ອີກ 4 ທີມເຂົ້າຮ່ວມເຕະບານສາຍ ກ

ການແຂ່ງຂັນເຕະບານ ດີວີຊັນ 1 ຫລື ເຕະບານສາຍ ກ ຈະເລີ່ມຂຶ້ນໃນທ້າຍເດືອນເມສານີ້ ເບື້ອງຕົ້ນມີພຽງແຕ່ 12 ທີມທີ່ໄດ້ແຈ້ງລົງທະບຽນເຂົ້າຮ່ວມເທົ່ານັ້ນ, ແຕ່ມາຮອດປັດຈຸບັນມີອີກ 4 ທີມທີ່ໄດ້ລົງທະບຽນເພີ່ມຈາກ 12 ທີມເປັນ 16 ທີມໃນການແຂ່ງຂັນປີນີ້.

ອີງຕາມແຈ້ງການຂອງສະຫະພັນບານເຕະແຫ່ງຊາດລາວ ຫລື ສຕລ ແຕ່ຕົ້ນເດືອນມີນາຜ່ານມາວ່າ: ການແຂ່ງຂັນເຕະບານສາຍ ກ ຈະເລີ່ມເປີດສາກຂຶ້ນໃນທ້າຍເດືອນເມສານີ້. ດັ່ງນັ້ນ ຈຶ່ງແຈ້ງໃຫ້ບັນສະໂມສອນຕ່າງໆໃນຂອບເຂດທົ່ວປະເທດເຂົ້າຮ່ວມການແຂ່ງຂັນດັ່ງກ່າວ ເຊິ່ງມາຮອດປັດຈຸບັນມີ 16 ທີມເຂົ້າຮ່ວມປະກອບມີ: ກອງທັບ ເອັຟຊີ (ແຊ້ມເກົ່າ), ນະຄອນຫລວງ ຢູໄນເຕັດ, ວິທະຍາໄລ ລາວ-ທ໋ອບ, ໂຮງຮຽນ ບຸນເກີດສຶກສາ ເອັຟຊີ, ຄີພີເອັສ ເອັຟຊີ, ເອສະຣາ ເອັຟຊີ, ແບລາວ ອະຄາເດມີ (Bears Laos Academy), ເມືອງຫາດ ຢູໄນເຕັດ, LOB STADIUM, TRINITY FC, ສະຫວັນ ຢູໄນເຕັດ, ແຂວງວຽງຈັນ. ສ່ວນອີກ 4 ທີມໃໝ່ເຂົ້າຮ່ວມປະກອບມີ: ທີມອີໂວ້ ຢູໄນເຕັດ, ດີເຄ ເອັຟຊີ, ຊ້າງນ້ອຍ ເອັຟຊີ ແລະ ປກສ ເອັຟຊີ.