ອາເຊນອລ ເຈລະຈາກັບ ອາດິດາສ ຜະລິດຊຸດແຂ່ງປີ 2019
ອາດິດາສ ຜູ້ຜະລິດອຸປະກອນກິລາລະດັບໂລກ ເຈລະຈາກັບ ອາເຊນອລ ສະໂມສອນຈາກອັງກິດ ສະໜັບສະໜູນຊຸດແຂ່ງ ມູນຄ່າ 40 ລ້ານປອນຕໍ່ລະດູການ ຫລັງ ອາເຊນອລ ກຳລັງຈະໝົດສັນຍາກັບ ພູມາ ຫລັງຈົບລະດູການ 2018-2019.
ຂໍ້ຕົກລົງເກົ່າຂອງ ອາເຊນອລ ກັບ ພູມາ ມີມູນຄ່າ 30 ລ້ານປອນຕໍ່ລະດູການ ເຊິ່ງ ອາດິດາສ ສົ່ງສັນຍາພ້ອມຈ່າຍເງິນໃຫ້ຫລາຍກວ່າ.
ທັງນີ້ ອາດິດາສ ມີສິດອັດສີດເງິນເພີ່ມ ກໍລະນີ ອາເຊນອລ ສາມາດໄດ້ສິດໄປ ຢູຟາ ແຊມປ້ຽນລີກ ໃນລະດູການໜ້າ ໂດຍອາໄສໂກຕາພິເສດ ຄືການຄວ້າແຊ້ມ ຢູຟາ ຢູໂຣປາ ລີກ ລະດູການນີ້. ອີກກໍລະນີໜຶ່ງ ຖ້າການເຈລະຈາຕົກລົງກັນໄດ້ ດ້ວຍການຮັບເງິນ 40 ລ້ານປອນ ເຂົ້າສະໂມສອນ ຈະເຮັດໃຫ້ ອາເຊນອລ ຮັບເງິນແຊງຄູ່ແຂ່ງຄື ທ໊ອດແນມ ຮ໊ອດສະເປີ ແລະ ແມນເຊັສເຕີ ຊິຕີ້ ທີ່ຮັບຈາກ ໄນກີ້ ທັງສອງສະໂມສອນ 30 ລ້ານປອນຕໍ່ປີ.
ເຖິງຢ່າງໃດກໍຕາມ, ສຳລັບ ແມນເຊັສເຕີ ຊິຕີ້ ຄືທີມທີ່ໄດ້ຮັບຈາກ ອາດິດາສ ສູງສຸດໃນຕອນນີ້ ດ້ວຍມູນຄ່າ 75 ລ້ານປອນຕໍ່ປີ ແລະ ເຊລຊີ ເຊິ່ງຮັບເງິນຈາກ ໄນກີ້ ເຖິງ 60 ລ້ານປອນຕໍ່ປີ.
