ຝຣັ່ງປະທ້ວງເດືອດຕໍ່ຕ້ານ ເລີເປນ-ມາຄຣົງ ຊີງໄຊເລືອກຕັ້ງຮອບ 2
April 24, 2017 - 1:49 PM
ຝຣັ່ງ 24 ເມສາ: ສະຖານະການການຊຸມນຸມປະທ້ວງສະແດງຄວາມບໍ່ພໍໃຈທີ່ທ່ານນາງ ມາຣີນ ເລີ ເປນ ຜູ້ນຳພັກການເມືອງຂວາຈັດ ແລະ ທ່ານ ເອັມມານູເອລ ມາຄຣົງ ຜູ້ສະໝັກອິດສະລະສາຍກາງ ຜ່ານເຂົ້າໄປຊີງໄຊໃນການເລືອກຕັ້ງປະທານາທິບໍດີຮອບ 2 ທະວີຄວາມເຄັ່ງຕຶງ ຢູ່ບໍລິເວນສະໜາມບາສຕີ. ການຊຸມນຸມປະທ້ວງເພີ່ມທະວີເປັນການໃຊ້ກຳລັງຮຸນແຮງ, ຜູ້ປະທ້ວງຫລາຍຄົນພາກັນຈູດໄຟເຜົາລົດຍົນ, ຂະນະທີ່ກຸ່ມຜູ້ສະໜັບສະໜູນທ່ານນາງ ເລີ ເປນ ຕ່າງຮ່ວມຊຸມນຸມສະແດງຄວາມຍິນດີ. ສຳລັບການເລືອກຕັ້ງປະທານາທິບໍດີຝຣັ່ງຮອບ 2 ຈະມີຂຶ້ນໃນວັນທີ 7 ພຶດສະພານີ້.
