Apple ປ່ອຍ iOS 11.3 ເລືອກປິດໂຫມດການຢຸດເຄື່ອງໃຊ້ຊ້າລົງເວລາແບັດເຕີຣີເລີ່ມເຊື່ອມໄດ້ແລ້ວ

ໃນປີ 2017 ຜ່ານມາ ທາງ Apple ໄດ້ຖືກຜູ້ໃຊ້ງານທົ່ວໂລກໂຈມຕີ ໃນເລື່ອງຂອງຟີເຈີອັດຕະໂນມັດທີ່ຢັບຢັ້ງຄວາມໄວການປະມວນຜົນຂອງ iPhone ໃຫ້ຕໍ່າລົງໃນເວລາທີ່ແບັດເຕີຣີເຫຼືອໜ້ອຍ ແລະ Apple ກໍຍັງຖືກຟ້ອງຮ້ອງໃນບັນຫາດັ່ງກ່າວຈາກຜູ້ໃຊ້ອີກດ້ວຍ.

ຫລ້າສຸດຕອນນີ້ທາງ Apple ໄດ້ປ່ອຍ iOS 11.3 ຊອຟແວຣ໌ຫລ້າສຸດອອກມາ ຊຶ່ງໄດ້ເພີ່ມການຕັ້ງຄ່າໃຫ້ຜູ້ໃຊ້ສາມາດຄຸມການເປີດ-ປິດໂຫມດຢັບຢັ້ງຄວາມໄວຂອງເຄື່ອງໄດ້ເອງແລ້ວ.

ອ່ານວິທີອັບເດດ iOS 11.3 ໄດ້ທີ່ : https://tips.thaiware.com/898.html

ແຕ່ຖ້າຍັງບໍ່ໄດ້ອັບເດດ iOS 11.3 ກໍພຽງແຕ່ຈັບ iPhone ຂຶ້ນມາ ແລະ ເຂົ້າໄປທີ່ໂປຣແກຣມ Settings > General > Software Update ລໍຖ້າຈົນທຸກຢ່າງດາວໂຫລດ ແລະ ຕິດຕັ້ງໃຫ້ຮຽບຮ້ອຍ ແລະ ກໍສາມາດປິດໂຫມດຢັບຢັ້ງໂຕອັດຕະໂນມັດໄດ້ແລ້ວ.

ນອກຈາກນີ້, ຍັງສາມາດກວດສອບສຸຂະພາບແບັດເຕີຣີຂອງເຮົາໄດ້ອີກດ້ວຍວ່າມີຄວາມຈຸເຫຼືອຢູ່ເທົ່າໃດ ແລະ ຈໍາເປັນຕ້ອງປ່ຽນແບັດເຕີຣີໃຫມ່ ຫຼື ບໍ່.

ຖ້າອັບເດດຮຽບຮ້ອຍແລ້ວ ​ຢາກຮູ້ສຸຂະພາບແບັດເຕີຣີກໍເຂົ້າໄປທີ່ Battery > Battery Health ພຽງເທົ່ານີ້ iPhone ກໍຈະສະແດງຜົນຕາມຮູບຂ້າງລຸ່ມນີ້.