ເມືອງກາສີເຜົາທຳລາຍສິ້ນສ່ວນສັດປ່າທີ່ຍຶດໄດ້ຈາກການລັກລອບຊື້-ຂາຍ

ວັນທີ 23 ມີນານີ້, ຫ້ອງ ການກະສິກຳ ແລະ ປ່າໄມ້ ເມືອງກາສີ ແຂວງວຽງຈັນໄດ້ ຈັດພິທີເຜົາທຳລາຍຊາກສັດ ແລະ ສີ້ນສ່ວນສັດປ່າທີ່ຍຶດ ໄດ້ຈາກກຸ່ມຄົນບໍ່ດີ ເຄື່ອນໄຫວ ລັກລອບຊື້ – ຂາຍສັດປ່າຢູ່ ຂອບເຂດເມືອງຂອງຕົນໃນ ໄລ ຍະຜ່ານມາ ພາຍຫລັງໄດ້ສົມ ທົບກັບເຈົ້າໜ້າທີ່ກອງກວດ ກາປ່າໄມ້ເມືອງກາສີ ລົງກວດ ກາສັດນ້ຳ – ສັດປ່າປະເພດ ຫວງຫ້າມ ກໍໄດ້ພົບເຫັນ ມີການ ຊື້ – ຂາຍສັດປ່າຢູ່ຕາມຕະ ຫຼາດເມືອງກາສີທາງເຈົ້າໜ້າ ທີ່ຈິ່ງໄດ້ປະຕິບັດລະບຽບວິ ໄນເພື່ອໃຫ້ເຂັດຫຼາບໂດຍໄດ້ ປັບໄໝເປັນເງິນ ທັງໝົດ 1,6 ລ້ານກີບ ເຊິ່ງສັດປ່າທີ່ຍຶດໄດ້ ທັງໝົດ 80 ໂຕມີນ້ຳໜັກປະ ມານ 35 ກິໂລກຼາມ ໃນນັ້ນ ມີກະຮອກ ໄກ່ປ່າ, ໂຕຫອນ, ເຫງັນ, ບ່າງລົ້ວ ແລະ ສີ້ນສ່ວນ ໝູປ່າແຫ້ງຈຳນວນໜຶ່ງ.

+ ແຂວງສະຫວັນນະເຂດທຳລາຍສິ້ນສ່ວນ ຜະລິດຕະພັນສັດນຳເຂົ້າບໍ່ຖືກຕ້ອງ

+ ແຂວງຫົວພັນທຳລາຍສິນຄ້າທີ່ໝົດອາຍຸ

ໃນໂອກາດນີ້ ທ່ານ ສີພັນ ມະນີທອງ ຫົວໜ້າຄະ ນະຈັດຕັ້ງເມືອງກາ ສີກໍໄດ້ ກ່າວສະແດງຄວາມຍ້ອງ ຍໍຊົມເຊີຍຕໍ່ການປະຕິບັດ ງານຂອງເຈົ້າໜ້າທີ່ ແລະ ຄຽງຄູ່ກັນນັ້ນກໍ່ ຮຽກຮ້ອງ ໃຫ້ທຸກພາກສ່ວນ ຈົ່ງເອົາໃຈ ໃສ່ສືບຕໍ່ເປັນເຈົ້າ ການປະ ຕິບັດລະບຽບກົດໝາຍຄຸ້ມ ຄອງສັດນ້ຳ – ສັດປ່າຢ່າງ ເຂັ້ມງວດ, ເອົາໃຈ ໃສ່ປົກປັກ ຮັກສາສັດປະເພດ ຫວງຫ້າມ ບໍ່ໃຫ້ສູນພັນໄປ ຈາກປະເທດ ຊາດເຮົາ ແລະ ເອົາໃຈໃສ່ ຊ່ວຍກັນເປັນຫູ ເປັນຕາໃຫ້ແກ່ ເຈົ້າໜ້າທີ່ຖ້າຫາກພົບເຫັນ ກຸ່ມຄົນບໍ່ດີລັກລອບຊື້ – ຂາຍ ສັດປ່າປະເພດຫວງ ຫ້າມໃຫ້ ລາຍງານ ເຈົ້າໜ້າທີ່ທີ່ກ່ຽວ ຂ້ອງຢ່າງຮີບດ່ວນ./.