ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ວຽກງານຢູ່ເມືອງກະລຶມ

ເພື່ອຍົກສູງຄຸນນະພາບ ການພັດທະນາວຽກງານກະ ສິກຳ ແລະ ປ່າໄມ້ ໃຫ້ດີກວ່າ ເກົ່າ ໃນວັນທີ 19 ມີນານີ້ ທ່ານ ຄຳບຸນນັດ ໄຊຍະນິນ ຮອງລັດ ຖະມົນຕີກະຊວງກະສິກຳ ແລະ ປ່າໄມ້ ພ້ອມຄະນະ ໄດ້ລົງເຄື່ອນ ໄຫວຊຸກຍູ້ວຽກງານຢູ່ເມືອງ ກະລຶມ ແຂວງເຊກອງ, ໂດຍ ການ ຕ້ອນຮັບຢ່າງອົບອຸ່ນ ຈາກອຳນາດການປົກຄອງ ເມືອງ ພ້ອມດ້ວຍຂະແໜງ ການກ່ຽວຂ້ອງ.
ຫົວໜ້າຫ້ອງການກະສິ ກຳ ແລະ ປ່າໄມ້ເມືອງລາຍ ງານໃຫ້ຮູ້ວ່າ: ເມືອງກະລຶມ ແມ່ນໜຶ່ງໃນ 4 ເມືອງຂອງ ແຂວງເຊກອງ ທີ່ນອນຢູ່ໃນ ເມືອງທຸກຍາກຂອງ ສປປລາວ ເປັນເມືອງພູດອຍກວມເອົາ 100% ເຊິ່ງໄລຍະຜ່ານມາ ເມືອງ ໄດ້ຖືກໄພທຳມະຊາດ ທຳລາຍຢ່າງໜັກໜ່ວງເຮັດ ໃຫ້ການພັດທະນາເສດຖະກິດມີຄວາມຫຍຸ້ງຍາກ, ແຕ່ອຳ ນາດການປົກຄອງທຸກຂັ້ນ ໄດ້ ເອົາໃຈໃສຊີ້ນຳໆພາ ໃກ້ຊິດ ຕິດແທດ ແລະ ບວກກັບຄວາມ ຫ້າວຫັນເປັນເຈົ້າການຂອງ ຄະນະວິຊາ ການສາມາດ ເຮັດ ສຳເລັດທຸກໜ້າທີ່ຕາມການ ມອບໝາຍຄຽງຄູ່ກັນນັ້ນ ເມືອງ ກະລຶມຍັງມີທ່າແຮງບົ່ມ ຊ້ອນຄືພື້ນຖານຄວາມດຸໝັ່ນ ຂະຫຍັນພຽນຂອງປະຊາ ຊົນ, ມີຊັບໃນດິນສິນໃນນ້ຳຄື ແຮ່ທາດ, ປ່າໄມ້ ແລະ ເຄື່ອງ ປ່າ ຂອງດົງຢ່າງຫຼວງຫຼາຍທີ່ ຊ່ວຍຍູ້ດັນ ແລະ ເປັນເງື່ອນ ໄຂໃນການພັດທະນາວຽກ ງານກະສິກຳ – ປ່າໄມ້ຂອງ ເມືອງໃຫ້ຂະຫຍາຍຕົວຢ່າງ ຕໍ່ເນື່ອງ, ຊີວິດການເປັນຢູ່ ຂອງປະຊາຊົນໄດ້ຮັບການ ພັດທະນາດີຂຶ້ນເລື້ອຍໆສະ ແດງອອກໃນປີຜ່ານມາສາ ມາດຜະລິດເຂົ້າໄດ້ 2.847 ກວ່າໂຕນ ສະເລ່ຍ ໃສ່ຫົວຄົນ ບັນລຸໄດ້ 158 ກິ ໂລ/ຄົນ/ປີ, ວຽກງານລ້ຽງສັດກໍມີທ່າ ກ່າວດີສົມຄວນ.

+ ຮອງລັດຖະມົນຕີ ປກສ ເຄື່ອນໄຫວຊີ້ນຳວຽກງານຢູ່ແຂວງບໍລິຄຳໄຊ

+ ຮອງລັດຖະມົນຕີກະຊວງກະສິກຳ ແລະ ປ່າໄມ້ ເນັ້ນຫລວງນ້ຳທາພັດທະນາກະສິກຳແບບຍືນຍົງ

ໂອກາດດັງກ່າວນີ້ ທ່ານ ຮອງລັດຖະມົນຕີກະຊວງກະ ສິກຳ ແລະ ປ່າໄມ້ ໄດ້ເນັ້ນ ໃຫ້ ເມືອງກະລຶມເອົາໃຈໃສ່ຕື່ມອີກ ໃນການປູກພຶດສະບຽງອາ ຫານ,ພື້ນອຸດສະຫະກຳ, ອີງ ໃສ່ ທ່າແຮງບົ່ມຊ້ອນທີ່ມີຢູ່ພ້ອມ ນັ້ນກໍຕ້ອງເອົາໃຈໃສ່ ຄົ້ນຄວ້າ ຈັດຫາອາຊີບໃຫ້ປະຊາຊົນສ້າງ ໃຫ້ເປັນຄອບຄົວຕົວແບບຊອກ ຫາຕະຫຼາດຮອງຮັບ ແລະ ໃຫ້ ຜະລິດເປັນສິນຄ້າຂອງທີ່ລະ ນຶກຮັບໃຊ້ການທ່ອງທ່ຽວ ຄຽງ ຄູ່ກັນນັ້ນຕ້ອງເປັນເຈົ້າການ ຄຸ້ມຄອງ ແລະ ຟື້ນຟູຊັບພະຍາ ກອນປ່າໄມ້ ຈາກການຖາງປ່າ ເຮັດໄຮ່ເລື່ອນລອຍ ຫັນມາເຮັດ ໄຮ່ຄົງທີ່, ສິງສຳຄັນພະນັກ ງານຫ້ອງການກະສິກຳ ແລະ ປ່າໄມ້ ຕ້ອງເປັນແບບຢ່າງໃນ ການສ້າງເສດຖະກິດຄອບ ຄົວເພີ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍ ຕົນເອງທັງໝົດນັ້ນຕ້ອງປະ ສານສົມທົບຈາກຂະແໜງ ການກ່ຽວຂ້ອງອື່ນໆ ຢ່າງກົມ ກຽວ, ໃນການຊອກຫາແຫຼ່ງ ທຶນຈາກບັນດາໂຄງການທີ່ ເຂົ້າມາລົງທຶນເພື່ອແກ້ໄຂບັນ ຫາຊີວິດການເປັນຢູ່ຂອງປະ ຊາຊົນໃຫ້ດີຂຶ້ນ ແລະ ສາມາດ ຫຼຸດພົ້ນອອກຈາກຄວາມທຸກ ຍາກເທື່ອລະກ້າວ.