ຕໍາຫລວດຜົ້ງສາລີຈັບເຄືອຂ່າຍຄ້າຢາເສບຕິດລາຍໃຫຍ່ມາດໍາເນີນຄະດີ

ເຈົ້າໜ້າທີ່ ປກສ ແຂວງຜົ້ງສາລີ ລາຍງານໃຫ້ຮູ້ວ່າ: ເມື່ອບໍ່ດົນມານີ້, ເຈົ້າໜ້າທີ່ຂອງຕົນໄດ້ນໍາກໍາລັງເຂົ້າປິດລ້ອມ ແລະ ກວດຄົ້ນເຮືອນພັກຫລັງໜຶ່ງທີ່ບ້ານໂພນໄຊເມືອງຂວາ ແລະ ພົບ​ເຫັນ​ຢາ​​ເສບ​ຕິດ​ປະ​ເພດ​ເຮ​ໂຣອິນ 58 ​ແທ່ງ, ຢາ​ບ້າ 3.800 ​ເມັດ, ລົດ​ໃຫຍ່ 2 ຄັນ ​ແລະ ປືນສັ້ນ 1 ກະບອກ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ, ພ້ອມ​ຈັບ​ຕົວ​ຜູ້ຕ້ອງ​ຫາ 3 ຄົນຄື: ​ທ້າວ ຕູ່​ຢາງ ວາ​ຕູ ອາຍຸ 33 ປີຢູ່​ເມືອງ​ຄູນ​ແຂວງ​ຊຽງ​ຂວາງ, ທ້າວ ບຸນ​ຮອງ (​ເຕຍຢາ) ອາຍຸ 55 ປີຢູ່​ບ້ານ​ແສງ​ສະຫວ່າງ​ ​ແລະ ທ້າວ ຊໍ​ວຽງ ​ໄຊ (ຊໍ) ອາຍຸ 55 ປີຢູ່ບ້ານ​ວັງຊາ​ຍ​ເມືອງ​​ໄຊ​ເສດ​ຖານະຄອນຫລວງ​ວຽງ​ຈັນ ແລະ ຜ່ານ​ການ​ສືບສວນ-ສອບ​ສວນຂອງເຈົ້າໜ້າທີ່ ພວກເຂົາໄດ້​ຮັບ​ສາລະພາບ​ວ່າ: ​ຢາເສບຕິດທັງໝົດ​ແມ່ນ​ຂອງ​ພວກຕົນ​ແທ້ ​ໂດຍ​ເອົາ​ມາຈາກ​ຂະ​ບວນການດຽວ​ກັນ ​ເພື່ອໄປ​ສົ່ງ​ໃຫ້​ຜູ້​ສັ່ງ​ຊື້ຢູ່​ເມືອງ​ຂວາ, ​ໂດຍ​ນັດ​ຊື້-ຂາຍ​ຢູ່​ໃນ​ເຮືອນ​ພັກ​ແຫ່ງນີ້ ແລະ ໃນຂະນະລໍຖ້າ​ຜູ້ມາຮັບຢາເສບຕິດຈຶ່ງຖືກ​ເຈົ້າໜ້າ​ທີ່ເຂົ້າ​ຈັບ​ຕົວ​ກ່ອນ.