ສະມາຊິກພັກຕ້ອງເປັນແວ່ນແຍງອັນໃສແຈ້ງ

 ໂດຍ: ທິດກ່ຳ 

ຕາມທິດກ່ຳວ່າ: ແວ່ນແຍງ ອັນໃສແຈ້ງຂອງພັກເຮົານັ້ນ ແມ່ນກະໂຕສະມາຊິກພັກນັ້ນ ເອງ, ທາດແທ້ຂອງສະມາຊິກ ພັກກໍຍ່ອມສະແດງອອກທາງ ດ້ານແນວຄິດ ແລະ ການກະທຳ ເປັນຫລັກ, ສະມາຊິກພັກຜູ້ທີ່ດີ ກໍຍ່ອມຄິດດີ ແລະ ກະທຳດີເຂົາ ກໍເອີ້ນວ່າ ເປັນແວ່ນແຍງທີ່ດີມີ ຄຸນນະພາບ, ສ່ວນວ່າສະມາຊິກ ພັກທີ່ບໍ່ດີມີແນວຄິດໄຂ່ວເຂວ ກໍ ຍ່ອມສະແດງອອກໃນດ້ານພືດ ຕິກຳທີ່ບໍ່ດີ ເຂົາກໍເອີ້ນວ່າ ເປັນ ແວ່ນແຍງທີ່ແຕກແຫງເຊື່ອມ ຄຸນ, ເມື່ອເຮົາແຍງເບິ່ງໄປມາ ມັນກໍເຫັນແຕ່ຮູບພຽງເລືອກ ລາງບໍ່ໃສແຈ້ງ, ເບິ່ງຢ່າງໜຶ່ງ ຄືໜ້າຕາບິດບ້ຽວສີມົວໆ ເໝືອນ ຄົນບໍ່ເຕັມບາດ ຫລື ບໍ່ເຕັມສະຫລຶງ.

+ ສະມາຊິກພັກບາງສະຫາຍບວດບໍ່ໄດ້ແຖຫົວ

+ ຄະນະພັກເຂັ້ມແຂງຍ້ອນສະມາຊິກພັກມີຄຸນນະພາບ

ເພາະສະນັ້ນ, ຈຶ່ງເວົ້າໄດ້ ວ່າບັນດາສະຫາຍສະມາຊິກ ພັກເຮົາມັນກໍເໝືອນດັ່ງແວ່ນ ແຍງທີ່ໄດ້ຍົກເອົາມາເປັນຕົວ ຢ່າງຂ້າງເທິງ. ໃນສະໄໝເລີ້ມ ຕົ້ນມີການຕໍ່ສູ້ປະຕິວັດເພື່ອປົດ ປ່ອຍປະເທດຊາດ, ສະມາຊິກ ພັກປະຊາຊົນປະຕິວັດລາວມີ ພຽງຈຳນວນຫົວສິບ, ຈາກນັ້ນ ກໍເພີ່ມຂຶ້ນເປັນຫົວຮ້ອຍ, ກ້າວ ຂຶ້ນເປັນຫົວພັນ, ມາຮອດປັດຈຸ ບັນກໍເປັນຫົວແສນ. ສະມາຊິກ ພັກແຕ່ລະສະຫາຍກໍໄດ້ກັ່ນຕອງ ເອົາມາຈາກພົນລະເມືອງລາວ ຜູ້ທີ່ຫ້າວຫັນ, ມີອຸດົມການປະຕິ ວັດ, ມີຄວາມຮັກຊາດ, ຮັກປະ ຊາຊົນຢ່າງດູດດື່ມ. ນອກຈາກ ນັ້ນ, ກໍເປັນຄົນທີ່ສັດຊື່ບໍລິສຸດ, ບໍ່ ກິນບ້ານກິນເມືອງ, ບໍ່ສໍ້ລາດບັງ ຫລວງ, ເປັນຄົນທີ່ເຫັນແກ່ຜົນ ປະໂຫຍດຂອງຊາດຫລາຍ ກວ່າ ຜົນປະໂຫຍດຂອງຕົນ ເອງ, ຜູ້ທີ່ມີເງື່ອນໄຂເຂົ້າເປັນສະ ມາຊິກພັກຕ້ອງຄົບເຄື່ອງຕາມ ມາດຖານ ແລະ ເງື່ອນໄຂຂອງ ພັກ. ຍ້ອນພັກໄດ້ສຶກສາອົບຮົມ ບົ່ມເພາະຜ່ານຂະບວນວິວັດອັນ ແຫລກແຫລວ ຈຶ່ງສາມາດຮັບ ເຂົ້າເປັນສະມາຊິກພັກໄດ້.

ຕາມທິດກ່ຳວ່າ: ສະມາຊິກພັກຜູ້ທີ່ດີ ແລະ ເປັນແວ່ນແຍງ ອັນໃສແຈ້ງນັ້ນ ຍັງສະແດງອອກ ໃນຫລາຍດ້ານ, ນອກຈາກສິ່ງ ທີ່ໄດ້ກ່າວມາຂ້າງເທິງນັ້ນແລ້ວ, ກ່ອນອື່ນໝົດແມ່ນ ຄວາມຕັ້ງຕໍ່ ສັດຊື່ບໍລິສຸດ, ຄວາມຈົ່ງຮັກພັກດີ ຕໍ່ພັກ, ຕໍ່ປະເທດຊາດ ແລະ ຕໍ່ປະ ຊາຊົນ ໃນຕະຫລອດໄລຍະຜ່ານ ມາ, ພາລະກຳປະຫວັດສາດ ຂອງພັກ ທີ່ມີຕໍ່ຊາດ ແລະ ຕໍ່ປະຊາຊົນ ບັນດາເຜົ່ານັ້ນມັນມີຢ່າງ ຫລວງຫລາຍ. ຕະຫລອດໄລຍະ 30 ກວ່າປີແຫ່ງການຕໍ່ສູ້ເພື່ອ ປົດປ່ອຍຊາດ ແລະ 40 ກວ່າປີ ແຫ່ງການປົກປັກຮັກສາ ແລະ ສ້າງສາປະເທດຊາດ, ຍາມໃດ ພັກເຮົາກໍມີແນວຄິດຕັ້ງຕໍ່ບໍລິ ສຸດເພື່ອປະເທດຊາດ ແລະ ເພື່ອ ຄວາມສົມບູນພູນສຸກຂອງປະ ຊາຊົນບັນດາເຜົ່າ.

ທຸກແນວທາງ, ແຜນນະ ໂຍບາຍ ແລະ ມະຕິຄຳສັ່ງຂອງ ພັກໃນແຕ່ລະໄລຍະກໍລ້ວນແລ້ວ ແຕ່ສະແດງໃຫ້ເຫັນເຖິງເປົ້າ ໝາຍເພື່ອພັດທະນາປະເທດຊາດ ແລະ ຄວາມມຸ້ງມາດປາດຖະ ໜາຂອງປະຊາຊົນເຮົາ, ເພາະສະນັ້ນ, ທາດແທ້ຂອງພັກມັນກໍ ແມ່ນຜົນປະໂຫຍດລວມອັນສູງ ສຸດຂອງປະເທດຊາດ ແລະ ຂອງປະຊາຊົນ.

ແນວໃດກໍຕາມ, ໃນໄລຍະ ຜ່ານມາກໍຄືສະພາບປັດຈຸບັນໄດ້ ມີສະມາຊິກພັກຈຳນວນບໍ່ໜ້ອຍ ມີແນວຄິດໄຄ່ວເຂຜິດພາດ, ມີ ການເຄື່ອນໄຫວກະທຳຜິດຕໍ່ກົດ ລະບຽບຂອງພັກ, ບໍ່ເປັນແວ່ນ ແຍງອັນໃສແຈ້ງໃຫ້ແກ່ມະຫາ ຊົນ, ຊ້ຳບໍ່ໜຳເປັນຜູ້ເຮັດເອງ, ທຳເອງ ແລະ ຜິດເອງຈົນມີຜົນ ສະທ້ອນອັນບໍ່ດີແກ່ຜົນປະໂຫຍດ ລວມຂອງຊາດ ແລະ ປະຊາຊົນ ຕົວຢ່າງທີ່ເຫັນໄດ້ຢ່າງຊັດເຈນ ກໍຄືການສໍ້ລາດບັງຫລງ, ສວຍ ໃຊ້ຖານະຕຳແໜ່ງຂອງພັກໄປ ສ້າງຄວາມກະທົບກະເທືອນໃຫ້ ພໍ່ແມ່ປະຊາຊົນ, ຫາລາຍໄດ້ແຕ່ ຝ່າຍຕົນບໍ່ວົນວາຍນຳຜົນປະ ໂຫຍດຂອງຊາດ, ເງິນຄຳ, ສັບ ສິນ ແລະ ດິນດອນຕອນຫຍ້າ ຊິເອົາສ່ຳໃດກໍໄດ້ຂອງແນວວ່າ ຕົນເອງເປັນເຈົ້າ. ພໍ່ແມ່ປະຊາຊົນ ເຂົາກໍພຽງນັ່ງກອດເຂົ່າເບິ່ງເຈົ້າ, ເບິ່ງນາຍ. ນີ້ຄືພຶດຕິກຳແຫ່ງ ຄວາມໂລບມາກຂອງສະມາຊິກ ພັກຈຳນວນບໍ່ໜ້ອຍທີ່ຄອຍຈອບ ລ້າງຜານບົດບາດຂອງພັກ.
ເຖິງຢ່າງໃດກໍດີ, ຕາມທິດ ກ່ຳວ່າ ນິຕິກຳກ່ຽວກັບວຽກ ງານກໍ່ສ້າງພັກ ແລະ ວຽກງານ ຄຸ້ມຄອງພະນັກງານທີ່ຫາກໍ ອອກມາໃໝ່ໆ, ໝາດໆ ແລະ ມີການເຜີຍແຜ່ໃນວັນທີ 23 ມັງກອນ ຜ່ານມາ, ຈະກາຍເປັນ ໄມ້ຄ້ອນຕະບອງເພັດເພື່ອໃຫ້ ພັກປະຊາຊົນ ປະຕິວັດລາວ ປອດໃສຂາວສະອາດ, ເປັນ ຫລັກເສົາອັນແໜ້ນແກ່ນຂອງ ຊາດ ແລະ ເປັນຮົ່ມໂພຮົ່ມໄຊ ແກ່ ປະຊາຊົນບັນດາເຜົ່າ. ວັນທີ 22 ມີນາ ຈົ່ງໝັ້ນຍືນ ແລະ ຍືນຍົງ ໃນພາລະກິດພັດທະນາປະເທດ ຊາດຕະຫລອດໄປ./.