ເປແອສເຊ ເລັ່ງຂໍ ຊີດານ ແລກປ່ອຍ ເນມາ
ເປແອສເຊ ຕົກເປັນຂ່າວພ້ອມເຈລະຈາປ່ອຍ ເນມາ ມາຢູ່ກັບ ຣີລ ມາດຣິດ ຖ້າໄດ້ ຊີເນີດິນ ຊີດານ ຍ້າຍມາຄຸມທີມໃນລະດູການໜ້າ.
ເອລ ໂກລ ດິຈິທັລ ສື່ດັງໃນປະເທດສະເປນ ລາຍງານວ່າ: ປາຣີສ ແຊງແຊກແມງ ຍັກໃຫຍ່ແຫ່ງ ລີກເອິງ ຝຣັ່ງ ພ້ອມຈະຍອມເຈລະຈາເພື່ອປ່ອຍຕົວ ເນມາ ດາວຍິງຕົວເກັ່ງຂອງທີມໃຫ້ກັບ ຣີລ ມາດຣິດ ຍອດທີມໃນ ລາລີກາ ສະເປນ ຖ້າ ຣີລ ມາດຣິດ ຍອມປ່ອຍ ຊີເນີດິນ ຊີດານ ຜູ້ຈັດການທີມໃຫ້ຍ້າຍມາຄຸມທີມໃນຖິ່ນ ປາຣກ ເດສ ແພຣງ ໃນລະດູການໜ້າ.
ກ່ອນໜ້ານີ້ ມີຂ່າວວ່າ ເນມາ ເລີ່ມບໍ່ມີຄວາມສຸກກັບການຫລິ້ນຢູ່ຝຣັ່ງ ແລະ ເລີ່ມຢາກຍ້າຍກັບໄປຫລິ້ນໃນສະເປນ ເພື່ອເປົ້າໝາຍໃນການຄວ້າລາງວັນບັລລົງ ດໍ ມາຄອງໃຫ້ໄດ້ ໂດຍມີ ຣີລ ມາດຣິດ ທີ່ຕົກເປັນຂ່າວວ່າຕ້ອງການໄປເສີມທີມ ໂດຍກ່ອນໜ້ານີ້ ມີຂ່າວວ່າ ຣີລ ມາດຣິດ ສະເໜີປ່ອຍ ຄຣິສເຕຍໂນ ໂຣນັລໂດ້ ໃຫ້ ເປແອສເຊ ແລກກັບການໄດ້ ເນມາ ມາຮ່ວມທີມ ແຕ່ ເປແອສເຊ ເບິ່ງວ່າດາວເຕະທີມຊາດໂປຣຕຸເກສອາຍຸຫລາຍເກີນໄປ ແລະ ພວກເຂົາສົນໃຈຢາກໄດ້ ຊີດານ ມາຄຸມທີມຫລາຍກວ່າ ໂດຍຫວັງຈະໃຫ້ອະດີດກອງກາງທີມຊາດຝຣັ່ງເຂົ້າມາຄຸມທີມແທນ ອູໄນ ເອເມຣີ ທີ່ຈະຖືກປົດຫລັງຈົບລະດູການນີ້.
