ຮອງລັດຖະມົນຕີກະຊວງ ຮສສ ເນັ້ນຫລາຍບັນຫາໃຫ້ແຂວງຫລວງນ້ຳທາເອົາໃຈໃສ່

ເມື່ອທ້າຍອາທິດຜ່ານມານີ້, ທ່ານນາງ ໃບຄຳ ຂັດທິຍະ ຮອງລັດຖະມົນຕີ ກະຊວງແຮງ ງານ ແລະ ສະຫວັດດີການ ສັງຄົມ (ຮສສ) ໄດ້ເຂົ້າຮ່ວມ ກອງປະຊຸມສະຫລຸບວຽກ ງານປະຈໍາປີ 2017 ຂອງພະ ແນກ ແຮງງານ ແລະ ສະຫວັດ ດີການສັງຄົມ ແຂວງຫລວງ ນ້ຳທາ, ພ້ອມທັງໄດ້ມີຄໍາ ເຫັນເນັ້ນໃຫ້ ພະແນກກ່ຽວ ຂ້ອງຂອງແຂວງເອົາໃຈໃສ່ເພີ່ມທະວີຄວາມສາມັກຄີໃນ ຄະນະພັກ-ຄະນະນໍາໜັກແໜ້ນ ກວ່າເກົ່າ, ມີຄວາມເປັນເອກະ ພາບສູງ, ໂດຍຖືເອົາວຽກງານ ການສຶກສາອົບຮົມການເມືອງ ແນວຄິດໃຫ້ຖັນແຖວພະນັກ ງານ-ລັດຖະກອນ ມີຄວາມໜັກ ແໜ້ນທາງດ້ານຄຸນທາດການ ເມືອງ ແລະ ມີຄວາມອຸ່ນອຽນ ທຸ່ນທ່ຽງ, ຫ້າວຫັນຕື່ນຕົວປະ ຕິບັດໜ້າທີ່ດ້ວຍຄວາມຮັບຜິດ ຊອບສູງ, ປັບປຸງແບບແຜນວິທີ ເຮັດວຽກ ແລະ ຂອດປະສານ ງານໃຫ້ມີຄວາມແທດເໝາະ ກົມກຽວ, ບຳລຸງສ້າງໃຫ້ພະນັກ ງານ- ລັດຖະກອນກຳແໜ້ນ ແນວທາງນະໂຍບາຍ, ກົດ ໝາຍ, ນິຕິກຳ ແລະ ລະບຽບ ການຕ່າງໆ, ພ້ອມທັງປະຕິບັດ ໜ້າທີ່ຕາມພາລະບົດບາດເພື່ອ ເຮັດໃຫ້ວຽກງານມີຜົນສຳເລັດ ແລະ ບັນລຸຄາດໝາຍຕາມແຜນ ການວາງໄວ້.

+ ຮອງລັດຖະມົນຕີກະຊວງກະສິກຳ ແລະ ປ່າໄມ້ ເນັ້ນຫລວງນ້ຳທາພັດທະນາກະສິກຳແບບຍືນຍົງ

+ ຮອງລັດຖະມົນຕີກະຊວງແຮງງານສຳເລັດການເຂົ້າຮ່ວມກອງປະຊຸມສະມັດຊາໃຫຍ່ອົງການແຮງງານສາກົນທີ່ສະວິດເຊີແລນ

ນອກນັ້ນກໍໃຫ້ເອົາໃຈໃສ່ ການເກັບກຳຂໍ້ມູນດ້ານແຮງ ງານເພື່ອສ້າງເປັນຖານຂໍ້ມູນ ຄວາມຕ້ອງການຂອງຕະ ຫລາດແຮງງານ, ພັດທະນາ ກຳລັງແຮງງານໃຫ້ແທດເໝາະ ຕາມຄວາມ ຕ້ອງການຂອງ ຕະຫລາດແຮງງານ ແລະ ການ ພັດທະນາຂອງແຂວງ, ທັງເປັນ ຂໍ້ມູນໃຫ້ແກ່ຜູ້ປະກອບການ, ນັກ ລົງທຶນພາຍໃນ ແລະ ຕ່າງປະ ເທດ, ພ້ອມທັງເອົາໃຈໃສ່ພັດ ທະນາສີມືແຮງງານດ້ວຍ ຫລາຍຮູບການ, ທັງໄລຍະສັ້ນ, ໄລຍະຍາວ, ເຝິກອົບຮົມກັບທີ່ ແລະ ເຂົ້າຮຽນຢູ່ສູນຝຶກວິຊາ ຊີບຕ່າງໆໃຫ້ໄດ້ທັງປະລິມານ ແລະ ຄຸນນະພາບ, ເອົາໃຈໃສ່ ໃຫ້ການຊ່ວຍເຫລືອຜູ້ປະສົບ ເຄາະຮ້າຍຈາກໄພພິບັດ ຕ່າງໆໃຫ້ມີປະສິດທິພາບ ແລະ ວຽກງານສໍາຄັນໜຶ່ງ ແມ່ນເອົາໃຈໃສ່ ວຽກງານຄຸ້ມ ຄອງຄົນພິການ ແລະ ຜູ້ອາ ຍຸສູງໂດຍການໂຄສະນາສຶກ ສາອົບຮົມຄອບຄົວ ແລະ ການຈັດຕັ້ງພາກລັດ ແລະ ເອກະຊົນ ໃຫ້ມີສ່ວນຮ່ວມໃນ ການສ້າງສິ່ງອຳນວຍ ຄວາມ ສະດວກ ແລະ ການເບິ່ງແຍງ ດູແລຄົນພິການ ແລະ ຜູ້ອາຍຸ ສູງເພື່ອປົກປ້ອງສິດຜົນປະ ໂຫຍດອັນຊອບທຳໃຫ້ຄົນພິ ການທີ່ຍັງໜຸ່ມ ແລະ ສາມາດ ອອກແຮງງານໄດ້ຕ້ອງສົ່ງ ເສີມໃຫ້ເຂົາເຈົ້າໄດ້ເຝິກວິຊາ ຊີບ ແລະ ພັດທະນາສີມືແຮງ ງານເພື່ອປະກອບອາຊີບ ຢ່າງເໝາະສົມ.