ພ້ອມກັນສົ່ງເສີມວັດທະນະທຳລາວໃຫ້ເປັນມໍລະດົກໂລກ

 ໂດຍ: ທິດກ່ຳ 

ໃນໂອກາດສົ່ງທ້າຍປີເກົ່າ ຄສ 2017 ແລະ ຕ້ອນຮັບປີໃໝ່ ສາກົນ ຄສ 2018 ທີ່ຜ່ານມານີ້, ສື່ສັງຄົມອອນລາຍ ຕ່າງໆ ກໍຮື ຮາດີໃຈນຳສຽງແຄນລາວທີ່ ໄດ້ຮັບການຈົດທະບຽນເຂົ້າ ເປັນມໍລະດົກໂລກຄວາມໂຊກ ໃຫຍ່ໄຊງາມ ທີ່ມີຄວາມໝາຍ ທາງດ້ານປະຫວັດສາດເພື່ອ ຄຳ ນັບຮັບຕ້ອນຮັບປີໃໝ່ສາກົນ, ຕ່າງຄົນກໍຕ່າງພູມໃຈທີ່ໄດ້ເຫັນວ່າທຳນອງສຽງແຄນລາວ ທີ່ ຈັບຕ້ອງບໍ່ໄດ້ນັ້ນແມ່ນຖືກຍອມຮັບຈາກອົງການຢູແນສໂກວ່າ ເປັນເອກະລັກຂອງຊາດລາວ, ຄົນລາວກິນເຂົ້າໜຽວຈ້ຳປາ ແດກ,ໃນນີ້ສື່ອອນລາຍບາງກຸ່ມຄົນກໍວ່າສຽງແຄນເປັນ ຂອງ ເຂົາແຕ່ເປັນຫຍັງ ຈຶ່ງຍອມຮັບ ວ່າໃຫ້ເປັນຂອງລາວວ່າຊັ່ນ! ທິດກ່ຳ ກໍບໍ່ຢາກມີຄຳຄິດຄຳ ເຫັນໃສ່ຮ້າຍປ້າຍສີ ຫລື ຕຳນິ ຕິຕຽນຜູ້ໃດດອກ, ແຕ່ຖ້າເປັນ ຂອງໃຜ, ຮາກເຫງົ້າຂອງ ຜູ້ໃດ ນັ້ນກໍຂໍໃຫ້ພາກັນພິຈາລະນາ ເອົາເອງ.

+ ລາວສຳເລັດການສົ່ງຮ່າງຄຳຮ້ອງສະເໜີເອົາ ທົ່ງໄຫຫີນເຂົ້າເປັນມໍລະດົກໂລກແຫ່ງທີ 3

+ ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020

ຕາມທິດກ່ຳ ຄິດໃນຄວາມ ເປັນຈິງແລ້ວ, ຖ້າຈະເວົ້າເຖິງ ພື້ນຖານວັດທະນະທຳລາວທີ່ ເປັນເອກະລັກຂອງຊາດລາວ, ຄົນລາວມັນມີຫລາກຫລາຍ ແລະ ອຸດົມສົມບູນຈົນເຫລືອ ຄະນານັບຕົວຢ່າງວ່າ ການຂັບ ລຳທ້ອງຖິ່ນ ກໍມີແຕ່ເໜືອເຖິງ ໃຕ້ ໃຜໄດ້ໄປທ່ຽວແຂວງຈຳປາ ສັກຖ້າບໍ່ໄດ້ ຟັງລຳສີພັນດອນກໍ ຖືວ່າຍັງ ບໍ່ທັນຮອດເມືອງປາກ ເຊ, ໄປທ່ຽວແຂວງສາລະວັນ ຖ້າບໍ່ໄດ້ຟ້ອນຈັງຫວະລຳສາລະ ວັນກໍ ຖືວ່າພາດຫວັງ, ໄປທ່ຽວ ສະຫວັນນະເຂດ ຖ້າບໍ່ໄດ້ຟັງລຳ ສີ່ຈັງຫວະຄື ຄອນສະຫວັນ, ຕັ່ງຫວາຍ, ລຳຜູ້ໄທ ແລະ ບ້ານ ຊອກກໍຖືວ່າຍັງບໍ່ທັນເຫັນເມືອງສະຫວັນນະເຂດ, ໄປທ່ຽວຄຳ ມ່ວນ ກໍຕ້ອງໄດ້ຟັງລຳ ມະຫາ ໄຊ, ໄປທ່ຽວຫລວງພະບາງ ກໍຕ້ອງໄດ້ຟັງຂັບທຸ້ມ, ໄປຊຽງ ຂວາງຖ້າບໍ່ໄດ້ຟັງຂັບສຳນຽງ ຊຽງຂວາງກັບເຕັ້ນບາສະລົບ ທຳນອງ ເພງສາວຊຽງຂວາງ ກໍຢ່າຟ້າວກັບບ້ານ.

ນອກຈາກນັ້ນ, ບົດຂັບ, ບົດລຳ, ບົດເພງ, ບົດຟ້ອນ, ບົດກາບກອນຕະຫລອດບົດ ເລື່ອງ, ບົດປະພັນວັນນະຄະດີ ຂອງປະຊາຊົນບັນດາເຜົ່າໃນ ແຕ່ລະທ້ອງຖິ່ນກໍຫລາກຫລາຍສີສັນເກືອບວ່າ ນັບບໍ່ຖ້ວນ, ຖ້າ ຈະໄລ່ມາແຕ່ດຶກດຳບັນຮາກ ເຫງົ້າເຖົ້າແກ່ບູຮານກໍນັບແຕ່ ເລື່ອງຈຳປາສີ່ຕົ້ນ, ນາງຜົມ ຫອມ, ກາລະເກດສິນໄຊ, ທ້າວ ກ່ຳກາດຳ, ນາງແຕງອ່ອນ, ຂຸນ ລູນາງອົ້ວ ແລະ ພື້ນແຜນ ອື່ນໆ ທີ່ສະທ້ອນໃຫ້ເຫັນເຖິງວິຖີ ຊີວິດຂອງຄົນລາວແຕ່ລະຍຸກ ແຕ່ລະສະໄໝບູຮານຈົນຮອດ ປັດຈຸບັນ.

ສ່ວນວ່າບັນດານັກປາດ ອາຈານ, ນັກປະດິດຄິດແຕ່ງ ແຕ່ ລະຍຸກແຕ່ສະໄໝກໍມີຫລວງ ຫລາຍສືບຕໍ່ໆກັນມາຈົນຮອດ ເຊັ່ນລູກເຊັ່ນຫລານ, ຕົກມາ ຮອດປັດຈຸບັນເມືອງຫລວງ ພະບາງໝົດເມືອງກໍຈົນກາຍ ເປັນເມືອງມໍລະດົກໂລກ. ສ່ວນ ທາງພາກໃຕ້ກໍແມ່ນວັດພູຈຳ ປາສັກກໍໄດ້ກາຍ ເປັນມໍລະດົກ ໂລກແຫ່ງທີສອງໄປແລ້ວ, ອັນ ດັບຕໍ່ໄປອາດຈະຍັງມີຫລາຍ ບ່ອນ, ຫລາຍທີ່ ແລະ ຫລາຍສິ່ງ ຫລາຍຢ່າງຈະກາຍເປັນມໍລະ ດົກໂລກ ຍ້ອນຫຍັງຈຶ່ງວ່າ ແນວ ນັ້ນ? ຍ້ອນວ່າ ປະເທດລາວເຮົາ ເປັນປະເທດທີ່ອຸດົມສົມບູນ ແລະ ຫລາກຫລາຍໄປດ້ວຍອະລິ ຍະທຳທີ່ລືຊື່ມາແຕ່ດົນນານ ໃນ ຍຸກອານາຈັກລ້ານຊ້າງ, ໂດຍສະ ເພາະແມ່ນໃນລາຊະການຂອງ ເຈົ້າສຸລິຍະວົງສາປະເທດລ້ານ ຊ້າງໂດດເດັ່ນເລື່ອງລື ແລະ ຈະ ເລີນຮຸ່ງເຮືອງໄປດ້ວຍສິລະປະວັດທະນະທຳ, ອະລິຍະທຳຈົນ ເຮັດໃຫ້ແຂກຕ່າງດ້າວ ທ້າວ ຕ່າງແດນເຂົ້າມາຢ້ຽມຢາມ ແລະ ສຶກສາ ຄົ້ນຄວ້າ, ຄະ ນະທຳອິດທີ່ໄດ້ເຂົ້າມາໃນສະ ໄໝ ນັ້ນກໍຄື ຄະນະຂອງ ທ່ານ ວັນດຸສຕົບ ຈາກປະເທດໂຮນ ລັງ. ນີ້ລະຄືສິ່ງທີ່ພາກພູມໃຈ ຕໍ່ເຊື້ອຊາດລາວ, ຄົນລາວໃນ ທົ່ວ ປະເທດກໍຄືເຊື້ອຊາດລາວ, ສັນຊາດລາວທີ່ຢູ່ພາຍໃນ ແລະ ຕ່າງປະເທດ.
ປັດຈຸບັນ, ເຖິງວ່າເຊື້ອຊາດ ລາວ, ຄົນລາວຈຳນວນ ບໍ່ໜ້ອຍ ຫັນປ່ຽນໄປເປັນສັນຊາດອື່ນ ແຕ່ຈິດໃຈແຫ່ງຄວາມຮັກຊາດ ແພງເຊື້ອ ກໍຍັງເປັນສາຍເລືອດ ລາວ, ຍັງຮັກສິລະປະວັດທະນະ ທຳລາວຢ່າງດູດດື່ມ ແລະ ຊາບ ຊຶ້ງ, ນອກຈາກນີ້, ຕາມທິດກ່ຳ ໄດ້ເຫັນຕົວຈິງ ຜ່ານມາບໍ່ວ່າ ແຕ່ນັກທ່ອງທ່ຽວ, ແຂກຕ່າງ ດ້າວ ທ້າວຕ່າງແດນ ທີ່ໄດ້ເຂົ້າ ມາສຳພັດກັບຄົນລາວໃນດິນ ແດນລ້ານຊ້າງຕ່າງກໍເອີ່ຍປາກ ວ່າ ຊາດລາວ, ຄົນລາວ ເປັນ ຊາດທີ່ມີສິລະປະວັດທະນະທຳ, ອະລິຍະທຳອັນດີງາມທີ່ໜ້າຊົມ ເຊີຍຍົກຍ້ອງຂະໜາດ. ທ່ານ ຈອນນີ້ ເປັນຄົນອາເມລິກາ ທີ່ ຫລົງໄຫລຕິດໃຈນຳສຽງ ແຄນລາວຮຽນເປົ່າແຄນຈົນ ກາຍເປັນໝໍແຄນຂັ້ນເທບ ລາວ ເອີ່ຍປາກດ້ວຍຄວາມມັກ ຮັກ ແລະ ຈິງໃຈວ່າ “ຂ້ອຍເປັນ ຄົນ ເກີດຫລົງຊາດ” ທີ່ຈິງຂ້ອຍ ຄວນເກີດຢູ່ເມືອງລາວ ວ່າຊັ້ນ ເດ! ອີກບໍ່ດົນໄຫຫີນ, ພູໝາມ ໜໍ່, ລຳວົງລາວ ແລະ ສິ່ງອື່ນທີ່ ຍັງເລິກລັບຢູ່ ເມືອງລາວຈະ ກາຍ ເປັນມໍລະດົກຂອງໂລກ, ສຸດທ້າຍປະເທດລາວລ້ານຊ້າງກໍ ຈະກາຍເປັນດິນແດນແຫ່ງ ໜຶ່ງທີ່ມີກິ່ນຫອມຂອງຊາວ ໂລກສົມກັບວ່າ ເປັນອັນຍະມະນີ ແຫ່ງແມ່ນ້ຳຂອງ “ບ້າງເຈົ້າ ບ້າງ ປາງລາດຊະວົງ ຂົງເມືອງ ລາວ ປະຊາຊົນ ເປັນເຈົ້າໃຜ ວ່າ ເມືອງລາວເສົ້າ ເຊົາເດີ ຢ່າຟ້າວວ່າ ມັນຊິໂປ້ບາດຫລ້າ ໝາກແຕງຊ້າງໜ່ວຍປາຍ” ນາງເອີຍ!