Microsoft ໄດ້ໃຫ້ບໍລິການ Outlook.com ໂສມໃໝ່ແລ້ວ
Microsoft ກໍາລັງທະຍອຍອັບເດດໜ້າເວັບ Outlook.com (ອະດີດຄື hotmail, live) ຮູບແບບໃໝ່ອອກມາໃຫ້ຜູ້ໃຊ້ທຸກຄົນໄດ້ສໍາຜັດກັນແລ້ວ ຫຼັງຈາກທີ່ທົດສອບເວຊັ່ນເບຕ້າມາແຕ່ເດືອນສິງຫາ 2017 ແນວໃດກໍຕາມ ໃນສ່ວນຂອງ Calendar ແລະ People ແບບໃໝ່ຈະຍັງຄົງເປັນເວີຊັ່ນເບຕ້າຕໍ່ໄປ.
ຜູ້ໃຊ້ Outlook.com ທຸກຄົນຈະໄດ້ໃຊ້ປະຕິທິນທີ່ໄດ້ຮັບການອອກແບບໃໝ່, ຜູ້ຄົນຈະມີໂປຣໄຟລ໌ກາຣ໌ດດີໄຊນ໌ໃໝ່ທີ່ມີຂໍ້ມູນຄົບຖ້ວນກວ່າເກົ່າ ຊຶ່ງການປ່ຽນແປງໂດຍລວມໃນຄັ້ງນີ້ ກໍໄດ້ແກ່ການປັບປຸງໃຫ້ໃຊ້ງານກັບ Skype ໄດ້ດີຂຶ້ນ, ປັບປຸງການສົນທະນາທາງວິດີໂອ (Video Calling) ໃນກ໋ອງຈົດໝາຍ, ນອກຈາກນີ້ ຍັງສາມາດຈັດຮູບແບບໝວດໝູ່ໄດ້ງ່າຍຂຶ້ນ, ການຈັດການກ໋ອງຈົດໝາຍໃຊ້ງ່າຍຂຶ້ນ ແລະ ປັບປຸງອິນເຕີເຟຊສໍາລັບການໃຊ້ add-in ອີກດ້ວຍ.
ຜູ້ໃຊ້ລາຍເກົ່າບໍ່ຕ້ອງຕົກໃຈ ຖ້າໜ້າຕາຂອງ Outlook.com ຂອງຕົນຍັງເປັນແບບເກົ່າຢູ່ ຖ້າຢາກຈະທົດລອງໃຊ້ກໍສາມາດໄປປັບຕັ້ງຄ່າທີ່ Try the beta ສ່ວນຜູ້ໃຊ້ຈະໄດ້ໃຊ້ແບບເບຕ້າໂດຍອັດຕະໂນມັດ.
