ຊ່ຽວຊານຫວຽດນາມກວດພະຍາດ ແລະ ຜ່າຕັດຕາ ຢູ່ເຊກອງ

ໃນລະຫວ່າງວັນທີ 6-7 ມີນານີ້, ມູນນິທິຊ່ວຍເຫລືອ ດ້ານມະນຸດສະທຳ ແຂວງ ກວາງນາມ ສສ.ຫວຽດນາມ, ນຳ ໂດຍ ທ່ານ ຮວາງເຈົາ ສິນ ອາ ດີດຮອງເລຂາພັກແຂວງ ກວາງນາມ, ຮອງປະທານ ສະມາຄົມມິດຕະພາບຫວຽດ ນາມ-ລາວ ແຂວງ ກວາງນາມ ສສ ຫວຽດນາມ ພ້ອມດ້ວຍ ຊ່ຽວຊານດ້ານການຜ່າຕັດ ຕາ, ພະນັກງານແພດ ແລະ ຕາງໜ້ານັກທຸລະກິດຕ່າງໆ ຈາກ ສສ ຫວຽດນາມ, ໄດ້ ເຄື່ອນໄຫວກວດພະຍາດທົ່ວ ໄປ ແລະ ຜ່າຕັດຕາແບບບໍ່ ໄດ້ເສຍຄ່າຢູ່ໂຮງໝໍແຂວງ ເຊກອງ, ເຊິ່ງມີປະຊາຊົນໃນ 6 ບ້ານເທສະບານແຂວງ ເຂົ້າຮ່ວມ.

+ ໂຮງໝໍແຂວງສາລະວັນໄດ້ຮັບອຸປະກອນຜ່າຕັດຕາຈາກອົງການໃຈບຸນສາກົນ

+ ຜ່າຕັດປ່ຽນມືໃຫ້ເດັກຄັ້ງທຳອິດ ຂອງໂລກປະສົບຜົນສຳເລັດ

ໂຄງການກວດພະຍາດ ແລະ ຜ່າຕັດຕາຄັ້ງນີ້, ມີປະ ຊາຊົນມາກວດພະຍາດທັງ ໝົດ 449 ຄົນ, ຜ່າຕັດ-ລອກ ຕາ 31 ຄົນ, ພ້ອມທັງ ມີການ ແຈກຢາຍຢາ ແລະ ມອບຂອງ ຂວັນ(ອາຫານແຫ້ງ-ອາ ຫານ ສຳເລັດຮູບ) ໃຫ້ແກ່ ປະຊາຊົນ ທີ່ເຂົ້າມາກວດພະຍາດດັ່ງ ກ່າວ. ໃນໄລຍະຜ່ານມາ ໂຄງ ການຊ່ວຍເຫລືອດ້ານມະນຸດ ສະທໍາ ຢູ່ແຂວງ ເຊກອງໄດ້ ປະກອບສ່ວນ ແລະ ຊຸກຍູ້ ການພົວພັນມິດຕະພາບພິ ເສດ ແລະ ການຮ່ວມມືຮອບ ດ້ານລະຫວ່າງສອງແຂວງ ແຮກສ່ຽວ ແຂວງເຊກອງ- ກວາງນາມ ໃຫ້ມີການພັດ ທະນາເຂົ້າ ສູ່ລວງເລິກ ແລະ ປະຕິບັດ ວຽກງານ ໄດ້ຮັບຜົນ ສໍາເລັດສູງ.