ເພີ່ມຄວາມຈໍາມືຖື Android ໄດ້ງ່າຍ ໂດຍບໍ່ຕ້ອງລົງທຶນເພີ່ມ

[How To] ເພີ່ມຄວາມຈໍາມືຖື Android ໄດ້ງ່າຍ ໂດຍບໍ່ຕ້ອງລົງທຶນເພີ່ມ ກ່ຽວ Android ບັນຫາຂອງມືຖືທີ່ໃຊ້ລະບົບ Android ສະໄໝນີ້ທີ່ມັກຈະເກີດຂຶ້ນໂດຍບໍ່ໄດ້ຕັ້ງໃຈນັ້ນຄື ຊື້ມາແລ້ວ ເຮັດໃຫ້ພື້ນທີ່ຂອງເຄື່ອງມັນມັກຈະເຕັມໄວ ແລະ ເປັນບັນຫາໃຫຍ່ພໍສົມຄວນ  ແລະ ມື້ນີ້ Sanook! Hitech  ຈະມາບອກໃຫ້ຮູ້ ແລະ ລອງເຮັດ.

• ລົບໂປຣແກຣມເຄື່ອງອອກ

ແຕ່ກ່ອນມືຖື Android ມັກຈະບໍ່ສາມາດລົບໂປຣແກຣມທີ່ມາກັບເຄື່ອງໄດ້ ເຮັດໃຫ້ພື້ນທີ່ມີໜ້ອຍຢູ່ແລ້ວ ກໍໜ້ອຍລົງໄປອີກ ນັບແຕ່ Android 6.0 ຂຶ້ນມາ ເຮົາສາມາດລົບໂປຣແກຣມທີ່ມາກັບເຄື່ອງອອກໄປໄດ້ ຫຼື Disable ບໍ່ໃຫ້​ເຮັດ​ວຽກໄດ້ເຊັ່ນດຽວກັນ ໂດຍສາມາດເຂົ້າໄປຈັດການໄດ້ໃນ Setting (ຕັ້ງຄ່າ)> Apps (ແອັບ ຫຼື ແອັບພິເຄຊັ່ນ) ກໍໄດ້ເຊັ່ນກັນ.

• ໃຊ້ Google Drive ຫຼື Google Photo

ທຸກຄົນທີ່ໃຊ້ມືຖື Android ຈະມີຂໍ້ໄດ້ປຽບໃນເລື່ອງຂອງພື້ນທີ່ຈັດເກັບ ໂດຍສະເພາະຖ້າເຮົາຮູ້ຈັກກັບ 2 ໂປຣແກຣມເຊັ່ນ Google Drive ໂປຣແກຣມຈັດເກັບ File ລວມເຖິງຮູບພາບເທິງ Cloud ຈາກ Google ທີ່ເອີ້ນໄດ້ທຸກທີ່ທຸກເວລາ ສາມາດຍ້າຍໄປຈັດເກັບ ແລະ ເປີດເບິ່ງໄດ້.

ແຕ່ສໍາລັບຮູບພາບເຮົາສາມາດສໍາຮອງໄດ້ຜ່ານ Google Photo ໂດຍເລືອກສໍາຮອງຂໍ້ມູນແລ້ວບັນທຶກແບບຄຸນນະພາບສູງ ຈະໄດ້ເພີ່ມພື້ນທີ່ແບບບໍ່ຈໍາກັດ

• ສຽບຄອມພິວເຕີໂອນຂໍ້ມູນອອກໄປ

ແຕ່ສໍາລັບຄົນທີ່ຢູ່ໃນຍຸກ Low Tech ທັງຫຼາຍ ການເກັບໃນ Cloud Storage ທີ່ບອກໄປຂັ້ນຕົ້ນອາດຈະຍາກເກີນໄປ ດັ່ງນັ້ນ ອີກວິທີທີ່ແນະນໍາຄື ການສຽບ USB ກັບຄອມພິວເຕີແລ້ວເກັບໃນ Hard Disk ຂອງເຄື່ອງເກັບເປັນອີກທາງເລືອກທີ່ໜ້າສົນໃຈ ແຕ່ວ່າເມື່ອສຽບແລ້ວ ມືຖືຈະເຂົ້າສູ່ໂໝດສາກໄຟ ດັ່ງນັ້ນ ຄວນປ່ຽນຈາກໂໝດສາກໄຟເປັນໂອນຖ່າຍຂໍ້ມູນກ່ອນຈະດີກວ່າ.

• ລົບ SMS ເກົ່າ ຫຼື ໂຄສະນາອອກ

ຂໍ້ຄວາມທີ່ຢູ່ພາຍໃນເຄື່ອງອາດຈະເປັນຂີ້ເຫຍື້ອທີ່ເຮັດໃຫ້ພື້ນທີ່ຂອງເຄື່ອງນັ້ນ ໃຊ້ຫຼາຍເກີນໄປ ດັ່ງນັ້ນ ການລົບອອກໂດຍກົດເຂົ້າໄປທີ່ກ່ອງຂໍ້ຄວາມ ກໍສາມາດເຮັດໃຫ້ພື້ນທີ່ຂອງເຄື່ອງກັບມາໄດ້ ໂດຍສະເພາະ MMS ຈະກິນມາເປັນພິເສດ.

• ໃຊ້ໂປຣແກຮມທໍາຄວາມສະອາດທີ່ມາເຄື່ອງ

ສໍາລັບມືຖືເຊັ່ນ Samsung ຫຼື Huawei ຈະມີໂປຣແກຣມທໍາຄວາມສະອາດທີ່ຈະຊ່ວຍຫຼຸດ File Temp ທີ່ບໍ່ໄດ້ໃຊ້, ຂີ້ເຫຍື້ອຈາກການລົບຮູບ, Cache ຈາກການເຂົ້າເວັບໄຊຕ໌​ໄດ້ ແຕ່ຖ້າເປັນມືຖື Pure Android ທັງຫຼາຍທີ່ບໍ່ມີຫຍັງຄອບ ກໍສາມາດຈັດການໄດ້ແຕ່ຕ້ອງເຂົ້າໄປທີ່ Setting (ຕັ້ງຄ່າ)> Storage (ທີ່ຈັດເກັບ) > Cache ກົດແລ້ວຈະສາມາດລ້າງຂໍ້ມູນໃຫ້ອອກໄປໄດ້ແບບງ່າຍໆ.

ເຖິງວ່າຈັດການຂໍ້ມູນໄດ້ແບບນີ້ ເພີ່ມພື້ນທີ່ໄດ້ລະດັບໜຶ່ງ ແຕ່ຖ້າເບິ່ງເຖິງໄລຍະຍາວ ການຊື້ກຣາດຄວາມຈໍາເປັນອີກທາງເລືອກໜຶ່ງທີ່ຫຼາຍໆຄົນເລືອກ ເພາະນອກຈາກໄດ້ຄວາມຈໍາເພີ່ມ ຍັງເປັນການສໍາຮອງຂໍ້ມູນຫາກເຄື່ອງເກີດຫຍັງຂຶ້ນ.