ດາກຈຶງ ທຳລາຍອາວຸດຕ້ອງຫ້າມ ແລະ ສິນຄ້າເຊື່ອມຄຸນນະພາບ
February 28, 2018 - 6:48 PM
ພິທີທໍາລາຍອາວຸດຕ້ອງຫ້າມ ແລະ ສິນຄ້າໝົດອາຍຸ-ເຊື່ອມຄຸນນະພາບໄດ້ຈັດຂຶ້ນໃນຕອນແລງວັນທີ 27 ກຸມພານີ້ ຢູ່ທີສະໜາມຖິ້ມຂີ້ເຫຍື່ອຂອງເມືອງດາກຈຶງ ແຂວງເຊກອງ ເຊິ່ງສິນຄ້າທີ່ນໍາມາທໍາລາຍຖິ້ມໃນຄັ້ງນີ້ແມ່ນກວດເຫັນຢູ່ບັນດາຫ້າງຮ້ານຂາຍເຄື່ອງຍ່ອຍຕ່າງໆພາຍໃນເມືອງດັ່ງກ່າວ ມີ 13 ລາຍການເຊັ່ນ: ປະເພດອາວວຸດລ່າເນຶ້ອ, ສິນຄ້າໝົດອາຍຸ ແລະ ເຊືອມຄຸນນະພາບມີຄື: ເຂົ້າໜົມ; ເປບຊີ, ນົມສົ້ມ, ມີລິນດາ, ນົມຄານາຊັນ, ແຜນພັນຢໍ່, ຂະຫນົມ, ໝີ່ໄວໆ, ຂະນໍ, ຄີມບໍາລຸງຜົມ ແລະ ເຄື່ອງບໍລິໂພກອື່ນໆອີກ. ພ້ອມນັ້ນ ຍັງໄດ້ຍຶດທຳລາຍເຄື່ອງຫຼິ້ນເດັກນ້ອຍຈຳນວນ 20 ຊຸດ ທີ່ບໍ່ເໝາະສົມ ແລະ ເປັນໄພອັນຕະລາຍ.
