ບຣູໄນເປັນເຈົ້າພາບກອງປະຊຸມດ້ານສຸຂະພາບອາຊຽນ
April 19, 2017 - 6:19 PM
ບຣູໄນ 19 ເມສາ: ບຣູໄນເປັນເຈົ້າພາບຈັດກອງປະຊຸມວ່າດ້ວຍການພັດທະນາດ້ານສຸຂະພາບຂອງປະເທດໃນອາຊຽນ.
ທ່ານ ຮາຈາ ມັດລິນາ ບິນຕິ ຮັດຈິ ໂມຊິນ ລັດຖະມົນຕີຊ່ວຍສາທາລະນະສຸກບຣູໄນ ກ່າວວ່າ: ອາຊຽນຈຳເປັນຕ້ອງເດີນໜ້າຮ່ວມມືກັນຜະເຊີນກັບບັນຫາທ້າທາຍດ້ານສຸຂະພາບໃນພາກພື້ນຕໍ່ໄປ ໂດຍສະເພາະການຮັບມືກັບພະຍາດບໍ່ຕິດຕໍ່ທີ່ເກີດຈາກພຶດຕິກຳການດຳລົງຊີວິດ ເຊິ່ງເປັນສາເຫດການຕາຍ ແລະ ເຈັບເປັນຂອງຄົນຈຳນວນຫລາຍ. ນອກຈາກນີ້ຍັງມີພະຍາດເກີດໃໝ່ ທີ່ເຊື້ອພະຍາດມີອາການດື້ຢາຫລາຍຂຶ້ນ ເຊິ່ງປະເທດໃນອາຊຽນຍັງຂາດປະສົບການໃນການຮັບມື. ກອງປະຊຸມຈັດຂຶ້ນເປັນເວລາ 3 ວັນ ມີເຈົ້າໜ້າທີ່ຈາກປະເທດສະມາຊິກອາຊຽນ ລວມທັງຈີນ, ຍີ່ປຸ່ນ ແລະ ສ.ເກົາຫລີ ເຂົ້າຮ່ວມກວ່າ 100 ຄົນ.
