10 ຂໍ້ຫ້າມສໍາລັບພະນັກງານ-ລັດຖະກອນຂະແໜງການເງິນ
ເພື່ອຍົກສູງຄວາມຮັບຜິດຊອບຕໍ່ໜ້າທີ່ການເມືອງ, ຄວາມເປັນແບບຢ່າງຂອງພະນັກງານ-ລັດຖະກອນ, ສະກັດກັ້ນຕ້ານພະຍາດອາດຍາສິດ ແລະ ປະກົດການຫຍໍ້ທໍ້ຕ່າງໆທີ່ເກີດຂື້ນທົ່ວຂະແໜງການເງິນ, ທັງເປັນການເພີ່ມທະວີການຄຸ້ມຄອງ, ປ້ອງກັນພະນັກງານ-ລັດຖະກອນ ໃຫ້ມີລະບຽບວິໄນເຂັ້ມງວດ, ຮັກສາໄດ້ຈັນຍາບັນ-ຈັນຍາທຳ ແລະ ນ້ຳໃຈຮັບໃຊ້ຊາດຮັບໃຊ້ປະຊາຊົນ, ຍົກສູງບົດບາດ ແລະ ຄວາມສາມາດຂອງພະນັກງານ-ລັດຖະກອນ ຂະແໜງການເງິນ ແລະ ຮັບປະກັນໃຫ້ພະນັກງານລັດຖະກອນ, ການຈັດຕັ້ງຂັ້ນຕ່າງໆຂອງຂະແໜງການເງິນມີຄວາມໂປ່ງໃສ, ເຂັ້ມແຂງ, ໜັກແໜ້ນ, ເຂັ້ມງວດໃນການປະຕິບັດກົດໝາຍ ແລະ ລະບຽບການທີ່ກ່ຽວຂ້ອງຕ່າງໆ. ດັ່ງນັ້ນລັດຖະມົນຕີກະຊວງດັ່ງກ່າວຈຶ່ງໄດ້ອອກຂໍ້ຫ້າມຕ່າງໆຄື: (1) ຫ້າມສ້າງ ແລະ ລາຍງານຂໍ້ມູນທີ່ບໍ່ຖືກຕ້ອງ ແລະ ບໍ່ມີມູນຄວາມຈິງ, ສ້າງກຸ່ມກ້ອນ, ປັ່ນປ່ວນແບ່ງແຍກຄວາມສາມັກຄີພາຍໃນກໍໃຫ້ເກີດຄວາມເສຍຫາຍຕໍ່ການຈັດຕັ້ງ ຫລື ບຸກຄົນອື່ນ. (2)ຫ້າມສົມຮູ້ຮ່ວມຄິດດ ເຊຶ່ອງອຳການກະທຳຜິດຂອງຜູ້ລະເມີດກົດໝາຍ ແລະ ລະບຽບການກ່ຽວກັບພາສີ, ສ່ວຍສາອາກອນ, ຊັບສິນຂອງລັດ, ທີ່ດິນ, ງົບປະມານຂອງລັດ ແລະ ກົດໝາຍລະບຽບການອື່ນ ຂອງຂະແໜງການເງິນ. (3)ຫ້າມສ້າງຄວາມຫຍຸ້ງຍາກ, ຖ່ວງດຶງ, ແກ່ຍາວເວລາໃນການຄົ້ນຄວ້າແກ້ໄຂເອກະສານຕ່າງໆເພື່ອທວງເອົາ, ຂໍເອົາສ່ວນແບ່ງ ໂດຍທາງກົງ ຫລື ທາງອ້ອມ, ເພື່ອຫາຜົນປະໂຫຍດສ່ວນຕົວ, ຄອບຄົວ, ຍາດພີ່ນ້ອງ, ຈຸ້ມເຈື້ອ, ພັກພວກ ຫລື ໝູ່ຄະນະ.
(4) ຫ້າມເປັນນາຍໜ້າ, ເປັນທີ່ປຶກສາບັນຊີ, ຫົວໜ້າບັນຊີ ໃຫ້ແກ່ການເຄື່ອນໄຫວທຸລະກິດ, ການດຳເນີນຄະດີ, ສ້າງຄວາມເຄື່ອນໄຫວອຳນວຍຄວາມສະດວກໃຫ້ແກ່ບຸກຄົນ, ນິຕິບຸກຄົນເພື່ອເຄຶ່ໄຫວຄ້າຂາຍເຖຶ່ອນ, ຫລົບຫລີກເຊຶ່ອງອຳຄ່າພາສີ-ອາກອນ-ອາກອນ, ຊັບສິນຂອງລັດ ແລະ ອື່ນໆທີ່ຜິດກົດໝາຍ ແລະ ລະບຽບການ. (5) ຫ້າມປອມແປງເອກະສານ, ຖານຂໍ້ມູນ, ໃບຮັບ (ເກັບ) ເງິນອາກອນ, ພາສີ, ຊັບສິນ, ຄັງເງິນ ແລະ ອື່ນໆ, ນຳໃຊ້ເອກະສານປອມແປງເພື່ອຫາຜົນປະໂຫຍດສ່ວນຕົວ, ຄອບຄົວ, ຍາດພີ່ນ້ອງ, ຈຸ້ມເຈື້ອ ຫລື ໝູ່ຄະນະ. (6) ຫ້າມປົກປິດ ສົມຮູ້ຮ່ວມຄິດ ເຊຶ່ອງອຳຂໍ້ມູນ, ຫລັກຖານ ຫລື ບົດລາຍງານການເງິນ, ດ້ານຈຳນວນ, ປະເພດ, ຊະນິດ, ບໍລິມາດ, ຈັດເລກລະຫັດ, ແຫຼ່ງກຳເນີດ, ມູນຄ່າແຈ້ງສິນຄ້າເຄຶ່ອງຂອງ, ເກັບລາຍຮັບແລ້ວບໍ່ມອບ, ມອບບໍ່ຄົບຖ້ວນ ຫລື ມອບບໍ່ທັນກຳນົດເວລາເພື່ອອຳນວຍໃຫ້ນັກທຸລະກິດແບ່ງຜົນປະໂຫຍດສ່ວນຕົວ, ບຸກຄົນ ຫລື ນິຕິບຸດຄົນ, , ຄອບຄົວ, ຍາດພີ່ນ້ອງ, ຈຸ້ມເຈື້ອ, ພັກພວກ ຫລືໝູ່ຄະນະ. (7) ຫ້າມໃຫ້ສິນບົນຜູ້ອື່ນ, ຮັບສິນບົນ, ທວງເອົາ, ຂໍເອົາສ່ວນແບ່ງ (ເປີເຊັນ) ເປັນວັດຖຸ, ເງິນຄຳຕ່າງທໃນທຸກຮູບແບບຈາກນັກທຸລະກິດ ແລະ ຜູ້ປະກອບການອື່ນໆ, ເພື່ອຜົນປະໂຫຍດສ່ວນຕົວ, , ຄອບຄົວ, ຍາດພີ່ນ້ອງ, ຈຸ້ມເຈື້ອ, ພັກພວກ ຫລືໝູ່ຄະນະ. (8) ຫ້າມຍັກຍອກ, ສໍ້ໂກງເອົາຊັບສິນ, ເງິນຄຳຂອງລັດ, ລວມໝູ່, ຂອງປະຊາຊົນ ແລະ ນຳໃຊ້ງົບປະມານຊັບ, ສິນຂອງລັດ ລວມໝູ່ ຫລື ປຸກລະດົມການອຸປະຖຳໃນຮູບແບບຕ່າງໆ ເພື່ອເອົາໄປເຮັດຂອງຂວັນຂອງຕ້ອນເພື່ອຮັບໃຊ້ຜົນປະໂຫບດສ່ວນຕົວ, , ຄອບຄົວ, ຍາດພີ່ນ້ອງ, ຈຸ້ມເຈື້ອ, ພັກພວກ ຫລືໝູ່ຄະນະ. (9) ຫ້າມສວຍໃຊ້ໜ້າທີ່ໃນການຕົກລົງ, ປອມແປງມາດຖານເຕັກນິກ, ບໍລິມາດ, ລາຄາຫົວໜ່ວຍ, ການປະມູນ, ການຈັດຊື້-ຈັດຈ້າງ, ສັນຍາສໍາປະທານ, ສັນຍາຮ່ວມທຶນ, ສັນຍາປ່ອຍກູ້, ໜັງສືຄ້ຳປະກັນ, ສັນຍາເຊົ່າກິດຈະການ, ຊັບສິນ, ລົງລາຍເຊັນຢັ້ງຢືນເອກະສານທີ່ບໍ່ມີຕົວຕົນ ແລະ ເອກະສານທາງລັດຖະການອື່ນໆ ທີ່ບໍ່ຖືກຕ້ອງຕາມກົດໝາຍ, ລະບຽບການ ເພື່ອຜົນປະໂຫຍດສ່ວນຕົວ, ຄອບຄົວ, ຍາດພີ່ນ້ອງ, ຈຸ້ມເຈື້ອ, ພັກພວກ ຫຼື ໝູ່ຄະນະ. (10)ຫ້າມປະຕິເສດຕໍ່ຂໍ້ຕົກລົງກ່ຽວກັບການມອບໝາຍໜ້າທີ່, ສັບຊ້ອນວຽກງານ, ຫ້າມເລືອກວຽກ.
ນອກຈາກບັນດາຂໍ້ຫ້າມທີ່ໄດ້ລະບຸໄວ້ຂ້າງເທິງນີ້ ຕ້ອງໄດ້ປະຕິບັດຕາມຂໍ້ຫ້າມທີ່ກໍານົດໄວ້ໃນກົດໝາຍ ແລະ ລະບຽບການອື່ນໆ.
ມາດຕາ 4 ນະໂຍບາຍຍ້ອງຍໍພະນັກງານ-ລັດຖະກອນ ຂອງຂະແໜງການເງິນ ທີ່ໄດ້ເປັນແບບຢ່າງໃນການຈັດຕັ້ງປະຕິບັດ ຂໍ້ຕົກລົງສະບັບນີ້ ຈະໄດ້ຮັບການຍ້ອງຍໍສັນລະເສີນຕາມນະໂຍບາຍລວມທີ່ພັກ-ລັດ ໄດ້ວາງອອກ.
ມາດຕາ 5 ມາດຕະການຕໍ່ຜູ້ລະເມີດພະນັກງານ-ລັດຖະກອນ ຂອງຂະແໜງການເງິນ ຫາກມີພຶດຕິກໍາຂັດ ຫຼື ລະເມີດຂໍ້ຕົກລົງສະບັບນີ້ ຈະຖືກສຶກສາອົບຮັມ, ສໍາຫຼວດກວດກາ ຫຼື ປະຕິບັດວິໄນ ຫຼື ລົງໂທດຕາມກົດໝາຍ ແລະ ລະບຽບການຕາມແຕ່ລະກໍລະນີ ເບົາ ຫຼື ໜັກ.
ມາດຕາ 6 ມາດຕະການສຶກສາອົບຮົມຜ່ານການດໍາເນີນການກວດກາ ຫາກພົບເຫັນການກະທໍາຜິດສະຖານເບົາ ແລະເປັນຄັ້ງທໍາອິດ ທີ່ບໍ່ສ້າງຄວາມເສຍຫາຍຫຼວງຫຼາຍ ຫຼື ສ້າງຄວາມເສຍຫາຍທີ່ມີມູນຄ່າເປັນເງິນບໍ່ເກີນ 5.000.000 ກີບ ແຕ່ຜູ້ກະທໍາຜິດຈິງໃຈລາຍງານຮັບສາລະພາບ ການກະທໍາຜິດຂອງຕົນ ແລະ ສົ່ງເງິນຄືນຄົບຖ້ວນຕາມຈໍານວນ ແລະ ທັນຕາມເວລາກໍານົດ ຈະໄດ້ຮັບການສຶກສາອົບຮົມ ຫຼື ສໍາຫຼວດກວດກາ.
ມາດຕາ 7 ມາດຕະການລົງວິໄນພະນັກງານ-ລັດຖະກອນ ທີ່ລະເມີດຂໍ້ຫ້າມ ຕາມທີ່ກໍານົດໄວ້ໃນຂໍ້ຕົກລົງສະບັບນີ້ ທີ່ບໍ່ເປັນການກະທໍາຜິດທາງອາຍາ ຫຼື ມີການກະທໍາຜິດ ທີ່ມີມູນຄ່າເປັນເງິນບໍ່ເກີນ 5.000.000 ກີບ ແຕ່ບໍ່ຈິງໃຈລາຍງານ ບໍ່ຮັບສາລະພາບ ຈະຖືກລົງວິໄນ ຕາມກົດໝາຍ ແລະ ລະບຽບການອື່ນທີ່ກ່ຽວຂ້ອງ.
ມາດຕາ 8 ມາດຕະການທາງອາຍາ ແລະ ທາງແພ່ງມາດຕະການທາງອາຍາ: ພະນັກງານ-ລັດຖະກອນຜູ້ໃດ ໄດ້ລະເມີດຂໍ້ຫ້າມທີ່ໄດ້ກໍານົດໄວ້ໃນຂໍ້ຕົກລົງສະບັບນີ້, ເປັນການກະທໍາຜິດສະຖານໜັກ ພາຍຫຼັງໄດ້ດໍາເນີນການກວດກາ, ສືບສວນ-ສອບສວນ ເຫັນວ່າມີຂໍ້ມູນ, ຫຼັກຖານໜັກແໜ້ນ, ຮັດກຸມແລ້ວ ຕ້ອງຖືກດໍາເນີນຄະດີຕາມຂັ້ນຕອນຂອງກົດໝາຍ ແລະ ລະບຽບການ.
ມາດຕະການທາງແພ່ງ: ພະນັກງານ-ລັດຖະກອນຜູ້ໃດ ໄດ້ລະເມີດຂໍ້ຫ້າມທີ່ໄດ້ກໍານົດໄວ້ໃນຂໍ້ຕົກລົງສະບັບນີ້, ນອກຈາກຈະໄດ້ຮັບໂທດທາງອາຍາແລ້ວ ຍັງຈະຕ້ອງໄດ້ໃຊ້ແທນຄ່າເສຍຫາຍທີ່ຕົນໄດ້ກໍ່ຂຶ້ນຢ່າງຄົບຖ້ວນ, ທັນຕາມກໍານົດເວລາ ແລະ ຊັບສິນທີ່ໄດ້ຮັບມາຈາກການກະທໍາຜິດຈະຖືກຮິບເປັນຂອງລັດທັງໝົດຕາມທີ່ກົດໝາຍກໍານົດໄວ້.
ມາດຕາ 9 ມາດຕະການຈັດຕັ້ງປະຕິບັດຄະນະພັກ, ຄະນະນໍາແຕ່ລະຂັ້ນ ຂອງຂະແໜງການເງິນ ແຕ່ສູນກາງຮອດທ້ອງຖິ່ນ (ແຂວງ ແລະ ເມືອງ) ຕ້ອງເປັນເຈົ້າການຄົ້ນຄ້ວາ, ເຊື່ອມຊຶມ, ກໍາແໜ້ນ ແລະ ນໍາໄປຈັດຕັ້ງເຜີຍແຜ່ ຂໍ້ຕົກລງສະບັບນີ້ ໃຫ້ສະມາຊິກພັກ, ພະນັກງານ-ລັດຖະກອນ ໃນຂອບເຂດຄວາມຮັບຜິດຊອບຂອງຕົນຢ່າງທົ່ວເຖິງ ພ້ອມທັງຊີ້ນໍາ-ນໍາພາການຈັດຕັ້ງປະຕິບັດ ໂດຍຕິດພັນກັບການດໍາເນີນຊີວິດການເມືອງ ປະຈໍາເດືອນ ຂອງພັກ ແລະ ຂອງລັດ.
ພະນັກງານ-ລັດຖະກອນ ຂະແໜງການເງິນທຸກຄົນຕ້ອງເຄົາລົບ ແລະ ຈັດຕັ້ງປະຕິບັັດຂໍ້ຕົກລົງສະບັບນີ້ຢ່າງເຂັ້ມງວດ. ພາຍຫຼັງຄົ້ນຄວ້າເຊື່ອມຊຶມແລ້ວ ຕ້ອງໄດ້ເຊັນບົດບັນທຶກຮັບຮູ້ ແລະ ຮ່ວມມືໃນການຈັດຕັ້ງປະຕິບັດ.
ພະນັກງານ-ລັດຖະກອນ ຂະແໜງການເງິນທຸກຄົນ ທະຫານ, ຕໍາຫຼວດ, ຜູ້ປະກອບການ ແລະ ປະຊາຊົນ ມີໜ້າທີ່ຕິດຕາມ, ກວດກາ ການຈັດຕັ້ງປະຕິບັດຂໍ້ຕົກລົງສະບັບນີ້.
ມອບໃຫ້ກົມກວດກາ, ຄະນະກວດກາພັກ-ລັດ ແຕ່ລະຂັ້ນຕິດຕາມ, ກວດກາ ແລະ ດໍາເນີນທຸກມາດຕະການ ເພື່ອຊຸກຍູ້ ແລະ ແກ້ໄຂຜົນການກວດກາຈັດດຕັ້ງປະຕິບັດ ບັນດາຂໍ້ຕົກລົງສະບັບນີ້ຕາມໜ້າທີ່, ຂອບເຂດສິດ ຂອງຕົນຢ່າງເຂັ້ມງວດ.
ມາດຕາ 10 ຂໍ້ຕົກລົງສະບັບນີ້ ມີຜົນບັງຄັບໃຊ້ ນັບແຕ່ມື້ລົງລາຍເຊັນເປັນຕົ້ນໄປຈົນກວ່າຈະມີການປ່ຽນແປງ.
ຮອງນາຍົກລັດຖະມົນຕີລັດຖະມົນຕີກະຊວງການເງິນ
ສົມດີ ດວງດີ
