ວິທີຫລຸດອາການຜົມຫລົ່ນດ້ວຍເຫລົ້າ

     ຜົມຫລົ່ນເກີດຈາກຫລາຍສາເຫດ ເຊັ່ນ : ຄວາມເຄັ່ງຄຽດ, ພັກຜ່ອນບໍ່ພຽງພໍ, ກຳມະພັນ ຫລື ການປ່ຽນແປງຂອງຮໍໂມນ. ສຳ ລັບຄົນທີ່ຜົມຫລົ່ນບໍ່ຫລາຍ ອາດລອງໃຊ້ສູດໝັກຜົມແບບອໍແກນິກໃນການແກ້ໄຂບັນຫາໄດ້.

ສູດນີ້ໃຊ້ເຫລົ້າເປັນສ່ວນປະກອບ ເພາະຈະຊ່ວຍກະຕຸ້ນການໄຫລວຽນເລືອດບໍລິເວນຮາກຜົມ, ແຕ່ເຫລົ້າມີອານກໍຮໍເຮັດໃຫ້ຜົມ ແຫ້ງ ຈຶ່ງຕ້ອງຕື່ມຄວາມຊຸ່ມຊື່ນໂດຍໄຂ່ ແລະ ນ້ຳມັນໝາກກອກ, ສາມາດໃຊ້ເຫລົ້າຊະນິດໃດກໍໄດ້, ແຕ່ເຫລົ້າທີ່ຄຸນນະພາບຕໍ່າເກີນໄປຈະສົ້ມ ແລະ ເຮັດໃຫ້ໄຂ່ຂຸ້ນແຂງ ຈຶ່ງຄວນໃຊ້ເຫລົ້າທີ່ຄຸນນະພາບດີຈັກໜ້ອຍ ແຕ່ອາດຈະເລືອກແກ້ວນ້ອຍໆທີ່ລາຄາບໍ່ແພງຈົນເກີນໄປ.

– ສ່ວນປະສົມໄດ້ແກ່ : ໄຂ່ແດງ 2 ໜ່ວຍ, ນ້ຳມັນໝາກກອກ 1 ບ່ວງແກງ, ນ້ຳເຜິ້ງ ແລະ ເຫລົ້າ ຢ່າງລະ 2 ບ່ວງແກງ.

– ວິທີເຮັດ : ໃຫ້ຄົນສ່ວນປະສົມທັງໝົດເຂົ້າກັນແລ້ວເອົາມາລູບໃສ່ໃຫ້ທົ່ວເສັ້ນຜົມທີ່ປຽກ, ຫຸ້ມໂດຍຜ້າຂົນໜູແຫ້ງ ແລະ ໃຊ້ຖົງຢາງປລາສະຕິກຫຸ້ມອີກຊັ້ນໜຶ່ງ ເພື່ອເກັບຄວາມຮ້ອນເທິງໜັງຫົວ ໝັກປະໄວ້ 30 ນາທີຂຶ້ນໄປ, ແຕ່ບໍ່ຄວນປະໄວ້ເກີນ 2 ຊົ່ວໂມງ. ຈາກນັ້ນລ້າງອອກດ້ວຍນ້ຳສະອາດ ແລະ ປ່ອຍໃຫ້ແຫ້ງໂດຍບໍ່ຕ້ອງໃຊ້ໄດເປົ່າຜົມ. ເຮັດແບບນີ້ອາທິດລະເທື່ອຈະຊ່ວຍເລັ່ງໃຫ້ເສັ້ນຜົມປົ່ງໄວຂຶ້ນ ແລະ ຫລຸດການຫລົ່ນຂອງເສັ້ນຜົມລົງໄດ້ແນ່ນອນ.