ໃນງານກິນລ້ຽງສັງສັນກໍຕ້ອງເຊື່ອມຄວາມສຳພັນ
February 21, 2018 - 11:34 AM
- ສ້າງ Connection : ວິທີສ້າງ Connection ຫລື ສຳພັນທະພາບແບບພື້ນຖານ ຫລັງຈາກເຂົ້າໄປໃນງານກິນລ້ຽງລອງ ໃຫ້ໝູ່ຂອງທ່ານແນະນຳຄົນທີ່ເຂົາຮູ້ຈັກໃນງານໃຫ້ທ່ານກ່ອນ ເປັນການສ້າງຄວາມສຳພັນແບບເປັນຕ່ອງໂສ້ ເພື່ອວ່າຫາກເຖິງຕອນທີ່ໝູ່ຂອງທ່ານງວາກໄປທັກທາຍກັບກຸ່ມໝູ່ອື່ນໆ ທ່ານຈຶ່ງຈະບໍ່ຕ້ອງຢືນຢູ່ຄົນດຽວ, ແຕ່ກໍຄວນຈະໃຫ້ໝູ່ແນະນຳຄົນທີ່ຈະເຂົ້າກັບທ່ານໄດ້ໃຫ້.
- ຊອກຫາຄົນຖືກໃຈ : ແຜນສຳຮອງຕໍ່ໄປ ຫາກທ່ານຄິດວ່າຄົນທີ່ໝູ່ແນະນຳໃຫ້ຍັງບໍ່ຖືກໃຈ ລອງຊອກ ຫລື ແນມຫາໃຜກໍໄດ້ທີ່ທ່ານເຫັນວ່າເຂົາສົ່ງສັນຍານສະແດງຄວາມເປັນມິດ ແລະ ເຂົ້າໄປລົມກັບເຂົາຜູ້ນັ້ນ ໂດຍເລືອກປະເດັນທີ່ຈະສົນທະນາແບບມີມິດຕະພາບ, ແຕ່ມີຊັ້ນເຊີງ ເຊັ່ນ : ເວົ້າເຖິງເສື້ອໂຕງາມຂອງເຂົາ ຫລື ຊຸດງາມໆຂອງນາງ ເປັນຕົ້ນ ເພາະບາງເທື່ອພວກທ່ານອາດຈະເຂົ້າກັນໄດ້ດີໃນອະນາຄົດກໍເປັນໄດ້.
- ຊອກຫາແນວຮ່ວມ : ທ່ານອາດຈະຮູ້ສຶກວ່າກຳລັງຕົກຢູ່ໃນສະຖານະການທີ່ລຳບາກ ລອງໃຊ້ວິທີນີ້ ຫາຜູ້ຮ່ວມຊະຕາດຽວກັນກັບທ່ານ ທ່ານສາມາດຈົ່ມ ຫລື ເວົ້າຫຍັງໜ້ອຍໜຶ່ງ ເຊັ່ນ : ເລື່ອງການຢືນເທິງສົ້ນເກີບສູງໆຈົນອິດເມື່ອຍ ເຊິ່ງບັນດາແມ່ຍິງທີ່ຢືນຢູ່ທາງຂ້າງທ່ານອາດຈະເຫັນດີນຳກໍເປັນໄດ້.
- ຊອກຫາຄົນຈິງໃຈ : ຄົນອີກກຸ່ມໜຶ່ງທີ່ທ່ານຄວນຈະເຂົ້າໄປຕີສະໜິດ ໜ້າຈະເປັນໝູ່ທີ່ໜ້າຕາບໍ່ເປັນພິດເປັນໄພ, ຊື່ໆ, ໃສໆ ລອງເຂົ້າໄປລົມ ຍິ້ມຫວານໆຊວນກັນລົມໄປ ອາດຈະຖາມວ່າຮູ້ຈັກໃຜໃນງານກິນລ້ຽງນີ້ຫລືບໍ່ ? ບາງເທື່ອທ່ານອາດຈະໄດ້ໝູ່ໃໝ່ອີກຄົນເປັນໄດ້.
- ຕໍ່ແຖວເພື່ອເຂົ້າຫ້ອງນຳ້ : ແນມໄປແນມມາອາດຈະຍັງບໍ່ພົບໃຜ ເພາະຄົນຫລາຍຄຶກຄື້ນວຸ້ນວາຍໄປໝົດ ລອງຍ່າງໄປຫ້ອງນຳ້ ເພາະໃຜໆກໍຕ້ອງໄປຫ້ອງນຳ້ໄປຕໍ່ແຖວກັນ ລອງສົ່ງສາຍຕາໄປທັກທາຍ ພ້ອມທັງຊວນລົມໄປນຳ ພຽງເທົ່ານີ້ກໍເພີ່ມໝູ່ໃຫ້ທ່ານໄດ້ແລ້ວ.
