ວຽງຈັນ ເອົາຊະນະ ພີວີ 1-0 ບານເຕະຮຸ່ນເຍົາວະຊົນ
ການແຂ່ງຂັນບານເຕະເຍົາວະຊົນ ຮຸ່ນອາຍຸບໍ່ເກີນ 13 ປີ ອາທິດທີ 3 ຈັດຂຶ້ນລະຫວ່າງວັນທີ 17-18 ກຸມພາ ທີ່ສະໜາມກິລາບານເຕະຫຍ້າທຽມສັບພະວິຊາ. ຂະນະທີ່ສະໂມສອນ ວຽງຈັນ ລົງສະໜາມສາມາດເອົາຊະນະ ພີວິ 1-0 ປະຕູ.
ການລົງສະໜາມແຂ່ງຂັນຄັ້ງນີ້ໄດ້ສົ່ງຜົນໃຫ້ສະໂມສອນວຽງຈັນສາມາດເກັບ 3 ຄະແນນເພີ່ມ ຈາກການລົງສະໜາມ 3 ຄັ້ງ ມີ 9 ຄະແນນເຕັມ ເປັນທີມນຳກຸ່ມຕໍ່ໄປ ເຊິ່ງຍັງຈະລົງສະໜາມອີກ 2 ຄັ້ງ ໂດຍຈະພົບກັບ ທີມເຄດີດີ ເອັຟຊີ ໃນວັນທີ 24 ກຸມພາ 2018 ເວລາ 8:30 ໂມງ ແລະ ລົງສະໜາມຄັ້ງສຸດທ້າຍພົບກັບ ທີມບຸນເກີດ ເອັຟຊີ ໃນວັນທີ 3 ມີນາ 2018 ເວລາ 8:30 ໂມງ.
ສ່ວນຕາຕະລາງຄະແນນປະຈໍາອາທິດນີ້ ອັນດັບທີ 1 ສະໂມສອນ ວຽງຈັນ ເອັຟຊີ ລົງສະໜາມ 3 ນັດ ຊະນະ 3 ນັດ ລວດ ລວມມີ 9 ຄະແນນ, ອັນດັບທີ 2 ສະໂມສອນ ເຄດີດີ ລົງສະໜາມ 3 ນັດ ຊະນະ 2 ນັດ ສະເໝີ 1 ນັດ ລວມມີ 7 ຄະແນນ, ສະໂມສອນ ພີວີ ເອັຟຊີ ລົງສະໜາມ 3 ນັດ ຊະນະ 1 ນັດ, ສະເໝີ 1 ນັດ ແລະ ເສຍ 1 ນັດ ລວມມີ 4 ຄະແນນ, ອັນດັບທີ 4 ສະໂມສອນ ບຸນເກີດສຶກສາ ລົງສະໜາມ 3 ນັດ ຊະນະ 1 ນັດ ເສຍ 2 ນັດ ລວມມີ 3 ຄະແນນ, ອັນດັບທີ 5 ສະໂມສອນ ສຸລິຍັນ ລົງສະໜາມ 3 ນັດ ຊະນະ 1 ນັດ ແລະ ເສຍ 2 ນັດ ລວມມີ 3 ຄະແນນ ແລະ ອັນດັບທີ 6 ສະໂມສອນ ໝາກຂາມປ້ອມ ລົງສະໜາມ 3 ນັດ ເສຍ 3 ນັດຊ້ອນ ບໍ່ມີຈັກຄະແນນ.
