ເປີດຂຶ້ນແລ້ວບຸນຊ້າງແຂວງໄຊຍະບູລີ
ແຂວງໄຊຍະບູລີ ເຄີຍຂຶ້ນ ຊື່ລືຊາວ່າເປັນແຂວງທີ່ມີຊ້າງ ອາໄສຢູ່ຫລາຍທີ່ສຸດໃນປະເທດ ລາວ ແລະ ຄວາມຈິງກໍແມ່ນ ແນວນັ້ນແທ້ ແລະ ຊາວເມືອງ ແຫ່ງນີ້ ກໍເຄີຍໄດ້ອາໄສ ແລະ ຕິດ ພັນກັບສັດ ສະຫລາດຄຳຮູ້ດັ່ງ ກ່າວມາແຕ່ດົນນານແລ້ວ ແລະ ທຸກໆ ປີເພື່ອຈາລຶກ ບຸນຄຸນ ຂອງຊ້າງເພິ່ນຈິ່ງໄດ້ຈັດງານ ມະຫາກຳບຸນຊ້າງ ຂຶ້ນພ້ອມ ເປັນການສົ່ງເສີມການອະນຸລັກ ຮັກສາຊ້າງທີ່ເປັນສັດຄູ່ບ້ານຄູ່ ເມືອງຂອງຊາວລາວ, ເຊິ່ງໃນ ງານບຸນດັ່ງກ່າວຈະປະກອບ ມີກິດຈະກຳຫລາຍຢ່າງບໍ່ວ່າ ຈະເປັນການປະກວດນາງ ສາວ ທິດາບຸນຊ້າງ, ຂະບວນແຫ່ ຊ້າງ, ການສະແດງຊ້າງ ຄຳຮູ້, ພິທີບາສີສູ່ຂວັນຊ້າງ, ວິທີການ ຝຶກຊ້າງນ້ອຍ(ເອົາຊ້າງເຂົ້າ ເຂື່ອນ), ສາທິດການນຳໃຊ້ ແຮງງານຊ້າງ, ການບໍລິການ ຂີ່ຊ້າງ, ການອາບນ້ຳຊ້າງ ແລະ ອື່ນໆ. ນອກຈາກນັ້ນ, ຍັງມີ ການສະແດງສິລະປະວັນນະ ຄະດີ ແລະ ການສາຍຮູບເງົາ ສາລະຄະດີກ່ຽວກັບຊ້າງພ້ອມ ທັງການວາງສະແດງສິນ ຄ້າຕ່າງໆ ຈາກພາຍໃນ ແລະ ຕ່າງ ປະເທດເພື່ອແນໃສ່ສ້າງ ສິ່ງດຶງດູດໃຈຂອງນັກທ່ອງ ທ່ຽວຈາກທົ່ວທຸກສາລະທິດ ມາທ່ຽວບຸນຊ້າງນັບມື້ຫລາຍ ຂຶ້ນ.
ພິເສດປີນີ້, ເປັນປີທ່ອງ ທ່ຽວຂອງລາວເຮົາທາງ ແຂວງໄຊຍະບູລີໄດ້ເພີ່ມໄລຍະ ເວລາ ຂອງບຸນຊ້າງເພື່ອໃຫ້ ນັກທ່ອງທ່ຽວໄດ້ຊົມຕະ ຫລາດນັດວາງສະແດງສິນ ຄ້າ, ການສະແດງຂອງຊ້າງ ແລະ ການອະນຸລັກຕ່າງໆ ດ້ວຍຄວາມປະທັບໃຈ./.
+ ເຊີນທ່ຽວຊົມ-ນະມັດສະການພະທາດສີໂຄດຕະບອງ
+ ທ່ຽວບຸນວັດພູມໍລະດົກໂລກທີ່ແຂວງຈຳປາສັກ
